കനത്ത മഴ: 23 വീടുകള്‍ക്ക്​ നാശനഷ്ടം, 43.57 ലക്ഷത്തിന്റെ കൃഷിനാശം

തി​രു​വ​ന​ന്ത​പു​രം: ക​ന​ത്ത​മ​ഴ​യി​ല്‍ ജി​ല്ല​യി​ലെ ആ​റ് താ​ലൂ​ക്കു​ക​ളി​ലാ​യി 23 വീ​ടു​ക​ള്‍ ഭാ​ഗി​ക​മാ​യി ത​ക​ര്‍ന്നു. സെ​പ്റ്റം​ബ​ര്‍ 29 മു​ത​ല്‍ ചൊ​വ്വാ​ഴ്ച വ​രെ പെ​യ്ത മ​ഴ​യി​ല്‍ നെ​ടു​മ​ങ്ങാ​ട് താ​ലൂ​ക്കി​ലെ 11 വീ​ടു​ക​ള്‍ക്ക് നാ​ശ​ന​ഷ്ടം സം​ഭ​വി​ച്ചു. ചി​റ​യി​ന്‍കീ​ഴ്, വ​ര്‍ക്ക​ല, കാ​ട്ടാ​ക്ക​ട താ​ലൂ​ക്കു​ക​ളി​ല്‍ നാ​ല് വീ​തം വീ​ടു​ക​ള്‍ക്കും ഭാ​ഗി​ക​മാ​യ കേ​ടു​പാ​ടു​ക​ള്‍ പ​റ്റി​യി​ട്ടു​ണ്ട്. ക​ന​ത്ത മ​ഴ​യെ തു​ട​ര്‍ന്ന് ചി​റ​യി​ന്‍കീ​ഴ് താ​ലൂ​ക്കി​ലെ മാ​മം അം​ഗ​ന്‍വാ​ടി​യി​ല്‍ ഒ​രു ദു​രി​താ​ശ്വാ​സ ക്യാ​മ്പ്​ തു​റ​ന്നു. ഇ​വി​ടെ മൂ​ന്നു​പേ​രാ​ണ് താ​മ​സി​ക്കു​ന്ന​ത്.

ഒ​ക്ടോ​ബ​ര്‍ ഒ​ന്നി​ന് വി​തു​ര പൊ​ന്നാം​ചു​ണ്ട് പാ​ല​ത്തി​നു സ​മീ​പം വാ​മ​ന​പു​രം ന​ദി​യി​ല്‍ കാ​ണാ​താ​യ വി​തു​ര സ്വ​ദേ​ശി സോ​മ​നെ (58)ക​ണ്ടെ​ത്താ​നു​ള്ള തി​ര​ച്ചി​ല്‍ ഇ​പ്പോ​ഴും തു​ട​രു​ക​യാ​ണെ​ന്ന്​ ജി​ല്ല ഭ​ര​ണ​കൂ​ടം അ​റി​യി​ച്ചു. മ​ഴ​ക്കെ​ടു​തി നേ​രി​ടു​ന്ന​തി​ന് അ​ടി​യ​ന്ത​ര ന​ട​പ​ടി​ക​ള്‍ സ്വീ​ക​രി​ക്കാ​ന്‍ ജി​ല്ല ക​ല​ക്ട​ര്‍ ജെ​റോ​മി​ക് ജോ​ര്‍ജ് റ​വ​ന്യൂ ഉ​ള്‍പ്പെ​ടെ​യു​ള്ള വ​കു​പ്പു​ക​ള്‍ക്ക് നി​ര്‍ദേ​ശം ന​ല്‍കി.

സെ​പ്റ്റം​ബ​ര്‍ 25 മു​ത​ല്‍ പെ​യ്ത ശ​ക്ത​മാ​യ മ​ഴ​യി​ല്‍ ജി​ല്ല​യി​ല്‍ 43.57 ല​ക്ഷ​ത്തി​ന്റെ കൃ​ഷി​നാ​ശ​മു​ണ്ടാ​യ​താ​യാ​ണ് പ്രാ​ഥ​മി​ക വി​ല​യി​രു​ത്ത​ല്‍. 133 ക​ര്‍ഷ​ക​രു​ടെ 6.89 ഹെ​ക്ട​റി​ലു​ള്ള വി​വി​ധ കാ​ര്‍ഷി​ക വി​ള​ക​ള്‍ ന​ശി​ച്ചു. ഏ​റ്റ​വും കൂ​ടു​ത​ല്‍ കൃ​ഷി​നാ​ശ​മു​ണ്ടാ​യ​ത് നെ​യ്യാ​റ്റി​ന്‍ക​ര ബ്ലോ​ക്കി​ലാ​ണ്, ഇ​വി​ടെ 1.40 ഹെ​ക്ട​റി​ല്‍ 21 ല​ക്ഷം രൂ​പ​യു​ടെ കൃ​ഷി​നാ​ശ​മു​ണ്ടാ​യി. ആ​ര്യ​ന്‍കോ​ട് ആ​റു ല​ക്ഷം രൂ​പ​യു​ടെ​യും കാ​ട്ടാ​ക്ക​ട 62,000 രൂ​പ​യു​ടെ​യും പാ​റ​ശ്ശാ​ല​യി​ല്‍ 10 ല​ക്ഷം രൂ​പ​യു​ടെ​യും പു​ളി​മാ​ത്ത് 2.40 രൂ​പ​യു​ടെ​യും വാ​മ​ന​പു​ര​ത്ത് 3.55 ല​ക്ഷം രൂ​പ​യു​ടെ​യും ന​ഷ്ട​മു​ണ്ടാ​യ​താ​യി കൃ​ഷി വ​കു​പ്പ് അ​റി​യി​ച്ചു.

മഴ ശക്തം; നഗരത്തില്‍ പലയിടത്തും വെള്ളം കയറി, മരങ്ങള്‍ കടപുഴകി

മെ​ഡി​ക്ക​ല്‍ കോ​ള​ജ്: ചൊ​വ്വാ​ഴ്ച പു​ല​ര്‍ച്ച​മു​ത​ല്‍ ഇ​ട​വി​ട്ട് ശ​ക്ത​മാ​യി പെ​യ്യു​ന്ന മ​ഴ​യി​ല്‍ ന​ഗ​ര​ത്തി​ലെ പ​ല സ്ഥ​ല​ങ്ങ​ളി​ലും വെ​ള്ള​ക്കെ​ട്ടു​ണ്ടാ​കു​ക​യും നി​ര​വ​ധി സ്ഥ​ല​ങ്ങ​ളി​ല്‍ മ​രം ക​ട​പു​ഴ​കി റോ​ഡി​ല്‍ വീ​ണ് ഗ​താ​ഗ​തം ത​ട​സ്സ​പ്പെ​ടു​ക​യും ചെ​യ്തു.

ആ​മ​യി​ഴ​ഞ്ചാ​ന്‍ തോ​ടി​ന്റെ കൈ​വ​ഴി ക​ര​ക​വി​ഞ്ഞ് തേ​ക്കും​മൂ​ട് ബ​ണ്ട് കോ​ള​നി​യി​ലെ നി​ര​വ​ധി വീ​ടു​ക​ളി​ല്‍ വെ​ള്ളം ക​യ​റി. തേ​ക്കും​മൂ​ട്, കു​മാ​ര​പു​രം, ഗൗ​രീ​ശ​പ​ട്ടം ഭാ​ഗ​ങ്ങ​ളി​ലാ​യി 160 ഓ​ളം വീ​ടു​ക​ളി​ല്‍ വെ​ള്ളം ക​യ​റി. ഈ ​ഭാ​ഗ​ങ്ങ​ളി​ല്‍ തി​ങ്ക​ളാ​ഴ്ച പെ​യ്ത മ​ഴ​യി​ല്‍ വെ​ള്ളം ക​യ​റി​യെ​ങ്കി​ലും വൈ​കീ​ട്ടോ​ടെ വെ​ള്ളം ഇ​റ​ങ്ങി​യ​ത് നി​വാ​സി​ക​ളി​ല്‍ ആ​ശ്വാ​സ​ത്തി​ന്​ ഇ​ട​ന​ല്‍കി​യെ​ങ്കി​ലും ചൊ​വ്വാ​ഴ്ച പു​ല​ര്‍ച്ച​മു​ത​ല്‍ ശ​ക്ത​മാ​യി പെ​യ്ത മ​ഴ​യി​ല്‍ താ​ണ​പ്ര​ദേ​ശ​ങ്ങ​ള്‍ മു​ഴു​വ​നും വെ​ള്ള​ത്തി​ന​ടി​യി​ലാ​കു​ക​യാ​ണു​ണ്ടാ​യ​ത്.

ഓ​ള്‍സെ​യി​ന്റ്‌​സി​ല്‍ 10 വീ​ടു​ക​ളും ക​രി​ക്ക​ക​ത്ത് 5 വീ​ടു​ക​ളി​ലും വെ​ള്ളം ക​യ​റി. ക​രി​ക്ക​ക​ത്ത് വെ​ള്ളം ക​യ​റി​യ രാ​ജ​ന്റെ കു​ടും​ബ​ത്തെ ചാ​ക്ക​യി​ല്‍നി​ന്ന്​ ഫ​യ​ര്‍ഫോ​ഴ്‌​സ് അ​ധി​കൃ​ത​ര്‍ എ​ത്തി മാ​റ്റി​പ്പാ​ര്‍പ്പി​ച്ചു. എ​ന്നാ​ല്‍, തേ​ക്കും​മൂ​ട് ഭാ​ഗ​ത്തു​നി​ന്ന്​ ഒ​രു കു​ടും​ബ​വും മാ​റി താ​മ​സി​ക്കാ​ന്‍ ത​യാ​റാ​കു​ന്നി​ല്ലെ​ന്ന് ഫ​യ​ര്‍ഫോ​ഴ്‌​സ് സം​ഘം പ​റ​ഞ്ഞു.

ലു​ലു മാ​ളി​ന് സ​മീ​പം ശ​ക്ത​മാ​യി പെ​യ്ത മ​ഴ​യി​ല്‍ നി​യ​ന്ത്ര​ണം വി​ട്ട് ഡി​വൈ​ഡ​റി​ല്‍ ഇ​ടി​ച്ച് മ​റി​ഞ്ഞ ബ​ലേ​റോ ജീ​പ്പി​നു​ള്ളി​ല്‍ കു​ടു​ങ്ങി​യ ആ​ളെ ചാ​ക്ക​യി​ല്‍നി​ന്നെ​ത്തി​യ ഫ​യ​ര്‍ഫോ​ഴ്‌​സ് സം​ഘം ര​ക്ഷ​പ്പെ​ടു​ത്തി. പേ​ട്ട പു​ത്ത​ന്‍ റോ​ഡി​ല്‍ ചൊ​വ്വാ​ഴ്ച ഉ​ച്ച​യോ​ടെ ക​ന​ത്ത മ​ഴ​യി​ല്‍ ല​ളി​താം​ബി​ക​യു​ടെ വാ​ട​ക വീ​ടി​ന്​ മു​ക​ളി​ല്‍ മ​രം വീ​ണ് ഓ​ടി​ട്ട വീ​ടി​ന് നാ​ശ​ന​ഷ്ട​മു​ണ്ടാ​യി.

ആ​ള​പാ​യ​മി​ല്ല. ചൊ​വ്വാ​ഴ്ച രാ​വി​ലെ 7.30 ഓ​ടെ ഉ​ള്ളൂ​ര്‍ മ​ഞ്ചാ​ടി ലെ​യി​നി​ല്‍ മാ​ധ​വ​ന്‍ നാ​യ​രു​ടെ ഉ​ട​മ​സ്ഥ​ത​യി​ലു​ള​ള വീ​ടി​നു മു​ക​ളി​ല്‍ റ​ബ​ര്‍ മ​രം ക​ട​പു​ഴ​കി വീ​ണ് കേ​ടു​പാ​ടു​ക​ള്‍ സം​ഭ​വി​ച്ചു. ചൊ​വ്വാ​ഴ്ച പു​ല​ര്‍ച്ച 5.20 ന് ​പു​ല​യ​നാ​ർ​കോ​ട്ട​ക്ക് സ​മീ​പം റോ​ഡി​ല്‍ മ​രം വീ​ണ് ഗ​താ​ഗ​ത ത​ട​സ്സം നേ​രി​ട്ടു. ചാ​ക്ക​യി​ല്‍നി​ന്ന്​ ഫ​യ​ര്‍ഫോ​ഴ്‌​സ് സം​ഘ​മെ​ത്തി ഒ​രു മ​ണി​ക്കൂ​ര്‍ ചെ​ല​വ​ഴി​ച്ച് മ​രം മു​റി​ച്ചു​മാ​റ്റി ഗ​താ​ഗ​തം പു​നഃ​സ്ഥാ​പി​ച്ചു.

ചൊ​വ്വാ​ഴ്ച ഉ​ച്ച​യോ​ടെ ചാ​ക്ക ബ്ര​ഹ്മോ​സി​ന്റെ കാ​മ്പ​സി​ല്‍ നി​ന്ന വ​ന്‍മ​രം ഷീ​റ്റി​ട്ട കെ​ട്ടി​ട​ത്തി​ന് മു​ക​ളി​ല്‍ പ​തി​ച്ചു. ഫ​യ​ര്‍ഫോ​ഴ്​​സ് അ​ധി​കൃ​ത​ര്‍ എ​ത്തി​യെ​ങ്കി​ലും മ​രം മു​റി​ച്ചു​മാ​റ്റാ​ന്‍ ക​ഴി​ഞ്ഞി​ട്ടി​ല്ല. രാ​വി​ലെ 11 ഓ​ടെ വ​ള്ള​ക്ക​ട​വ് പാ​ല​ത്തി​നു സ​മീ​പം പാ​ര്‍വ​തി പു​ത്ത​നാ​റി​ന്റെ ബ​ണ്ടി​ല്‍ നി​ന്നി​രു​ന്ന മ​രം റോ​ഡി​ലേ​ക്ക്​ ചാ​ഞ്ഞു.

തു​ട​ര്‍ന്ന് പു​ത്ത​നാ​റി​ന്റെ ബ​ണ്ട് പി​ള​ര്‍ന്ന് അ​പ​ക​ടാ​വ​സ്ഥ​യി​ലാ​യി. ഫ​യ​ര്‍ഫോ​ഴ്‌​സ് അ​ധി​കൃ​ത​ര്‍ എ​ത്തി​യെ​ങ്കി​ലും മ​രം മു​റി​ച്ചു​മാ​റ്റാ​ന്‍ ക​ഴി​ഞ്ഞി​ല്ല. അ​പ​ക​ട​സാ​ധ്യ​ത ക​ണ​ക്കി​ലെ​ടു​ത്ത് മൂ​ന്ന് കു​ടും​ബ​ങ്ങ​ളെ മാ​റി​താ​മ​സി​ക്കാ​ന്‍ അ​ധി​കൃ​ത​ര്‍ നി​ർ​ദേ​ശം ന​ല്‍കി.

തലസ്ഥാനം മുങ്ങി; വിശ്രമമില്ലാതെ അഗ്​നിരക്ഷാസേന

തി​രു​വ​ന​ന്ത​പു​രം: ശ​ക്ത​മാ​യി പെ​യ്ത മ​ഴ​യി​ൽ ത​ല​സ്ഥാ​നം മു​ങ്ങി. ത​മ്പാ​നൂ​ർ റെ​യി​ൽ​വേ സ്റ്റേ​ഷ​നി​ലും കെ.​എ​സ്.​ആ​ർ.​ടി.​സി ബ​സ്​​സ്റ്റാ​ൻ​ഡി​ലും വെ​ള്ളം പൊ​ങ്ങി​യ​തോ​ടെ വാ​ഹ​ന​യാ​ത്രി​ക​രും കാ​ൽ​ന​ട​യാ​ത്രി​ക​രും ഏ​റെ ബു​ദ്ധി​മു​ട്ടി.

അ​രി​സ്റ്റോ ജ​ങ്​​ഷ​നി​ലെ ഹോ​ട്ട​ൽ കീ​ർ​ത്തി, ആ​ൾ സീ​സ​ൺ അ​ട​ക്കം ന​ഗ​ര​ത്തി​ലെ പ​ല വ്യാ​പാ​ര സ്ഥാ​പ​ന​ങ്ങ​ളി​ലും വെ​ള്ളം ക​യ​റി. അ​ട്ട​ക്കു​ള​ങ്ങ​ര ബൈ​പാ​സ് ബീ​മാ​പ​ള്ളി, പൂ​ന്തു​റ, മാ​ണി​ക്യ​വി​ളാ​കം, ഇ​ട​യാ​ർ, ക​ല്ലാ​ട്ട്മു​ക്ക്, പ​ഴ​ഞ്ചി​റ, മ​ണ​ക്കാ​ട്, ചാ​ക്ക, പേ​ട്ട, ക​ണ്ണ​മ്മൂ​ല, മു​ട്ട​ത്ത​റ, പാ​റ്റൂ​ർ റോ​ഡു​ക​ളി​ലും വെ​ള്ള​ക്കെ​ട്ട് രൂ​ക്ഷ​മാ​യി.

മ​ഴ​ക്കാ​ല പൂ​ർ​വ ശു​ചീ​ക​ര​ണ​വും ഓ​ട​ക​ളി​ലെ​യും കൈ​തോ​ടു​ക​ളി​ലെ​യും മാ​ലി​ന്യം നീ​ക്കു​ന്ന​തും മു​ട​ങ്ങി​യ​തോ​ടെ​യാ​ണ് ഈ ​മേ​ഖ​ല​യി​ലെ​ങ്ങും വെ​ള്ള​ക്കെ​ട്ട് രൂ​പ​പ്പെ​ട്ട​ത്. ത​മ്പാ​നൂ​ർ തോ​പ്പി​ൽ പ്ര​ദേ​ശ​ത്തെ​യും പ​ട്ടം തേ​ക്കും​മൂ​ട് ബ​ണ്ട് കോ​ള​നി​യി​ലെ​യും ഉ​ള്ളൂ​ർ ഭാ​ഗ​ത്തെ​യും വീ​ടു​ക​ളി​ൽ വെ​ള്ളം ക​യ​റി. ആ​മ​യി​ഴ​ഞ്ചാ​ൻ തോ​ടി​ന്റെ ശു​ചീ​ക​ര​ണം ന​ട​ക്കാ​താ​യ​താ​ണ് വെ​ള്ളം പൊ​ങ്ങാ​ൻ കാ​ര​ണ​മാ​യ​തെ​ന്നാ​ണ് ആ​രോ​പ​ണം.

ശ​ക്ത​മാ​യ കാ​റ്റി​ൽ നി​ര​വ​ധി മ​ര​ങ്ങ​ളാ​ണ് ക​ട​പു​ഴ​കി​യ​ത്. അ​ഗ്നി​ശ്മ​ന ര​ക്ഷാ​സേ​ന​യു​ടെ തീ​വ്ര​ശ്ര​മ​ഫ​ല​മാ​യാ​ണ് റോ​ഡി​ൽ വീ​ണ മ​ര​ങ്ങ​ൾ മു​റി​ച്ചെ​ടു​ത്ത് റോ​ഡു​ക​ൾ ഗ​താ​ഗ​ത​യോ​ഗ്യ​മാ​ക്കി​യ​ത്.

ഉ​ച്ച​ക്ക് മേ​ലാ​റ​ന്നൂ​ർ എ​ൻ.​ജി.​ഒ ക്വാ​ർ​ട്ടേ​ഴ്‌​സി​നു സ​മീ​പം കാ​റി​നു മു​ക​ളി​ലാ​യി മ​തി​ൽ ഇ​ടി​ഞ്ഞു​വീ​ണു. ചെ​ങ്ക​ൽ​ചൂ​ള​യി​ൽ നി​ന്ന്​ ഫ​യ​ർ​ഫോ​ഴ്സെ​ത്തി മ​ണ്ണ് മാ​റ്റി കാ​ർ പു​റ​ത്തെ​ടു​ത്തു. കാ​റി​നു​ള്ളി​ൽ ആ​രു​മി​ല്ലാ​തി​രു​ന്ന​തി​നാ​ൽ വ​ൻ​ദു​ര​ന്തം ഒ​ഴി​വാ​യി. സ​ർ​ക്കാ​ർ ഒ​ബ്സ​ർ​വേ​റ്റ​റി സ്റ്റാ​ഫ് ക്വാ​ർ​ട്ടേ​ഴ്സി​നു​ള്ളി​ൽ പു​ളി​മ​രം ക​ട​പു​ഴ​കി നാ​ല് പോ​സ്റ്റു​ക​ളും കാ​ർ​ഷെ​ഡും ത​ക​ർ​ന്നു. തു​ട​ർ​ന്ന്, പു​ളി​മ​രം ക്രൈ​നി​ന്‍റെ​യും കെ.​എ​സ്.​ഇ.​ബി​യു​ടെ സ​ഹാ​യ​ത്താ​ൽ ഫ​യ​ർ​ഫോ​ഴ്സ് മു​റി​ച്ചു​മാ​റ്റി.

കി​ള്ളി​പ്പാ​ലം പു​തു​ന​ഗ​ർ സെ​ക്ക​ൻ​ഡ്​ സ്ട്രീ​റ്റി​ൽ സു​ബ്ര​മ​ണി എ​ന്ന​യാ​ളു​ടെ വീ​ടി​നു സൈ​ഡി​ലാ​യി മ​ഴ​യി​ൽ ചെ​റു​മ​ര​ങ്ങ​ൾ ക​ട​പു​ഴ​കി. ഇ​വ സേ​ന മു​റി​ച്ചു​മാ​റ്റി. കൂ​ടാ​തെ, വീ​ടി​ന്റെ മു​ക​ളി​ല​ക​പ്പെ​ട്ട​യാ​ളെ​യും സേ​നാം​ഗ​ങ്ങ​ൾ പു​റ​ത്തെ​ത്തി​ച്ചു. സ്റ്റേ​ഷ​ൻ ഓ​ഫി​സ​ർ അ​നീ​ഷ് കു​മാ​ർ, ഗ്രേ​ഡ് എ.​എ​സ്.​ടി.​ഒ അ​നി​ൽ​കു​മാ​ർ എ​ന്നി​വ​രു​ടെ നേ​തൃ​ത്വ​ത്തി​ലാ​യി​രു​ന്നു ര​ക്ഷാ​പ്ര​വ​ർ​ത്ത​ന​ങ്ങ​ൾ.

ജാഗ്രത പുലർത്തണമെന്ന്​ കെ.എസ്​.ഇ.ബി

തി​രു​വ​ന​ന്ത​പു​രം: തീ​വ്ര മ​ഴ​യു​ടെ സാ​ഹ​ച​ര്യ​ത്തി​ൽ ചി​ല​യി​ട​ങ്ങ​ളി​ൽ വൈ​ദ്യു​തി വി​ത​ര​ണ​ത്തി​ൽ ത​ട​സ്സം ഉ​ണ്ടാ​കു​ന്നു​ണ്ട്. കാ​റ്റി​ലും മ​ഴ​യി​ലും വൃ​ക്ഷ​ങ്ങ​ളും വൃ​ക്ഷ​ശി​ഖ​ര​ങ്ങ​ളും ലൈ​നി​ൽ വീ​ഴു​ന്ന​താ​ണ് പ്ര​ധാ​ന കാ​ര​ണം. വൈ​ദ്യു​തി ക​മ്പി​ക​ൾ പൊ​ട്ടി​ക്കി​ട​ക്കാ​നോ ചാ​ഞ്ഞു​കി​ട​ക്കാ​നോ സാ​ധ്യ​ത​യു​ള്ള​തി​നാ​ൽ പു​റ​ത്തി​റ​ങ്ങു​മ്പോ​ൾ ജാ​ഗ്ര​ത വേ​ണം. പൊ​ട്ടി​വീ​ണ ലൈ​നി​ൽ മാ​ത്ര​മ​ല്ല പ​രി​സ​ര​പ്ര​ദേ​ശ​ങ്ങ​ളി​ലും വൈ​ദ്യു​തി​പ്ര​വാ​ഹം ഉ​ണ്ടാ​കാ​ൻ സാ​ധ്യ​ത​യു​ണ്ട്.

ഇ​ത്ത​രം അ​പ​ക​ട​മോ അ​പ​ക​ട​സാ​ധ്യ​ത​യോ ശ്ര​ദ്ധ​യി​ൽ​പെ​ട്ടാ​ൽ എ​ത്ര​യും വേ​ഗം തൊ​ട്ട​ടു​ത്ത കെ.​എ​സ്.​ഇ.​ബി സെ​ക്ഷ​ൻ ഓ​ഫി​സി​ലോ 9496010101 എ​ന്ന എ​മ​ർ​ജ​ൻ​സി ന​മ്പ​രി​ലോ അ​റി​യി​ക്കു​ക. വൈ​ദ്യു​തി സം​ബ​ന്ധ​മാ​യ പ​രാ​തി അ​റി​യി​ക്കാ​നും വി​വ​ര​ങ്ങ​ൾ അ​റി​യാ​നും സേ​വ​ന​ങ്ങ​ൾ നേ​ടാ​നും 1912 ടോ​ൾ​ഫ്രീ ക​സ്റ്റ​മ​ര്‍കെ​യ​ർ ന​മ്പ​റി​ൽ വി​ളി​ക്കാം. 9496001912 ന​മ്പ​റി​ൽ വി​ളി​ച്ചും വാ​ട്സ്​​ആ​പ്​ സ​ന്ദേ​ശ​മ​യ​ച്ചും പ​രാ​തി അ​റി​യി​ക്കാ​നാ​കും.