വീട്ടിൽനിന്ന്​ 75 പവനും രണ്ട് ലക്ഷം രൂപയും കവർന്നു

നാഗർകോവിൽ: തക്കല മുത്തലക്കുറിച്ചിയിൽ പൂട്ടിയിട്ടിരുന്ന അധ്യാപികയുടെ വീട് കുത്തിത്തുറന്ന് 75 പവൻ സ്വർണാഭരണങ്ങളും രണ്ട് ലക്ഷം രൂപയും കവർന്നു. ഗ്രേസ് മേരിയുടെ വീട്ടിലാണ് സംഭവം. പുതുകോട്ടയിൽ അധ്യാപികയായ ഇവർ കഴിഞ്ഞദിവസം സർക്കാർ നിർദേശപ്രകാരം സ്​കൂളിൽ പോയപ്പോഴാണ് വീടി​െൻറ വാതിൽ പൊളിച്ച് മോഷണം നടത്തിയത്. ചൊവ്വാഴ്ച രാവിലെ ഗ്രേസ് മേരി വീട്ടിലെത്തിയപ്പോഴാണ് മോഷണം ശ്രദ്ധയിൽപെട്ടത്​. തക്കല പൊലീസ് അന്വേഷിച്ചുവരുന്നു.