കൊള്ളപ്പലിശ റെയ്​ഡ്​; ആധാരം, ബ്ലാങ്ക് ചെക്ക്​, കറൻസി പിടിച്ചെടുത്തു

തി​രു​വ​ന​ന്ത​പു​രം: അ​മി​ത​പ​ലി​ശ നി​യ​ന്ത്രി​ക്കു​ന്ന​തി​ന്റെ ഭാ​ഗ​മാ​യി ജി​ല്ല​യി​ൽ സ്പെ​ഷ​ൽ ഡ്രൈ​വ് ന​ട​ത്തി പൊ​ലീ​സ്. വ​സ്തു​വി​​ന്‍റെ ആ​ധാ​രം, ബ്ലാ​ങ്ക് ചെ​ക്കു​ക​ൾ, ക​റ​ൻ​സി തു​ട​ങ്ങി​യ​വ പി​ടി​ച്ചെ​ടു​ത്തു. റൂ​റ​ൽ ജി​ല്ല പെ​ലീ​സ് മേ​ധാ​വി സു​ദ​ർ​ശ​ൻ കെ.​എ​സി​ന്‍റെ നി​ർ​ദ്ദേ​ശാ​നു​സ​ര​ണ​മാ​യി​രു​ന്നു റെ​യ്​​ഡ്. ക​ല്ല​മ്പ​ലം, പാ​ങ്ങോ​ട്, പാ​ലോ​ട്, കി​ളി​മാ​നൂ​ർ, ക​ട​യ്ക്കാ​വൂ​ർ എ​ന്നീ പോ​ലീ​സ് സ്റ്റേ​ഷ​നു​ക​ളി​ലാ​യി അ​ഞ്ച്​ കേ​സു​ക​ൾ ര​ജി​സ്റ്റ​ർ ചെ​യ്​​തു.

വ​സ്തു ആ​ധാ​ര​ങ്ങ​ൾ, ക​റ​ൻ​സി നോ​ട്ടു​ക​ൾ പ്രോ​മി​സ​റി നോ​ട്ടു​ക​ൾ, ചെ​ക്ക് ലീ​ഫു​ക​ൾ, ആ​ർ.​സി ബു​ക്കു​ക​ൾ മു​ദ്ര​പ​ത്ര​ങ്ങ​ള​ൾ തു​ട​ങ്ങി​യ​വ പി​ടി​ച്ചെ​ടു​ത്തു. ക​ല്ല​മ്പ​ലം പൊ​ലീ​സ് സ്റ്റേ​ഷ​നി​ൽ ര​ജി​സ്റ്റ​ർ ചെ​യ്ത കേ​സ്സി​ൽ ഞെ​ക്കാ​ട് സ്വ​ദേ​ശി​യാ​യ ശ്രീ​ജ് എ​ന്ന​യാ​ളു​ടെ വീ​ട്ടി​ൽ നി​ന്ന്​ മൂ​ന്ന്​ വ​സ്തു ആ​ധാ​ര​ങ്ങ​ളും, 2.5 ല​ക്ഷം രൂ​പ​യു​ടെ ക​റ​ൻ​സി​ക​ളും, ഒ​രു ക​രാ​ർ പ​ത്ര​വും പി​ടി​ച്ചെ​ടു​ത്തു. പാ​ങ്ങോ​ട് പോ​ലീ​സ് സ്റ്റേ​ഷ​നി​ൽ ര​ജി​സ്റ്റ​ർ ചെ​യ്ത കേ​സി​ൽ തെ​ങ്ങും​കോ​ട് സ്വ​ദേ​ശി​യാ​യ പ്ര​ഭാ​ഷ് എ​ന്ന​യാ​ളു​ടെ വീ​ട്ടി​ൽ നി​ന്ന്​ 2,21,000 രൂ​പ​യു​ടെ ക​റ​ൻ​സി നോ​ട്ടു​ക​ളും ര​ണ്ട്​ ചെ​ക്ക് ലീ​ഫു​ക​ളും, റ​വ​ന്യൂ സ്റ്റാ​മ്പ് ഒ​ട്ടി​ച്ച ര​ണ്ട്​ പേ​പ്പ​റു​ക​ളും പ​ണ​മി​ട​പാ​ടു​ക​ൾ ന​ട​ത്തി​യി​രു​ന്ന ബു​ക്കും ക​ണ്ടെ​ടു​ത്തു.

പാ​ലോ​ട് പൊ​ലീ​സ് സ്റ്റേ​ഷ​നി​ൽ ര​ജി​സ്റ്റ​ർ ചെ​യ്ത കേ​സി​ൽ കു​റു​പു​ഴ സ്വ​ദേ​ശി​യാ​യ സു​നി​ൽ കു​മാ​റി​ന്റെ വീ​ട്ടി​ൽ നി​ന്ന്​ 60,000 രൂ​പ ക​റ​ൻ​സി​യും ര​ണ്ട്​ മു​ദ്ര പ​ത്ര​ങ്ങ​ളും, റ​വ​ന്യൂ സ്റ്റാ​മ്പ് ഒ​ട്ടി​ച്ച ഒ​രു വെ​ള്ള​പേ​പ്പ​റും പ​ണ​മി​ട​പാ​ട് അ​ട​ങ്ങി​യ ഡ​യ​റി​യും പി​ടി​ച്ചെ​ടു​ത്തു. കി​ളി​മാ​നൂ​ർ പൊ​ലീ​സ് സ്റ്റേ​ഷ​നി​ൽ ര​ജി​സ്റ്റ​ർ ചെ​യ്ത കേ​സി​ൽ മ​ല​യാ​മ​ടം സ്വ​ദേ​ശി മ​നേ​ഷി​ന്റെ വീ​ട്ടി​ൽ നി​ന്ന്​ അ​ഞ്ച്​ ആ​ർ.​സി ബു​ക്കു​ക​ൾ, 20 ബ്ലാ​ങ്ക് ചെ​ക്കു​ക​ൾ, മൂ​ന്ന്​ പ്രോ​മി​സ​റി നോ​ട്ടു​ക​ൾ എ​ന്നി​വ പി​ടി​ച്ചെ​ടു​ത്തു.

ക​ട​യ്ക്കാ​വൂ​ർ പൊ​ലീ​സ്​ സ്റ്റേ​ഷ​നി​ൽ ര​ജി​സ്റ്റ​ർ ചെ​യ്ത കേ​സി​ൽ ക​ട​യ്ക്കാ​വൂ​ർ സ്വ​ദേ​ശി ഫ്രാ​ങ്ക്ളി​ൻ ജോ​ർ​ജ്ജി​ന്റെ വീ​ട്ടി​ൽ നി​ന്ന്​ അ​ഞ്ച്​ ബ്ലാ​ങ്ക് ചെ​ക്കു​ക​ൾ, നാ​ല്​ മു​ദ്ര പ​ത്ര​ങ്ങ​ൾ, ഒ​രു പ്രോ​മി​സ​റി നോ​ട്ട്, ഒ​രു ആ​ധാ​ർ കാ​ർ​ഡ്​ എ​ന്നി​വ പി​ടി​ച്ചെ​ടു​ത്തി​ട്ടു​ണ്ട്.