Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightTrivandrumchevron_rightതി​രു​വ​ന​ന്ത​പു​രം...

തി​രു​വ​ന​ന്ത​പു​രം ന​ഗ​ര​ത്തി​ല്‍ അ​ന​ധി​കൃ​ത അ​റ​വു​ശാ​ല​ക​ള്‍

text_fields
bookmark_border
slaughtering representational image
cancel
camera_altrepresentational image

വ​ലി​യ​തു​റ: പു​തി​യ ന​ഗ​ര​സ​ഭ ഭ​ര​ണ​ത്തി​ന് വെ​ല്ലു​വി​ളി​യാ​യി ന​ഗ​ര​ത്തി​ല്‍ അ​ന​ധി​കൃ​ത അ​റ​വു​ശാ​ല​ക​ള്‍. തി​രു​വ​ന​ന്ത​പു​രം ന​ഗ​ര​സ​ഭ പ​രി​ധി​യി​ല്‍ മാ​ത്രം ആ​യി​ര​ത്തി​ല​ധി​കം അ​ന​ധി​കൃ​ത അ​റ​വു​ശാ​ല​ക​ളാ​ണ് എ​തൊ​രു സു​ര​ക്ഷ​മാ​ന​ദ​ണ്ഡ​ങ്ങ​ളും പാ​ലി​ക്കാ​തെ ഇ​പ്പോ​ള്‍ പ്ര​വ​ര്‍ത്തി​ക്കു​ന്ന​ത്. കു​ന്നു​കു​ഴി​യി​ലെ ന​ഗ​ര​സ​ഭ​യു​ടെ അം​ഗീ​കൃ​ത അ​റ​വു​ശാ​ല മ​ലി​നീ​ക​ര​ണ സം​വി​ധാ​ന​ങ്ങ​ള്‍ ഇ​ല്ലാ​തെ പ്ര​വ​ര്‍ത്തി​ച്ച കാ​ര​ണ​ത്താ​ല്‍ മ​ലി​നീ​ക​ര​ണ നി​യ​ന്ത്ര​ണ​ബോ​ര്‍ഡ് പൂ​ട്ടി​യി​ട്ട് വ​ര്‍ഷ​ങ്ങ​ള്‍ പി​ന്നി​ടു​ന്നു. പി​ന്നീ​ട് പൂ​ട്ടി​യ അ​റ​വു​ശാ​ല 30കോ​ടി രൂ​പ മു​ട​ക്കി ന​വീ​ക​രി​ക്കാ​നു​ള്ള പ​ദ്ധ​തി​ക്ക് രൂ​പം ന​ല്‍കി. ഇ​തി​നാ​യി ആ​സൂ​ത്ര​ണ​ബോ​ര്‍ഡി​െൻറ​യും ശു​ചി​ത്വ​മി​ഷ​െൻറ​യും അ​നു​മ​തി​യും ല​ഭി​ച്ചി​രു​ന്നു.

സം​സ്​​ഥാ​ന​ത്തെ അ​ടി​സ്ഥാ​ന വി​ക​സ​ന​ത്തി​നാ​യി രൂ​പ​വ​ത്​​ക​രി​ച്ച കേ​ര​ള ഇ​ന്‍ഫ്രാ​സ്​​ട്ര​ക്ച്ച​ര്‍ ഇ​ന്‍വെ​സ്​​റ്റ്​​മെ​െൻറ് ഫ​ണ്ട് ബോ​ര്‍ഡി​െൻറ(​കി​ഫ്ബി)​യു​ടെ കീ​ഴി​ലാ​ണ് പ​ദ്ധ​തി ഉ​ള്‍പ്പെ​ടു​ത്തി​യി​രി​ക്കു​ന്ന​ത്. എ​ന്നാ​ല്‍, പി​ന്നീ​ട് പ​ദ്ധ​തി ഫ​യ​ലി​ല്‍ ഉ​റ​ങ്ങു​ന്ന കാ​ഴ്ച​യാ​ണ് ക​ണ്ട​ത്. അം​ഗീ​കൃ​ത അ​റു​ശാ​ല ന​ഗ​ര​ത്തി​ല്‍ ഇ​ല്ലാ​താ​യ​തോ​ടെ അ​ന​ധി​കൃ​ത അ​റ​വു​ശാ​ല​ക​ള്‍ കൂ​ണു​പോ​ലെ ഉ​യ​ര്‍ന്നു.

ഇ​വ​ര്‍ക്കെ​തി​രെ ന​ട​പ​ടി​യെ​ടു​ക്കാ​ന്‍ ക​ഴി​യാ​തെ ന​ഗ​ര​സ​ഭ​യു​ടെ ആ​രോ​ഗ്യ​വ​കു​പ്പി​ന് നോ​ക്കു​ക്കു​ത്തി​യാ​കേ​ണ്ടി വ​ന്നു. അം​ഗീ​കൃ​ത അ​റ​വു​ശാ​ല​യി​ല്‍ ക​ശാ​പ്പി​നാ​യി കൊ​ണ്ടു​വ​രു​ന്ന മൃ​ഗ​ത്തി​ന് പ​ക​ര്‍ച്ച​വ്യാ​ധി​ക​ള്‍ ഇ​െ​ല്ല​ന്നും 10 വ​യ​സ്സി​ന് മു​ക​ളി​ലു​ള്ള മൃ​ഗ​മാ​ണ്​ ഇ​തെ​ന്നും വെ​റ്റ​റി​ന​റി സ​ര്‍ജ​ന്‍ പ​രി​ശോ​ധി​ച്ച് ഉ​റ​പ്പു​വ​രു​ത്തി​യ ശേ​ഷം മാ​ത്ര​മേ അം​ഗീ​കൃ​ത അ​റ​വു​ശാ​ല​യി​ല്‍ ക​ശാ​പ്പ് ന​ട​ക്കൂ. എ​ന്നാ​ല്‍, അം​ഗീ​കൃ​ത അ​റ​വു​ശാ​ല പൂ​ട്ടി​യ​തോ​ടെ ഇ​ത​ര​സം​സ്ഥാ​ന​ങ്ങ​ളി​ല്‍ നി​ന്ന്​ അ​ന​ധി​കൃ​ത മാ​ര്‍ഗ​ങ്ങ​ളി​ലൂ​ടെ തു​ച്ഛ​മാ​യ വി​ല​യ്ക്ക് കി​ട്ടു​ന്ന രോ​ഗം ബാ​ധി​ച്ച​തും അം​ഗ​വൈ​ക​ല്യ​മു​ള്ള​തു​മാ​യ കാ​ലി​ക​ളെ ക​ശാ​പ്പ് ന​ട​ത്തി പൊ​തു​വി​പ​ണി​യി​ല്‍ പ​ര​സ്യ​മാ​യി വി​ല്‍ക്കു​ക​യാ​ണ്. അം​ഗീ​കൃ​ത അ​റ​വു​ശാ​ല ഇ​ല്ലാ​ത്ത ന​ഗ​ര​ങ്ങ​ളി​ല്‍ ഇ​റ​ച്ചി​ക്ക​ട​ക​ള്‍ ന​ട​ത്ത​രു​തെ​ന്ന് സു​പ്രീം കോ​ട​തി​യു​ടെ ഉ​ത്ത​ര​വ് നി​ല​വി​ലു​ണ്ട്.

റോ​ഡ് വ​ക്കി​ല്‍ കെ​ട്ടി​ത്തൂ​ക്കു​േ​മ്പാ​ള്‍ ഇ​തി​ല്‍ പൊ​ടി​പ​ട​ല​ങ്ങ​ള്‍ പ​റ്റാ​തി​രി​ക്കാ​നു​ള്ള മു​ന്‍ക​രു​ത​ല്‍ പോ​ലും ആ​രും സ്വീ​ക​രി​ക്കു​ന്നി​ല്ല. കൃ​ത്യ​മാ​യ മു​െ​ന്നാ​രു​ക്ക​ത്തോ​ടെ​യു​ള്ള സം​വി​ധാ​ന​ങ്ങ​ള്‍ ഇ​വ​ര്‍ക്ക് ഒ​രു​ക്കി​ക്കൊ​ടു​ക്കു​ന്ന​തി​ല്‍ ക​ഴി​ഞ്ഞ ന​ഗ​ര​സ​ഭ ഭ​ര​ണം പൂ​ർ​ണ പ​രാ​ജ​യ​മാ​യി​രു​ന്നു.

ക​ന്നു​കാ​ലി​ക​ളെ ക​ശാ​പ്പ് ചെ​യ്യു​ന്ന​വ​ര്‍ക്ക് പ്ര​ത്യേ​കം പ​രി​ശീ​ല​നം ന​ല്‍കാ​നും ഇ​വ​ര്‍ക്ക് ബോ​ധ​വ​ത്​​ക​ര​ണം ന​ല്‍കാ​നു​മാ​യി ക​ഴി​ഞ്ഞ സം​സ്ഥാ​ന സ​ര്‍ക്കാ​ര്‍ പ​ദ്ധ​തി​ക​ള്‍ പ്ര​ഖ്യാ​പി​ക്കു​ക​യും ഇ​തി​നാ​യി ബ​ജ​റ്റി​ല്‍ തു​ക അ​നു​വ​ദി​ക്കു​ക​യും ചെ​യ്​​തെ​ങ്കി​ലും ന​ട​പ​ടി ക്ര​മ​ങ്ങ​ള്‍ ഇ​പ്പോ​ഴും ഫ​യ​ലി​ല്‍ ഉ​റ​ങ്ങു​ന്ന അ​വ​സ്ഥ​യാ​ണ്. അ​റ​വു​കാ​രു​ടെ ആ​രോ​ഗ്യ​പ​രി​ശോ​ധ​ന ന​ട​ത്തി ആ​രോ​ഗ്യ​വാ​ന്മാ​രും പ​രി​ശീ​ല​നം ല​ഭി​ച്ച​വ​രു​മാ​യ അ​റ​വു​കാ​ര്‍ക്ക് ത​ദ്ദേ​ശ സ്ഥാ​പ​ന​ങ്ങ​ളി​ലൂ​ടെ ര​ജി​സ്ട്രേ​ഷ​ന്‍ ല​ഭ്യ​മാ​കാ​നും ഇ​വ​ര്‍ക്ക് മ​ണ്ണു​ത്തി വെ​റ്റ​റി​ന​റി കോ​ള​ജി​ല്‍ പ​രി​ശീ​ല​നം ന​ല്‍കാ​നും രോ​ഗം ബാ​ധി​ച്ച മാ​ടു​ക​ളെ ക​ശാ​പ്പ് ചെ​യ്ത് വി​ല്‍ക്കു​ന്ന​തി​ല്‍ നി​ന്ന്​ പി​ന്തി​രി​പ്പി​ക്കാ​നും കൊ​ണ്ടു​വ​ന്ന പ​ദ്ധ​തി എ​ങ്ങു​െ​മ​ത്താ​തെ പോ​യി.

കൃ​ത്യ​മാ​യ ശീ​തീ​ക​ര​ണ സം​വി​ധാ​ന​ങ്ങ​ള്‍ ഇ​ല്ലാ​തെ​യാ​ണ് പ​ല​രും സൂ​ക്ഷി​ച്ച് പി​റ്റേ​ന്ന് വീ​ണ്ടും വി​ല്‍ക്കു​ന്ന​ത്. ഇ​ത്​ അ​തി​ഗു​രു​ത​ര ആ​രോ​ഗ്യ​പ്ര​ശ്​​ന​ങ്ങ​ള്‍ സൃ​ഷ്​​ടി​ക്കു​ന്ന അ​വ​സ്ഥ​യി​ലേ​ക്കാ​ണ് കാ​ര്യ​ങ്ങ​ള്‍ മു​ന്നോ​ട്ട് പോ​കു​ന്ന​ത്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:slaughterillegal slaughter
News Summary - illegal slaughtering centers in trivandrum
Next Story