ഹനുമാൻ കുരങ്ങ്​ സഞ്ചാരത്തിലാണ്​; ഇപ്പോൾ പബ്ലിക്​ ലൈ​ബ്രറി വളപ്പിലെ ആൽമരത്തിൽ

തി​രു​വ​ന​ന്ത​പു​രം: മൃ​ഗ​ശാ​ല​യി​ൽ​നി​ന്ന് ചാ​ടി​യ ഹ​നു​മാ​ൻ കു​ര​ങ്ങ്‌ ഒ​ടു​വി​ൽ പ​ബ്ലി​ക്​ ലൈ​ബ്ര​റി പ​രി​സ​ര​ത്തെ ആ​ൽ​മ​ര​ത്തി​ലെ​ത്തി.വെ​ള്ളി​യാ​ഴ്‌​ച്ച ഉ​ച്ച​ക്കു​ശേ​ഷ​മാ​ണ്‌ കു​ര​ങ്ങ്‌ മാ​സ്‌​ക്ക​റ്റ്‌ ഹോ​ട്ട​ൽ പ​രി​സ​ര​ത്തു​നി​ന്ന്​ പ​ബ്ലി​ക്​ ലൈ​ബ്ര​റി പ​രി​സ​ര​ത്തെ​ത്തി​യ​ത്‌.കൂ​ട്ടി​ലേ​ക്ക്​ മാ​റ്റു​ന്ന​തി​നി​ടെ പ​തി​നൊ​ന്ന്​ ദി​വ​സം മു​മ്പാ​ണ്​ മൃ​ഗ​ശാ​ല​യി​ൽ​നി​ന്ന്​ ഹ​നു​മാ​ൻ കു​ര​ങ്ങ്​ പു​റ​ത്തു​ചാ​ടി​യ​ത്. ബു​ധ​നാ​ഴ്ച മു​ത​ൽ മാ​സ്‌​ക്ക​റ്റ് ഹോ​ട്ട​ലി​നും എ​ൽ.​എം.​എ​സ്‌ പ​ള്ളി​ക്കും സ​മീ​പ​മു​ള്ള മ​ര​ങ്ങ​ളി​ലാ​യി​രു​ന്നു ത​മ്പ​ടി​ച്ച​ത്‌.

മാ​സ്‌​ക്ക​റ്റ്‌ ഹോ​ട്ട​ലി​ന്റെ റോ​ഡി​ന​പ്പു​റ​മു​ള്ള ലൈ​ബ്ര​റി കോ​മ്പൗ​ണ്ടി​ലേ​ക്ക്‌ മ​ര​ങ്ങ​ളി​ലൂ​ടെ ചാ​ടി ത​ന്നെ​യാ​കാം കു​ര​ങ്ങ്‌ സ​ഞ്ച​രി​ച്ച​തെ​ന്ന്‌ മൃ​ഗ​ശാ​ല ജീ​വ​ന​ക്കാ​ർ പ​റ​യു​ന്നു. ജീ​വ​ന​ക്കാ​ർ ന​ൽ​കു​ന്ന വെ​ള്ള​വും പ​ഴ​ങ്ങ​ളും ക​ഴി​ക്കു​ന്നു​ണ്ട്‌. കു​ര​ങ്ങ്‌ പു​തി​യ സ്ഥ​ല​ത്തെ​ത്തി​യ​തോ​ടെ നി​രീ​ക്ഷ​ണ ചു​മ​ത​ല​യു​ള്ള ജീ​വ​ന​ക്ക​ർ അ​ങ്ങോ​ട്ടു​മാ​റി. മൃ​ഗ​ശാ​ല​ക്ക്​ പു​റ​ത്ത്​ ഹ​നു​മാ​ൻ കു​ര​ങ്ങി​നെ ക​ണ്ട​തോ​ടെ കാ​ഴ്ച​ക്കാ​രും പ​ബ്ലി​ക്​ ​​ലൈ​ബ്ര​റി പ​രി​സ​ര​ത്ത്​ ത​ടി​ച്ചു​കൂ​ടി.