ആശുപത്രി ആക്രമണങ്ങൾ; നിയമമുണ്ടെങ്കിലും ആരും ശിക്ഷിക്കപ്പെട്ടില്ല

തി​രു​വ​ന​ന്ത​പു​രം: സ​മീ​പ​കാ​ല​ത്തു​ണ്ടാ​യ ആ​ശു​പ​ത്രി ആ​ക്ര​മ​ങ്ങ​ള്‍ക്കു​പി​ന്നി​ലു​ള്ള കൊ​ടും​ക്രി​മി​ന​ലു​ക​ളെ സം​ര​ക്ഷി​ക്കു​ന്ന​ത് പ്രാ​ദേ​ശി​ക രാ​ഷ്ട്രീ​യ നേ​താ​ക്ക​ളാ​ണെ​ന്ന ആ​രോ​പ​ണം ശ​ക്തം. ഒ​റ്റ​ക്കും സം​ഘം ചേ​ര്‍ന്നു​മു​ള്ള ആ​ക്ര​മ​ണ​ങ്ങ​ള്‍ക്ക് ക്രി​മി​ന​ലു​ക​ൾ നേ​തൃ​ത്വം ന​ൽ​കു​ന്ന സം​ഭ​വ​ങ്ങ​ളു​മു​ണ്ടാ​യി​ട്ടു​ണ്ട്.

എ​ത്ര​വ​ലി​യ സം​ഭ​വ​മാ​ണെ​ങ്കി​ലും രാ​ഷ്ട്രീ​യ സ്വാ​ധീ​ന​ത്തി​ന്റെ പേ​രി​ല്‍ കു​റ്റ​ക്കാ​ര്‍ക്കെ​തി​രെ ദു​ര്‍ബ​ല വ​കു​പ്പു​ക​ളി​ട്ട് കേ​സെ​ടു​ക്കു​ന്ന​തോ​ടെ പോ​റ​ല്‍ പോ​ലും ഏ​ല്‍ക്കാ​തെ ര​ക്ഷ​പ്പെ​ടു​ക​യാ​ണ് പ​തി​വ്.

ആ​രോ​ഗ്യ​പ്ര​വ​ര്‍ത്ത​ക​രു​ടെ​യും ആ​രോ​ഗ്യ​സ്ഥാ​പ​ന​ങ്ങ​ളു​ടെ​യും സം​ര​ക്ഷ​ണം ല​ക്ഷ്യ​മി​ട്ട് 2012 ആ​ഗ​സ്റ്റി​ല്‍ സം​സ്ഥാ​ന സ​ര്‍ക്കാ​ര്‍ നി​യ​മം കൊ​ണ്ടു​വ​ന്നി​ട്ടു​ണ്ട്. എ​ന്നാ​ല്‍, ഈ ​നി​യ​മ​പ്ര​കാ​രം ഇ​തു​വ​രെ ആ​രും ശി​ക്ഷി​ക്ക​പ്പെ​ട്ടി​ട്ടി​ല്ലെ​ന്നു​മാ​ത്രം.

കേ​ര​ള ആ​രോ​ഗ്യ​ര​ക്ഷ സേ​വ​ന പ്ര​വ​ര്‍ത്ത​ക​രും ആ​രോ​ഗ്യ​ര​ക്ഷ സേ​വ​ന സ്ഥാ​പ​ന​ങ്ങ​ളും (അ​ക്ര​മ​വും സ്വ​ത്തി​നു​ള്ള നാ​ശ​വും ത​ട​യ​ല്‍) ആ​ക്ട് 2012 പ്ര​കാ​രം​ ആ​രോ​ഗ്യ​ര​ക്ഷ സേ​വ​ന സ്ഥാ​പ​ന​ങ്ങ​ള്‍, ആ​രോ​ഗ്യ​പ്ര​വ​ര്‍ത്ത​ക​ര്‍ എ​ന്നി​വ​രു​ടെ ജീ​വ​ന്‍ അ​പാ​യ​പ്പെ​ടു​ത്തു​ക​യോ ഭീ​ഷ​ണി​പ്പെ​ടു​ത്തു​ക​യോ ജോ​ലി ത​ട​സ്സ​പ്പെ​ടു​ത്തു​ക​യോ ചെ​യ്താ​ല്‍ മൂ​ന്നു​വ​ര്‍ഷം​വ​രെ ത​ട​വും 50,000 രൂ​പ പി​ഴ​യും ഈ​ടാ​ക്കാ​നു​ള്ള വ​കു​പ്പു​ക​ളു​ണ്ട്. നി​യ​മ​ത്തി​ലെ മൂ​ന്നാം വ​കു​പ്പു​ പ്ര​കാ​രം ജാ​മ്യ​മി​ല്ലാ കു​റ്റം ചു​മ​ത്തി കേ​സെ​ടു​ക്കാ​നു​മാ​കും.

എ​ന്നാ​ല്‍, സ​മീ​പ​കാ​ല​ത്ത് ഒ​ന്നോ ര​ണ്ടോ സം​ഭ​വ​ങ്ങ​ളി​ലൊ​ഴി​കെ കു​റ്റ​ക്കാ​ര്‍ക്ക് അ​നാ​യാ​സം ജാ​മ്യം ല​ഭി​ക്കു​ന്ന വ​കു​പ്പു​ക​ളി​ട്ടാ​ണ് കേ​സെ​ടു​ത്ത​തു​പോ​ലും. ഐ.​എം.​എ​യു​ടെ ക​ണ​ക്ക​നു​സ​രി​ച്ച് ക​ഴി​ഞ്ഞ​വ​ര്‍ഷം മാ​ത്രം 37 ആ​ശു​പ​ത്രി ആ​ക്ര​മ​ണ​ങ്ങ​ള്‍ റി​പ്പോ​ര്‍ട്ട് ചെ​യ്തു. 2020 ജൂ​ണി​നും 2021 ജൂ​ണി​നു​മി​ട​യി​ല്‍ 140 ആ​ക്ര​മ​ണ​ങ്ങ​ള്‍ ഉ​ണ്ടാ​യ​താ​യും അ​വ​ര്‍ ക​ണ​ക്കു​നി​ര​ത്തു​ന്നു. അ​ടു​ത്ത​കാ​ല​ത്താ​യി ആ​ഴ്ച​യി​ല്‍ ഒ​രു ആ​ശു​പ​ത്രി ആ​ക്ര​മ​ണ​മെ​ങ്കി​ലും ന​ട​ക്കു​ന്നു​ണ്ടെ​ന്നാ​ണ് ഐ.​എം.​എ ഭാ​ര​വാ​ഹി​ക​ള്‍ ചൂ​ണ്ടി​ക്കാ​ട്ടു​ന്ന​ത്. ആ​ശു​പ​ത്രി സം​ര​ക്ഷ​ണ​ത്തി​ന് നി​യ​മം​വ​ന്ന് 11 വ​ര്‍ഷം പി​ന്നി​ട്ടി​ട്ടും ക​ര്‍ശ​ന വ്യ​വ​സ്ഥ​ക​ളി​ല്ലാ​ത്ത​തി​നാ​ല്‍ പ്ര​തി​ക​ള്‍ ര​ക്ഷ​പ്പെ​ടു​ക​യാ​ണെ​ന്നും നി​യ​മ​ഭേ​ദ​ഗ​തി വേ​ണ​മെ​ന്നും ഐ.​എം.​എ സം​സ്ഥാ​ന പ്ര​സി​ഡ​ന്റ് ഡോ. ​സു​ല്‍ഫി നൂഹു പ​റ​ഞ്ഞു.