ഇഴഞ്ഞ് ആമയിഴഞ്ചാൻ തോട്ടിലെ മാലിന്യനീക്കം

തി​രു​വ​ന​ന്ത​പു​രം: ഇ​ഴ​ഞ്ഞ് നീ​ങ്ങു​ക​യാ​ണ് ആ​മ​യി​ഴ​ഞ്ചാ​ൻ തോ​ട്ടി​ലെ മാ​ലി​ന്യ​നീ​ക്കം. മ​ഴ​ക്കാ​ല​പൂ​ർ​വ ശു​ചീ​ക​ര​ണ​ത്തി​ന്‍റെ ഭാ​ഗ​മാ​യി ജൂ​ണി​നു മു​മ്പേ ന​ട​ക്കേ​ണ്ടി​യി​രു​ന്ന മാ​ലി​ന്യ​നീ​ക്കം ക​ഴി​ഞ്ഞ ദി​വ​സ​മാ​ണ് ആ​രം​ഭി​ച്ച​ത്. ശ്രീ​ചി​ത്ര പു​വ​ർ ഹോം ​പ​രി​സ​ര​ത്ത്​ ക​ഴി​ഞ്ഞ​ദി​വ​സം തോ​ട്ടി​ൽ​നി​ന്ന് മാ​ലി​ന്യം കോ​രി റോ​ഡി​ലേ​ക്കി​ട്ടു. വെ​ള്ളി​യാ​ഴ്ച, ത​ക​ര​പ​റ​മ്പു​നി​ന്ന് പ​ഴ​വ​ങ്ങാ​ടി​യി​ലേ​ക്കു പോ​കു​ന്ന​വ​ഴി​യി​ലെ ഭാ​ഗ​ത്തു​നി​ന്നാ​ണ് മാ​ലി​ന്യം കോ​രു​ന്ന​ത്. കോ​രി​യെ​ടു​ത്ത ട​ൺ ക​ണ​ക്കി​ന് മാ​ലി​ന്യം അ​തേ​പ​ടി റോ​ഡി​ൽ കി​ട​ക്കു​ക​യാ​ണ്. മ​ഴ ശ​ക്ത​മാ​യാ​ൽ ഈ ​പ​ണി​യ​ത്ര​യും ‘വെ​ള്ള’​ത്തി​ലാ​കും.

ഫ​ണ്ടി​ല്ലെ​ന്ന കാ​ര​ണം പ​റ​ഞ്ഞാ​ണ് മേ​ജ​ർ ഇ​റി​ഗേ​ഷ​ൻ വ​കു​പ്പ് ശു​ചീ​ക​ര​ണം ന​ട​ത്താ​തി​രു​ന്ന​ത്. ക​ഴി​ഞ്ഞ വ​ർ​ഷം​വ​രെ കോ​ർ​പ​റേ​ഷ​നാ​ണ് മാ​ലി​ന്യ​നീ​ക്കം ന​ട​ത്തി​യി​രു​ന്ന​ത്. തോ​ട്ടി​ലേ​ക്ക് മാ​ലി​ന്യം വ​ലി​ച്ചെ​റി​യാ​തി​രി​ക്കാ​ൻ കോ​ർ​പ​റേ​ഷ​ൻ സ്ഥാ​പി​ച്ച ഇ​രു​മ്പു​വ​ല മ​റി​ക​ട​ന്നും പ്ലാ​സ്റ്റി​ക് അ​ട​ക്ക​മു​ള്ള ട​ൺ ക​ണ​ക്കി​ന് പൊ​തു​ജ​നം മാ​ലി​ന്യം തോ​ട്ടി​ലേ​ക്ക് വ​ലി​ച്ചെ​റി​ഞ്ഞു. മാ​ർ​ക്ക​റ്റ്​ പ​രി​സ​ര​മാ​യ​തി​നാ​ൽ മാ​ലി​ന്യ​ത്തി​ന്‍റെ അ​ള​വ്​ കൂ​ടി. മ​ലി​ന​​ജ​ലം കെ​ട്ടി​ക്കി​ട​ന്ന്​ കൊ​തു​കു​ശ​ല്യം കൂ​ടി​യ​തോ​ടെ സ​മീ​പ​വാ​സി​ക​ൾ പ​രാ​തി​പ്പെ​ട്ടു. ഒ​ടു​വി​ൽ ക​ടു​ത്ത പ്ര​തി​ഷേ​ധം ഉ​യ​ർ​ന്ന​തോ​ടെ ക​ല​ക്ട​ർ സ്ഥ​ലം സ​ന്ദ​ർ​ശി​ച്ചു.

ത​ന​തു ഫ​ണ്ട് ഉ​പ​യോ​ഗി​ച്ച്‌ മാ​ലി​ന്യ നീ​ക്കം ന​ട​ത്താ​ൻ ഇ​റി​ഗേ​ഷ​ൻ വ​കു​പ്പി​നോ​ട് ആ​വ​ശ്യ​പ്പെ​ട്ടു. 20 ല​ക്ഷം രൂ​പ​ക്കാ​ണ് ക​രാ​ർ. ഒ​രാ​ഴ്ച കൊ​ണ്ട് പൂ​ർ​ണ​മാ​യ തോ​തി​ൽ മാ​ലി​ന്യം നീ​ക്കു​മെ​ന്നാ​ണ് അ​ധി​കൃ​ത​ർ ഇ​പ്പോ​ൾ പ​റ​യു​ന്ന​ത്.