ഭാര്യയെ തലക്കടിച്ച് കൊന്ന കേസിൽ ഭർത്താവ് കുറ്റക്കാരൻ

തി​രു​വ​ന​ന്ത​പു​രം: ഭാ​ര്യ​യെ ത​ല​ക്ക​ടി​ച്ച് കൊ​ന്ന കേ​സി​ൽ ഭ​ർ​ത്താ​വ് കു​റ്റ​ക്കാ​ര​ൻ. മു​ദാ​ക്ക​ൽ ചെ​മ്പൂ​ര് ക​ളി​ക്ക​ൽ കു​ന്നി​ൻ വീ​ട്ടി​ൽ നി​ഷ​യെ (35) യാ​ണ്​ ഭ​ർ​ത്താ​വ് അ​ഴൂ​ർ മു​ട്ട​പ്പാ​ലം പു​തു​വ​ൽ​വി​ള വീ​ട്ടി​ൽ സ​ന്തോ​ഷ്​ (37) കൊ​ല​പ്പെ​ടു​ത്തി​യ​ത്. ശി​ക്ഷ ശ​നി​യാ​ഴ്ച വി​ധി​ക്കും. 2011 ഒ​ക്ടോ​ബ​ർ 27 നാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം.

സം​ഭ​വ​ത്തി​ന് ത​ലേ​ദി​വ​സം മ​ദ്യ​പി​ച്ച് ഉ​പ​ദ്ര​വി​ച്ച​തി​ന് ആ​റ്റി​ങ്ങ​ൽ പൊ​ലീ​സ് സ്റ്റേ​ഷ​നി​ൽ പ​രാ​തി ന​ൽ​കി​യ​താ​ണ് കൊ​ല​പാ​ത​ക​ത്തി​ന്​ കാ​ര​ണം. പൊ​ലീ​സ് അ​ന്വേ​ഷി​ക്കു​ന്ന​ത​റി​ഞ്ഞ സ​ന്തോ​ഷ് വീ​ട്ടി​ൽ നി​ന്ന്​ മാ​റി നി​ന്ന ശേ​ഷം പി​റ്റേ ദി​വ​സം രാ​വി​ലെ ഏ​ഴോ​ടെ വീ​ട്ടി​ലെ​ത്തി വ​ഴ​ക്കി​ട്ടു. നി​ഷ​യു​ടെ മാ​താ​വ് രാ​ധ​യും സ​ഹോ​ദ​രി ര​മ്യ​യും വീ​ട്ടി​ലു​ള്ള​തി​നാ​ൽ വേ​ങ്ങോ​ട് ജ​ങ്​​ഷ​നി​ലേ​ക്ക് പോ​യി. സ​ഹോ​ദ​രി ജോ​ലി​ക്കും അ​മ്മ രാ​ധ ക​ട​യി​ലേ​ക്കും പോ​യ ശേ​ഷം വീ​ട്ടി​ലെ​ത്തി​യ സ​ന്തോ​ഷ്​ നി​ഷ​യെ ക​മ്പി​പ്പാ​ര ഉ​പ​യോ​ഗി​ച്ച് ത​ല​ക്ക​ടി​ച്ച് വീ​ഴ്ത്തി.

മ​ക​ളു​ടെ നി​ല​വി​ളി കേ​ട്ടെ​ത്തി​യ നാ​ട്ടു​കാ​ർ പ്ര​തി​യെ പി​ടി​കൂ​ടി ആ​റ്റി​ങ്ങ​ൽ പൊ​ലീ​സി​ലേ​ൽ​പി​ച്ചു. ത​ല​ക്ക്​ ഗു​രു​ത​ര​മാ​യി പ​രി​ക്കേ​റ്റ നി​ഷ​യെ മെ​ഡി​ക്ക​ൽ കോ​ള​ജി​ലെ​ത്തി​ച്ചെ​ങ്കി​ലും പി​റ്റേ ദി​വ​സം മ​രി​ച്ചു.