തിരുവനന്തപുരം വിമാനത്താവളത്തിൽ 36 ലക്ഷത്തി​െൻറ സ്വർണം പിടികൂടി

ശംഖുംമുഖം: വിദേശത്തുനിന്ന്​ കടത്താൻ ശ്രമിച്ച 36 ലക്ഷത്തോളം രൂപ വിലവരുന്ന സ്വർണം എയർ കസ്​റ്റംസ് ഇൻറലിജൻസ് വിഭാഗം പിടികൂടി. മലപ്പുറം സ്വദേശി ഫാരീസി​െൻറ (24) പക്കൽനിന്നാണ് 700 ഗ്രാം തൂക്കം വരുന്ന സ്വർണം പിടികൂടിയത്.

വ്യാഴാഴ്ച രാവിലെ ദുബൈയിൽനിന്ന്​ തിരുവനന്തപുരം വിമാനത്താവളത്തിലെത്തിയ ​ൈഫ്ല ദുബൈ എയർലൈൻസി​െൻറ എഫ്.ഇസഡ്‌ 8973ാം നമ്പർ വിമാനത്തിലെ യാത്രക്കാരനായിരുന്നു. മലദ്വാരത്തിൽ ഒളിപ്പിച്ചാണ്‌ കടത്താൻ ശ്രമിച്ചത്.

എയർ കസ്​റ്റംസ് ഡെപ്യൂട്ടി കമീഷണർ ഡി. ഹരികൃഷ്ണ​െൻറ നേതൃത്വത്തിൽ സൂപ്രണ്ടുമാരായ പി. രാമചന്ദ്രൻ, യു. പുഷ്പാ, രാജീവ് രാജൻ, സെലീന, ഇൻസ്പെക്ടർമാരയ ഷിബു വിൻസെൻറ്, ഡി. വിശാഖ്, രാംകുമാർ, ബാൽമുകുന്ദ് എന്നിവരടങ്ങുന്ന സംഘമാണ് ഇയാളെ പിടികൂടിയത്.