ഹരിയാനയിൽനിന്ന്​ നാല് ഹനുമാൻ കുരങ്ങുകൾ കൂടി

തി​രു​വ​ന​ന്ത​പു​രം: ഹ​രി​യാ​ന​യി​ൽ​നി​ന്ന്​ നാ​ലു​ഹ​നു​മാ​ൻ കു​ര​ങ്ങു​ക​ളെ ത​ല​സ്ഥാ​ന​ത്തെ മൃ​ഗ​ശാ​ല​യി​ൽ എ​ത്തി​ച്ചു. റോ​ഹാ​റ്റ്സ് മൃ​ഗ​ശാ​ല​യി​ൽ​നി​ന്നാ​ണ് കു​ര​ങ്ങു​ക​ളെ ശ​നി​യാ​ഴ്ച രാ​വി​ലെ കൊ​ണ്ടു​വ​ന്ന​ത്. ഒ​ന്ന​ര​യും ര​ണ്ട​ര​യും വ​യ​സ്സു​ള്ള​താ​ണ് ഒ​രു​ജോ​ടി ആ​ൺ​കു​ര​ങ്ങു​ക​ൾ. പെ​ൺ​കു​ര​ങ്ങു​ക​ൾ​ക്ക് മൂ​ന്നു വ​യ​സ്സാ​ണ് പ്രാ​യം. മൃ​ഗ​ശാ​ല​യി​ൽ എ​ത്തി​ച്ച ഇ​വ​യെ ഒ​രു​മാ​സ​ത്തെ ക്വാ​റ​ന്റീ​നു​ശേ​ഷം കാ​ഴ്ച​ക്കാ​ർ​ക്കാ​യി തു​റ​ന്ന കൂ​ട്ടി​ലേ​ക്ക് മാ​റ്റും.

ഹ​രി​യാ​ന​യി​ൽ​നി​ന്നു​ള്ള നാ​ലെ​ണ്ണം കൂ​ടി എ​ത്തി​യ​തോ​ടെ മൃ​ഗ​ശാ​ല​യി​ലെ ഹ​നു​മാ​ൻ കു​ര​ങ്ങു​ക​ളു​ടെ എ​ണ്ണം ആ​റാ​യി. ഇ​വി​ടെ​നി​ന്ന്​ ര​ണ്ടു​ ക​ഴു​ത​പ്പു​ലി​ക​ളെ ന​ൽ​കി​യാ​ണ് കു​ര​ങ്ങു​ക​ളെ എ​ത്തി​ച്ച​ത്. ഇ​തി​നു മു​മ്പ്​ തി​രു​പ്പ​തി​യി​ൽ​നി​ന്നാ​ണ്​ ര​ണ്ടു​ ഹ​നു​മാ​ൻ കു​ര​ങ്ങു​ക​ളെ എ​ത്തി​ച്ച​ത്. അ​തി​ൽ പെ​ൺ​കു​ര​ങ്ങ്​ ചാ​ടി​പ്പോ​യി​രു​ന്നു. അ​ധി​കൃ​ത​രെ ആ​ഴ്ച​ക​ളോ​ളം വ​ല​ച്ച കു​ര​ങ്ങി​നെ മൃ​ഗ​ശാ​ല ജീ​വ​ന​ക്കാ​ർ മൂ​ന്ന്​ ആ​ഴ്ച​യോ​ളം ക​ഴി​ഞ്ഞ്​ വ​ഴു​ത​ക്കാ​ട്നി​ന്നാ​ണ്​ ത​ന്ത്ര​പൂ​ർ​വം പി​ടി​കൂ​ടി​യ​ത്.

ഒ​റ്റ​ക്ക്​ കൂ​ട്ടി​ലാ​ക്കി​യി​രു​ന്ന പെ​ൺ​കു​ര​ങ്ങി​നെ ഇ​പ്പോ​ൾ ഇ​ണ​ക്ക്​ ഒ​പ്പ​മാ​ക്കി. മു​ൻ സാ​ഹ​ച്യം​കൂ​ടി ക​ണ​ക്കി​ലെ​ടു​ത്ത്​ ഹ​രി​യാ​ന​യി​ൽ​നി​ന്ന് എ​ത്തി​ച്ച കു​ര​ങ്ങു​ക​ളെ അ​തി​ശ്ര​ദ്ധ​യോ​ടെ​യാ​ണ് ഇ​പ്പോ​ൾ പ​രി​പാ​ലി​ക്കു​ന്ന​ത്. ക്വാ​റ​ന്റീ​ൻ കാ​ല​ത്തി​ൽ കു​ര​ങ്ങു​ക​ളു​ടെ ആ​രോ​ഗ്യ​സ്ഥി​തി​യും ഭ​ക്ഷ​ണ​രീ​തി​യും നി​രീ​ക്ഷി​ക്കും. ഹ​നു​മാ​ൻ കു​ര​ങ്ങു​ക​ളെ മു​ഴു​വ​ൻ ഒ​ന്നി​ച്ച് തു​റ​ന്ന കൂ​ട്ടി​ലേ​ക്ക് വി​ടാ​നാ​ണ്​ ആ​ലോ​ച​ന.