സീനിയർ മർദിച്ച വനിത അഭിഭാഷകക്ക്​ സ്വതന്ത്ര വക്കീൽ കുപ്പായം

തി​രു​വ​ന​ന്ത​പു​രം: സീ​നി​യ​ർ അ​ഭി​ഭാ​ഷ​ക​ന്‍റെ മ​ർ​ദ​ന​ത്തി​നി​ര​യാ​യ വ​നി​ത അ​ഭി​ഭാ​ഷ​ക ശ്യാ​മി​ലി​ക്ക്​ ഇ​നി സ്വ​ത​ന്ത്ര വ​ക്കീ​ൽ​ക്കുപ്പാ​യം. മ​റ്റൊ​രു അ​ഭി​ഭാ​ഷ​ക​നൊ​പ്പം ചേ​ർ​ന്ന്​ വ​ഞ്ചി​യൂ​രി​ൽ ശ്യാ​മി​ലി പു​തി​യ ഓ​ഫി​സ്​ തു​റ​ന്നു. ‘ന​മ്മ​ൾ തോ​റ്റാ​ൽ അ​ത്‌ ക​ണ്ട്‌ ചി​രി​ക്കാ​ൻ കു​റേ​പേ​രു​ണ്ടാ​കും. അ​വ​ർ​ക്കു​ള്ള മി​ക​ച്ച മ​റു​പ​ടി​യാ​ണ്‌ ഇ​ര​ട്ടി ആ​വേ​ശ​ത്തി​ൽ മു​ന്നേ​റു​ക​യെ​ന്ന​ത്‌'- വ​ഞ്ചി​യൂ​ർ കോ​ട​തി​ക്ക്‌ സ​മീ​പ​ത്തെ ത​ന്റെ പു​തി​യ ഓ​ഫി​സി​ലി​രു​ന്ന്‌ അ​ഡ്വ. ശ്യാ​മി​ലി പ​റ​ഞ്ഞു.

സീ​നി​യ​ർ അ​ഭി​ഭാ​ഷ​ക​നാ​യ അ​ഡ്വ. ബെ​യ്‌​ലി​ൻ​ദാ​സ്‌ ക്രൂ​ര​മാ​യി മ​ർ​ദി​ച്ച സം​ഭ​വം ന​ട​ന്ന്‌ ഒ​രു​മാ​സം പി​ന്നി​ട്ട​പ്പോ​ഴാ​ണ്‌ ക​റു​ത്ത​കു​പ്പാ​യ​മ​ണി​ഞ്ഞ്‌ അ​ഡ്വ. ശ്യാ​മി​ലി സ്വ​ത​ന്ത്ര അ​ഭി​ഭാ​ഷ​ക​യാ​യി കോ​ട​തി​യി​ൽ എ​ത്തി​യ​ത്‌. ബു​ധ​നാ​ഴ്‌​ച​യാ​ണ്‌ ശ്യാ​മി​ലി​യു​ടെ പു​തി​യ ഓ​ഫി​സ്‌ പ്ര​വ​ർ​ത്ത​നം ആ​രം​ഭി​ച്ച​ത്‌. 'ഒ​രു പു​തി​യ തു​ട​ക്ക​മാ​ണി​ത്‌. അ​ത്ര​ക്ക്‌ ഇ​ഷ്‌​ട​പ്പെ​ട്ട്‌ പ​ഠി​ച്ച​താ​ണ്‌. എ​ൻ​റോ​ൾ ചെ​യ്‌​തി​ട്ട്‌ മൂ​ന്നു​വ​ർ​ഷ​മാ​യി. ഇ​നി ഒ​രാ​ളു​ടെ കീ​ഴി​ൽ ജൂ​നി​യ​റാ​യി​രി​ക്കു​ക ബു​ദ്ധി​മു​ട്ടാ​ണ്‌. അ​തു​കൊ​ണ്ടാ​ണ്‌ ഇ​ങ്ങ​നെ​യൊ​രു തീ​രു​മാ​ന​മെ​ടു​ത്ത​ത്‌.

വ​ഞ്ചി​യൂ​ർ കേ​ര​ള അ​ഡ്‌​മി​നി​സ്‌​ട്രേ​റ്റി​വ്‌ ട്രൈ​ബ്യൂ​ണ​ലി​ന്‌ എ​തി​ർ​വ​ശ​ത്താ​യി അ​ഡ്വ. ഗോ​വി​ന്ദി​നൊ​പ്പം ചേ​ർ​ന്നാ​ണ്‌ പു​തി​യ ഓ​ഫി​സ്‌ തു​ട​ങ്ങി​യ​ത്‌. കേ​സ്‌ അ​തി​ന്റെ വ​ഴി​ക്ക്‌ ന​ട​ക്കു​ന്നു​ണ്ട്‌. ആ ​സം​ഭ​വ​ത്തി​ൽ ത​ക​ർ​ന്നു​പോ​യ എ​നി​ക്ക്‌ പി​ന്തു​ണ​യു​മാ​യി സു​ഹൃ​ത്തു​ക്ക​ളും കു​ടും​ബ​വും ഒ​പ്പ​മു​ണ്ടാ​യി​രു​ന്നു. എ​ല്ലാം മ​തി​യാ​ക്കാ​മെ​ന്ന്‌ ഒ​രു ഘ​ട്ട​ത്തി​ൽ ക​രു​തി​യ എ​ന്നെ തി​രി​കെ ഈ ​മേ​ഖ​ല​യി​ലേ​ക്ക്‌ കൊ​ണ്ടു​വ​ന്ന​തും ആ​ത്‌​മ​വി​ശ്വാ​സം ന​ൽ​കി​യ​തും അ​വ​രാ​ണെ​ന്നും അ​ഡ്വ. ശ്യാ​മി​ലി പ​റ​ഞ്ഞു.

ക്രി​മി​ന​ൽ അ​ഭി​ഭാ​ഷ​ക​യാ​ണെ​ങ്കി​ലും എ​ല്ലാ​ത്ത​രം കേ​സു​ക​ളും കൈ​കാ​ര്യം ചെ​യ്യാ​നാ​ണ്‌ ഉ​ദ്ദേ​ശ്യ​മെ​ന്നും ശ്യാ​മി​ലി പ​റ​യു​ന്നു. മേ​യ്‌ 13നാ​ണ്‌ സീ​നി​യ​ർ അ​ഭി​ഭാ​ഷ​ക​ൻ ശ്യാ​മി​ലി​യെ ക്രൂ​ര​മാ​യി മ​ർ​ദി​ച്ച​ത്.