ഭ​വ​ന​പ​ദ്ധ​തി​ക​ളി​ലും ത​ഴ​ഞ്ഞു

നാ​ണ്യ​വി​ള​ക​ള്‍ മു​ത​ല്‍ ഭ​ക്ഷ്യ​വി​ള​ക​ള്‍വ​രെ ആ​രെ​യും ആ​ക​ര്‍ഷി​ക്കു​ന്ന കൃ​ഷി​ത്തോ​ട്ട​ങ്ങ​ളാ​ണ് ഇ​വി​ടു​ള്ള​ത്. എ​ന്നാ​ല്‍, ഭൂ​മി ഈ​ടു​െ​വ​ച്ച് ആ​രും വാ​യ്പ കൊ​ടു​ക്കി​ല്ല. എ​ങ്കി​ലും ഇ​വി​ടു​ള്ള യു​വ​ത​ല​മു​റ​യി​ൽ​പെ​ട്ട നി​ര​വ​ധി പേ​ര്‍ വി​ദേ​ശ​രാ​ജ്യ​ങ്ങ​ളി​ല്‍ പോ​യി പ​ണം സ​മ്പാ​ദി​ച്ച് സു​ഖ​മാ​യി ജീ​വി​ക്കു​ന്നു. രേ​ഖ​യി​ല്ലാ​ത്ത ഭൂ​മി​യി​ല്‍ അ​ന​ധി​കൃ​ത​മാ​യി ബ​ഹു​നി​ല കെ​ട്ടി​ട​ങ്ങ​ളും ഇ​വ​ർ നി​ര്‍മി​ച്ചി​ട്ടു​ണ്ട്.

വെ​ള്ള​ത്തി​ലാ​യ​വ​ർ നി​ര​വ​ധി

അ​ധ്വാ​നം മു​ഴു​വ​ന്‍ വെ​ള്ള​ത്തി​ലാ​യ​പ്പോ​ള്‍ ദു​രി​ത​ക്ക​യ​ത്തി​ലാ​യ നി​ര​വ​ധി കു​ടും​ബ​ങ്ങ​ളു​ണ്ട്. അ​ത്ത​ര​ത്തി​ലൊ​രു കു​ടും​ബ​മാ​ണ് മ​ത്താ​യി​യു​ടേ​ത്. നാ​മ​മാ​ത്രം കൃ​ഷി​ഭൂ​മി മാ​ത്ര​മാ​യി​രു​ന്നു മ​ത്താ​യി​യു​ടെ കു​ടും​ബ​ത്തി​ന്‍റെ ഏ​ക വ​രു​മാ​ന​മാ​ര്‍ഗം. ക​ര്‍ഷ​ക​ര​ക്ഷ​ക്കാ​യി ഉ​യ​ര്‍ന്ന അ​ണ​ക്കെ​ട്ട് മ​ത്താ​യി​യു​ടെ കൃ​ഷി​ഭൂ​മി​യെ​യും വെ​ള്ള​ത്തി​ല്‍ മു​ക്കി​യ​പ്പോ​ള്‍ പ​രി​സ​ര​ത്ത് ശേ​ഷി​ച്ച 50 സെ​ന്‍റി​ല്‍ മ​ത്താ​യി അ​ഭ​യം തേ​ടി. ഇ​വി​ടെ​യൊ​രു ഓ​ല​പ്പു​ര​യി​ല്‍ താ​മ​സ​മാ​യി. തു​ണ്ടു​ഭൂ​മി​യി​ല്‍ കൃ​ഷി​ചെ​യ്ത് ജീ​വി​തം ത​ള്ളി​നീ​ക്കു​മ്പോ​ഴാ​ണ് സ​ഹോ​ദ​രി​ക്ക് ഗു​രു​ത​ര രോ​ഗം വ​ന്ന​ത്.

ഡോ​ക്ട​ർ​മാ​ര്‍ അ​ടി​യ​ന്ത​ര ശ​സ്ത്ര​ക്രി​യ​ക്ക്​ നി​ർ​ദേ​ശി​ച്ചു. തു​ട​ര്‍ന്ന് ചി​കി​ത്സ​ക്കാ​യി പ​ണം​തേ​ടി അ​ല​ച്ചി​ല്‍ തു​ട​ങ്ങി. ബാ​ങ്കി​ല്‍ നി​ന്നും ഭൂ​മി പ​ണ​യ​പ്പെ​ടു​ത്തി വാ​യ്പ​യെ​ടു​ത്ത് ചി​കി​ത്സ ന​ട​ത്താ​ന്‍ ശ്ര​മി​ച്ചു. പ​ട്ട​യം ഇ​ല്ലാ​ത്ത ഭൂ​മി​ക്ക് വാ​യ്പ ന​ല്‍കാ​ന്‍ സ​ഹ​ക​ര​ണ സം​ഘ​ങ്ങ​ളും ബാ​ങ്കു​ക​ളും സ്വ​കാ​ര്യ പ​ണ​മി​ട​പാ​ടു​കാ​രു​മൊ​ന്നും ത​യാ​റാ​യി​ല്ല. ഒ​ടു​വി​ല്‍ മ​ത്താ​യി ന​ട്ടു​വ​ള​ര്‍ത്തി​യ പ്ലാ​വ് വി​റ്റ്​ പ​ണം ക​ണ്ടെ​ത്താ​ൻ ആ​ലോ​ചി​ച്ചു. മ​ര​ക്ക​ച്ച​വ​ട​ക്കാ​ര​നെ എ​ത്തി​ച്ച് മ​രം​വി​ല ഉ​റ​പ്പി​ച്ച് അ​ഡ്വാ​ന്‍സും വാ​ങ്ങി.

വാ​യ്പ​ക​ൾ പോ​ലും നി​ഷേ​ധി​ക്കു​ന്നു

മ​രം മു​റി​ക്കാ​ന്‍ ആ​ളെ​ത്തി​യ​പ്പോ​ള്‍ വ​ന​നി​യ​മ​ത്തി​ന്‍റെ ചു​രു​ള​ഴി​ഞ്ഞു. പ​ട്ട​യം ഇ​ല്ലാ​ത്ത ഭൂ​മി​യി​ലെ മ​രം മു​റി​ച്ചാ​ല്‍ കേ​സ് എ​ടു​ക്കു​മെ​ന്നാ​യി​രു​ന്നു വ​നം​വ​കു​പ്പ്. ഇ​തോ​ടെ മ​ത്താ​യി വീ​ണ്ടും വി​ഷ​മ​വൃ​ത്ത​ത്തി​ലാ​യി. മ​റ്റ് വ​ഴി​ക​ളി​ല്‍ പ​ണം ക​ണ്ടെ​ത്താ​നു​ള്ള ശ്ര​മ​ത്തി​നി​ടെ ചി​കി​ത്സ​ക്ക്​ കാ​ത്ത് നി​ല്‍ക്കാ​തെ മ​ത്താ​യി​യു​ടെ സ​ഹോ​ദ​രി യാ​ത്ര​യാ​യി. പ​ട്ട​യ​പ്ര​ശ്നം മ​ത്താ​യി​ക്ക് ന​ൽ​കി​യ വേ​ദ​ന​യും ക​ണ്ണീ​രും അ​തു​പോ​ലെ നി​ര​വ​ധി വീ​ട്ടു​കാ​ര്‍ക്ക് ക​ണ്ണീ​രി​ന്‍റെ ക​യ്പു​നീ​ർ സ​മ്മാ​നി​ച്ചു.

കോ​ണ്‍ക്രീ​റ്റ് വീ​ടും കൃ​ഷി ഭൂ​മി​യു​മൊ​ക്കെ​യു​ണ്ടെ​ങ്കി​ലും ഇ​വി​ട​ത്തു​കാ​ര്‍ക്ക് വാ​യ്പ ന​ല്‍കു​ന്ന​തി​ല്‍ സ​ഹ​ക​ര​ണ​സം​ഘ​ങ്ങ​ളും ബാ​ങ്കു​ക​ളും ഇ​പ്പോ​ഴും ഇ​വ​രെ പു​റ​ത്ത് ത​ന്നെ നി​ർ​ത്തി​യി​രി​ക്കു​ക​യാ​ണ്. ഇ​വി​ട​ത്തു​കാ​ര്‍ ക്രി​മി​ന​ലു​ക​ളാ​ണെ​ന്ന് ക​രു​തേ​ണ്ട. അ​റി​ഞ്ഞോ അ​റി​യാ​തെ​യോ ചെ​റി​യ കേ​സു​ക​ളി​ലെ​ങ്ങാ​നും പെ​ട്ടു​പോ​യ​വ​ര്‍ കോ​ട​തി ജാ​മ്യ​ത്തി​ന് ഭൂ​നി​കു​തി ര​സീ​ത് ജാ​മ്യ​ക്കാ​രി​ല്ലാ​ത്ത​തി​ന്‍റെ പേ​രി​ല്‍ ഒ​ളി​വി​ല്‍ പോ​യ​വ​രും ജ​യി​ലി​ലാ​യ​വ​രും നി​ര​വ​ധി​പേ​രു​ണ്ട്. അ​യ​ല്‍വാ​സി​ക​ളും ബ​ന്ധു​ക്ക​ളു​മാ​ക്കെ അ​ടു​ത്തു​ണ്ടെ​ങ്കി​ലും ജാ​മ്യം നി​ല്‍ക്കാ​ന്‍ ഇ​വ​ര്‍ക്കാ​കി​ല്ല. പ്ര​തി​വ​ര്‍ഷം ഇ​വി​ടെ കൃ​ഷി​ചെ​യ്യു​ന്ന​ത് കോ​ടി​ക​ളു​ടെ നാ​ണ്യ​വി​ള​ക​ളും കാ​ര്‍ഷി​ക​വി​ള​ക​ളും ആ​ണ്.

ഇ​തി​ല്‍ നി​ന്ന്​ സ​ര്‍ക്കാ​റി​ലേ​ക്ക്​ യാ​തൊ​രു നി​കു​തി​യും ല​ഭി​ക്കു​ന്നി​ല്ല. ഒ​രേ​ക്ക​റി​ന് 200രൂ​പ വീ​തം ഈ​ടാ​ക്കി​യി​രു​ന്ന കു​ത്ത​ക​പ്പാ​ട്ട​പി​രി​വും ഇ​പ്പോ​ഴി​ല്ല. ക​ര്‍ഷ​ക​ര്‍ക്ക് കേ​ന്ദ്ര-​സം​സ്ഥാ​ന സ​ര്‍ക്കാ​റു​ക​ള്‍ അ​നു​വ​ദി​ക്കു​ന്ന സ​ബ്സി​ഡി​ക​ള്‍, സ​ര്‍ക്കാ​റി​ന്‍റെ വി​വി​ധ ആ​നു​കൂ​ല്യ​ങ്ങ​ള്‍ എ​ന്നി​വ​യൊ​ന്നും ഇ​വ​ര്‍ക്ക് ല​ഭി​ക്കു​ന്നി​ല്ല.

പ​ഠ​നം പൂ​ര്‍ത്തി​യാ​ക്കാ​ൻ ക​ഴിയാത്ത കു​ട്ടി​ക​ൾ അ​ന​വ​ധി

നി​ർ​ധ​ന​ര്‍ക്കു​ള്ള ഭ​വ​ന​പ​ദ്ധ​തി​ക​ളു​ടെ ആ​നു​കൂ​ല്യ​ത്തി​നും ഇ​വി​ട​ത്തു​കാ​ര്‍ ത​ഴ​യ​പ്പെ​ടു​ക​യാ​ണ്. നി​ര​വ​ധി പേ​രാ​ണ് സ്വ​ന്തം മ​ണ്ണി​ല്‍ ചോ​രു​ന്ന കൂ​ര​ക​ളി​ല്‍ അ​ഭ​യാ​ർ​ഥി​ക​ളാ​യി ക​ഴി​യു​ന്ന​ത്. ക​ര്‍ഷ​ക​ര്‍ക്ക് സ​ര്‍ക്കാ​ര്‍ ആ​നു​കൂ​ല്യ​ങ്ങ​ള്‍ പ്ര​ഖ്യാ​പി​ക്കു​മ്പോ​ള്‍ നെ​യ്യാ​ര്‍-​അ​ഞ്ചു​ച​ങ്ങ​ല പ്ര​ദേ​ശ​ത്തെ ഭൂ​മി​യി​ൽ പൊ​ന്നു​വി​ള​യി​ക്കു​ന്ന ക​ര്‍ഷ​ക​ര്‍ പ്ര​ഖ്യാ​പ​നം കേ​ട്ട്​ നെ​ടു​വീ​ര്‍പ്പി​ടും. പ്ര​ദേ​ശ​ത്ത് പ്ര​ധാ​ന കൃ​ഷി റ​ബ​റാ​ണ്.

റ​ബ​ര്‍ ബോ​ര്‍ഡി​ല്‍ നി​ന്ന്​ സ​ബ്സി​ഡി ല​ഭി​ക്കു​ക​യോ റ​ബ​റി​ന് ന്യാ​യ​വി​ല സ​ബ്സി​ഡി ല​ഭി​ക്കു​ന്ന​തി​നോ അ​ര്‍ഹ​ത​യി​ല്ല. ഈ ​അ​ഞ്ചു​ച​ങ്ങ​ല പ്ര​ദേ​ശ​ത്ത് ആ​ശു​പ​ത്രി, സ്കൂ​ള്‍ എ​ന്നി​വ​യൊ​ക്കെ​യു​ണ്ട്. കു​ട്ടി​ക​ള്‍ക്ക് ബാ​ങ്കി​ല്‍ നി​ന്ന്​ വി​ദ്യാ​ഭ്യാ​സ​വാ​യ്പ ല​ഭി​ക്കാ​ത്ത​തു​കാ​ര​ണം നി​ര​വ​ധി കു​ട്ടി​ക​ള്‍ക്ക് പ​ഠ​നം പൂ​ര്‍ത്തി​യാ​ക്കാ​നാ​കാ​ത്ത സ്ഥി​തി​യു​ണ്ട്.

ഉ​ന്ന​ത​വി​ദ്യാ​ഭ്യാ​സ​ത്തി​ന് പ​ല​രും അ​ര്‍ഹ​ത നേ​ടി​യെ​ങ്കി​ലും പ​ണ​മി​ല്ലാ​ത്ത​തി​നാ​ല്‍ പ​ഠ​നം പാ​തി​വ​ഴി​യി​ല്‍ അ​വ​സാ​നി​പ്പി​ച്ച​വ​രും ഏ​റെ​യാ​ണ്. ഇ​വി​ടു​ള്ള പെ​ണ്‍കു​ട്ടി​ക​ളു​ടെ വി​വാ​ഹം മു​ട​ങ്ങി​യ​ത് നി​ര​വ​ധി. എന്നാൽ, സഞ്ചാരികള്‍ വിനോദത്തിനെത്തുമ്പോള്‍ കൈവശരേഖപോലുമില്ലാത്ത വസ്തുവില്‍ കെട്ടിടം നിര്‍മിച്ച് ഇവിടെ താമസിക്കുന്നു.

തു​ട​രും....