കമീഷ​െൻറ നിർദേശം കാറ്റിൽ പറന്നു, കൊട്ടിക്കലാശം ആഘോഷിച്ച് മുന്നണികൾ

തി​രു​വ​ന​ന്ത​പു​രം: സം​സ്ഥാ​ന തെ​ര​ഞ്ഞെ​ടു​പ്പ് ക​മീ​ഷ‍െൻറ നി​ർ​ദേ​ശം കാ​റ്റി​ൽ​പ​റ​ത്തി ത​ല​സ്ഥാ​ന​ത്ത് അ​വ​സാ​ന​ഘ​ട്ട പ്ര​ചാ​ര​ണം പൊ​ടി​പൊ​ടി​ച്ച് മു​ന്ന​ണി​ക​ളും സ്ഥാ​നാ​ർ​ഥി​ക​ളും. ജി​ല്ല ഭ​ര​ണ​കൂ​ട​ത്തെ കാ​ഴ്ച​ക്കാ​രാ​ക്കി​ക്കൊ​ണ്ടാ​യി​രു​ന്നു കോ​ർ​പ​റേ​ഷ‍െൻറ 100 വാ​ർ​ഡു​ക​ളി​ലും വാ​ർ​ഡ് അ​ടി​സ്ഥാ​ന​ത്തി​ൽ സ്ഥാ​നാ​ർ​ഥി​ക​ളും പ്ര​വ​ർ​ത്ത​ക​രും റോ​ഡ് ഷോ‍യും കാ​ൽ​ന​ട​പ്ര​ചാ​ര​ണ ജാ​ഥ​യും ബൈ​ക്ക് റാ​ലി​യും സം​ഘ​ടി​പ്പി​ച്ച​ത്.

കോ​വി​ഡിെൻറ പ​ശ്ചാ​ത്ത​ല​ത്തി​ൽ ആ​ൾ​ക്കൂ​ട്ടം ഒ​ഴി​വാ​ക്കു​ന്ന​തിെൻറ ഭാ​ഗ​മാ​യാ​ണ്​ കൊ​ട്ടി​ക്ക​ലാ​ശം ഒ​ഴി​വാ​ക്ക​ണ​മെ​ന്ന നി​ർ​ദേ​ശം ക​മീ​ഷ​ൻ ന​ൽ​കി​യ​ത്. നി​ർ​ദേ​ശം ലം​ഘി​ക്കു​ന്ന​വ​ർ​ക്കെ​തി​രെ പ​ക​ർ​ച്ച​വ്യാ​ധി നി​രോ​ധ​ന നി​യ​മ​പ്ര​കാ​രം കേ​സെ​ടു​ക്കു​മെ​ന്ന് ക​മീ​ഷ​ണ​ർ വി. ​ഭാ​സ്ക​ര​ൻ മു​ന്ന​റി​യി​പ്പ് ന​ൽ​കി​യി​രു​ന്നെ​ങ്കി​ലും പ്ര​വ​ർ​ത്ത​ക​രു​ടെ ആ​വേ​ശ​ത്തി​നു മു​ന്നി​ൽ നി​ർ​ദേ​ശ​ങ്ങ​ളെ​ല്ലാം ന​ന​ഞ്ഞ പ​ട​ക്ക​മാ​യി മാ​റി.

ജാ​ഥ, ആ​ൾ​ക്കൂ​ട്ട​മു​ണ്ടാ​ക്കു​ന്ന മ​റ്റു പ​രി​പാ​ടി​ക​ൾ എ​ന്നി​വ ഒ​ഴി​വാ​ക്ക​ണ​മെ​ന്നും പൊ​തു​യി​ട​ങ്ങ​ളി​ൽ ആ​ൾ​ക്കൂ​ട്ട​മാ​യി വ​ന്നു​ള്ള പ്ര​ക​ട​നം അ​നു​വ​ദി​ക്കി​ല്ലെ​ന്നും ക​ല​ക്ട​ർ ഡോ. ​ന​വ്ജ്യോ​ത് ഖോ​സ മു​ന്ന​റി​യി​പ്പ് ന​ൽ​കി​യി​രു​ന്നെ​ങ്കി​ലും ഇ​തും പാ​ലി​ക്ക​പ്പെ​ട്ടി​ല്ല. മു​ൻ​നി​ര നേ​താ​ക്ക​ള​ട​ക്കം വ​ൻ സ​ന്നാ​ഹ​വു​മാ​യി കാ​ൽ​ന​ട ജാ​ഥ​ക​ൾ​ക്ക് നേ​തൃ​ത്വം ന​ൽ​കി​യ​തോ​ടെ കാ​ഴ്ച​ക്കാ​രു​ടെ റോ​ളി​ലാ​യി​രു​ന്നു ജി​ല്ല ഭ​ര​ണ​കൂ​ടം.

പ്ര​ചാ​ര​ണ​ത്തിെൻറ ഭാ​ഗ​മാ​യു​ള്ള റോ​ഡ് ഷോ​ക്കും വാ​ഹ​ന റാ​ലി​ക്കും പ​ര​മാ​വ​ധി മൂ​ന്ന് വാ​ഹ​ന​ങ്ങ​ൾ മാ​ത്ര​മേ ഉ​പ​യോ​ഗി​ക്കാ​വൂ എ​ന്ന് നി​ർ​ദേ​ശ​മു​ണ്ടാ​യി​രു​ന്നെ​ങ്കി​ലും തീ​ര​ദേ​ശ​മേ​ഖ​ല​ക​ളി​ലും ന​ഗ​ര​ത്തിെൻറ വി​വി​ധ ജ​ങ്ഷ​നു​ക​ളി​ലേ​ക്കും പാ​ർ​ട്ടി​യു​ടെ​യും സ്ഥാ​നാ​ർ​ഥി​യു​ടെ​യും 'ശ​ക്തി' തെ​ളി​യി​ച്ചു​കൊ​ണ്ട് നൂ​റു​ക​ണ​ക്കി​ന് വാ​ഹ​ന​ങ്ങ​ളാ​ണ് കൊ​ട്ടി​ക്ക​ലാ​ശം ആ​ഘോ​ഷി​ക്കാ​ൻ രം​ഗ​ത്തി​റ​ക്കി​യ​ത്.

സാ​ധാ​ര​ണ പാ​ർ​ട്ടി​ക​ളു​ടെ ക​ലാ​ശ​ക്കൊ​ട്ടി​ന് വേ​ദി​യാ​കാ​റു​ള്ള പേ​രൂ​ർ​ക്ക​ട ജ​ങ്ഷ​നി​ൽ ഇ​ത്ത​വ​ണ കാ​ര്യ​മാ​യ പ്ര​ക​ട​ന​ങ്ങ​ൾ ഉ​ണ്ടാ​യി​ല്ല.