‘കടലാസുപീരങ്കി’ മുതൽ ‘ആകാശപ്പോര്​’ വരെ; ആ​​വേശപ്പെരുമഴ നനഞ്ഞ്​ കൊട്ടിക്കലാശം...

തി​രു​വ​ന​ന്ത​പു​രം: പാ​ർ​ട്ടിക്കൊ​ടി​യു​ടെ നി​റ​ത്തി​നൊ​പ്പി​ച്ച് ‘ക​ട​ലാ​സു​പീ​ര​ങ്കി’​യി​ൽ​നി​ന്ന് അ​ന്ത​രീ​ക്ഷ​ത്തി​ലേ​ക്ക് ചി​ത​റി​പ്പ​ര​ന്ന വ​ർ​ണ​ക്ക​ട​ലാ​സു​ക​ൾ, ചെ​ണ്ട​മേ​ള​വും നാ​സി​ക്​ ഡോ​ളും മു​ത​ൽ ഡി.​ജെ പാ​ട്ടു​ക​ൾ വ​രെ ഓ​ളം തീ​ർ​ത്ത മേ​ള​പ്പ​ര​പ്പി​ൽ തീ​പ​ട​ർ​ത്തു​ന്ന ആ​വേ​ശ​ത്തി​മി​ർ​പ്പ്...​ആ​ര്‍ത്തി​ര​മ്പി​യ ആ​ര​വ​പ്പെ​രു​മ​ഴ​യി​ല്‍ അ​ലി​ഞ്ഞും ഇ​ള​കി​മ​റി​ഞ്ഞും ലോ​ക്സ​ഭ തെ​ര​ഞ്ഞെ​ടു​പ്പ് പ്ര​ചാ​ര​ണാ​ര​വ​ങ്ങ​ള്‍ക്ക് കൊ​ട്ടി​ക്ക​ലാ​ശം.

ഇ​ത്ത​വ​ണ​യും മൂ​ന്നു​മു​ന്ന​ണി​ക​ളും കൊ​ട്ടി​ക്ക​ലാ​ശ​ത്തി​ന് ക​ളം​വ​ര​ച്ച​ത് പേ​രൂ​ർ​ക്ക​ട​യി​ലാ​യി​രു​ന്നു. അ​വ​സാ​ന മി​നി​റ്റു​ക​ളി​ൽ ക​ന​ത്തു​പെ​യ്ത മ​ഴ ആ​വേ​ശം​ കെ​ടു​ത്തി​യി​ല്ല. മ​ഴ​ന​ന​ഞ്ഞും അ​ണി​ക​ൾ താ​ള​മേ​ള​ങ്ങ​ൾ​ക്കും മു​ദ്രാ​വാ​ക്യ​ങ്ങ​ൾ​ക്കു​മൊ​പ്പം നി​ല​യു​റ​പ്പി​ച്ചു.

ആവേ​ശം ചി​ന്നി​ച്ച്​ ക​ട​ലാ​സു​പീ​ര​ങ്കി​ക​ൾ

​പോ​പ്പ​റു​ക​ളാ​യി​രു​ന്നു ഇ​ക്കു​റി ആ​വേ​ശ​പ്പോ​രി​ൽ മു​ന്നി​ൽ​നി​ന്ന​ത്​. മൂ​ന്ന്​ രാ​ഷ്​​ട്രീ​യ​പ്പാ​ർ​ട്ടി​ക​ളും ഇ​തി​ൽ മ​ത്സ​രി​ച്ചു. അ​ന്ത​രീ​ക്ഷ​ത്തെ ചെ​ഞ്ചാ​യ​മ​ണി​യി​ച്ച്​ സി.​പി.​എം പോ​പ്പ​റു​ക​ൾ പൊ​ട്ടി​ച്ചി​ത​റു​മ്പോ​ൾ മ​റു​പ​ടി​യാ​യി കോ​ൺ​ഗ്ര​സ്​ ചേ​രി​യി​ലു​ള്ള​വ പ്ര​വ​ർ​ത്തി​ച്ച്​ തു​ട​ങ്ങും.

ഇ​തോ​ടെ അ​ന്ത​രീ​ക്ഷം ത്രി​വ​ർ​ണ​സാ​ഗ​രം. പി​ന്നാ​ലെ എ​ൻ.​ഡി.​എ ചേ​രി​യു​ടെ പ്ര​യോ​ഗം. ഏ​താ​ണ്ട്​ നാ​ലു​മ​ണി​ക്ക്​ തു​ട​ങ്ങി​യ ക​ട​ലാ​സ്​ യു​ദ്ധം ​പ്ര​ചാ​ര​ണം കൊ​ട്ടി​യി​റ​ങ്ങു​ന്ന ആ​റ്​ മ​ണി​വ​രെ​യും നീ​ണ്ടു. പ്ര​വ​ർ​ത്ത​ക​ർ നേ​ർ​ക്കു​നേ​ർ വ​രാ​തി​രി​ക്കാ​ൻ പൊ​ലീ​സു​കാ​ർ നി​ല​യു​റ​പ്പി​ച്ചി​​രു​ന്നെ​ങ്കി​ലും അ​തി​രു​ക​ൾ​ക്ക​പ്പു​റ​മാ​യി​രു​ന്നു ആ​വേ​ശം. മ​ഴ പെ​യ്​​ത അ​വ​സാ​ന മി​നി​റ്റി​ലും​​​ പോ​പ്പ​റു​ക​ൾ പ്ര​വ​ർ​ത്തി​ച്ചു​കൊ​ണ്ടി​രു​ന്നു.

ആ​ര​വ​ത്തേ​രി​ൽ ആ​കാ​ശ​ത്തു​ഞ്ച​ത്ത്

ക്രെ​യി​നു​ക​ളാ​ണ്​ പേ​രൂ​ർ​ക്ക​ട​യെ ആ​വേ​ശ​ത്തി​ലു​യ​ർ​ത്താ​ൻ ഇ​ത്ത​വ​ണ ക്രെ​യി​നു​ക​ളും എ​ത്തി​യി​രു​ന്നു. യു.​ഡി.​എ​ഫ്​-​ബി.​ജെ.​പി സ്ഥാ​നാ​ർ​ഥി​ക​ളാ​ണ്​ ഇ​വ എ​ത്തി​ച്ച​ത്. തു​ട​ക്ക​ത്തി​ൽ സ്ഥാ​നാ​ർ​ഥി​ക​ളു​ടെ കൂ​റ്റ​ൻ ഫ്ല​ക്സ്​ ബോ​ർ​ഡ്​ കെ​ട്ടി​യാ​ണ്​ ഇ​വ ഉ​യ​ർ​ന്നു​താ​ഴ്​​ന്ന​ത്. പി​ന്നീ​ട്​ ദൃ​ശ്യ​മാ​ധ്യ​മ​ങ്ങ​ളു​ടെ റി​പ്പോ​ട്ട​ർ​മാ​ർ രം​ഗം ​ൈക​യ​ട​ക്കി. സ്ഥാ​നാ​ർ​ഥി​ക​ളെ​ത്തി​​യ​തോ​ടെ ​സ​മാ​ന​ത​ക​ളി​ല്ലാ​ത്ത ആ​വ​ശ​മാ​യി.

യു.​ഡി.​എ​ഫ്​ സ്ഥാ​നാ​ർ​ഥി ശ​ശി ത​രൂ​രാ​ണ്​ ആ​ദ്യം ക്രെ​യി​നി​ൽ ക​യ​റി​യ​ത്. ഒ​പ്പം അ​ച്ചു ഉ​മ്മ​നു​മു​ണ്ടാ​യി​രു​ന്നു. പ്ര​വ​ർ​ത്ത​ക​രെ കൈ​വീ​ശി​യും വി​ജ​യ​മു​ദ്ര​കാ​ണി​ച്ചു​മാ​യി​രു​ന്നു ത​രൂ​ർ ആ​കാ​ശ​ത്തു​ഞ്ച​ത്ത്​ നി​ല​യു​റ​പ്പി​ച്ച​ത്. ഈ ​സ​മ​യം ബി.​ജെ.​പി സ്ഥാ​നാ​ർ​ഥി എ​ത്താ​ത്ത​തി​നാ​ൽ ​മ​റു​പ​ടി​യു​മാ​യി രാ​ജീ​വ്​ ച​ന്ദ്ര​ശേ​ഖ​റി​ന്‍റെ​ ബൊ​മ്മ ക്രെ​യി​നി​ൽ ​ക​യ​റ്റി ഉ​യ​ർ​ത്തി.

ഇ​തി​നി​ടെ 5.15 ഓ​ടെ എ​ത്തി​യ രാ​ജീ​വ്​ ച​ന്ദ്ര​ശേ​ഖ​ർ​ ബൊ​മ്മ​ക്കു​പ​ക​രം ക്രെ​യി​നി​ലേ​ക്ക്​; ഒ​പ്പം വി.​വി. രാ​ജേ​ഷും. ഇ​തി​നി​ടെ ഇ​രു​സ്ഥാ​നാ​ർ​ഥി​ക​ളും പ​ര​സ്പ​രം അ​ഭി​വാ​ദ്യം ചെ​യ്തു. രാ​ജീ​വി​ന്‍റെ ക്രെ​യി​നി​ൽ പൂ​ക്ക​ൾ മു​ക​ളി​ൽ നി​ന്ന്​ താ​​ഴേ​ക്ക്​ വി​ത​റി​യാ​ണ്​ പ്ര​വ​ർ​ത്ത​ക​ർ​ക്ക്​ ആ​വേ​ശം പ​ക​ർ​ന്ന​ത്. ഇ​തി​നി​ടെ ത​രൂ​ർ താ​ഴേ​ക്കെ​ത്തി. തൊ​പ്പി​യ​ണി​ഞ്ഞ്​ വീ​ണ്ടും മു​ക​ളി​ലേ​ക്ക്. മ​ഴ​ക്കാ​റ്​ മൂ​ടി​ക്കെ​ട്ടി​യി​ട്ടും ഇ​രു​വ​രും താ​​ഴെ​യി​റ​ങ്ങി​യി​ല്ല.

ഇ​ട​തു​പ്ര​വ​ർ​ത്ത​ക​ർ​ക്കി​ട​യി​ൽ ഓ​ളം തീ​ർ​ത്താ​ണ്​ എ​ൽ.​ഡി.​എ​ഫ്​ സ്ഥാ​നാ​ർ​ഥി പ​ന്ന്യ​ൻ ര​വീ​ന്ദ്ര​ൻ ക​ളം കൈ​യ​ട​ക്കി​യ​ത്. പ്ര​വ​ർ​ത്ത​ക​ർ വ​ലി​യ ആ​വേ​ശ​ത്തോ​ടെ പ​ന്ന്യ​നെ എ​തി​രേ​റ്റു. മ​ഴ​കൊ​ണ്ടും കു​തി​ർ​ന്നും അ​ണി​ക​ളെ ആ​വേ​ശ​ത്തി​ലാ​ക്കു​ക​യാ​യി​രു​ന്നു സ്ഥാ​നാ​ർ​ഥി​ക​ൾ.

ആ​ർ​ത്തി​ര​മ്പും തി​ര​മാ​ല​ക​ളാ​യ്

ഉ​ച്ച​യോ​ടെ​ത​ന്നെ പ്ര​ചാ​ര​ണ​വാ​ഹ​ന​ങ്ങ​ള്‍ പേ​രൂ​ർ​ക്ക​ട​യി​ൽ എ​ത്തി​ത്തു​ട​ങ്ങി​യി​രു​ന്നു. 3.30 ഓ​ടെ അ​ണി​ക​ളും ചെ​റു​ജാ​ഥ​ക​ളാ​യി എ​ത്തി. ചെ​ണ്ട​മേ​ള​ത്തി​നൊ​പ്പം ഉ​ത്ത​രേ​ന്ത്യ​ന്‍ വാ​ദ്യോ​പ​ക​ര​ണ​മാ​യ നാ​സി​ക് ഡോ​ളും ക​ലാ​ശ​ക്കൊ​ട്ടി​ന് ഓ​ളം തീ​ര്‍ത്തു. ചെ​ഞ്ചാ​യ​മ​ണി​ഞ്ഞും ത്രി​വ​ര്‍ണഛാ​യ​യി​ലും താ​മ​ര​യേ​ന്തി​യും പ്ര​വ​ര്‍ത്ത​ക​ര്‍ സ​ജീ​വ​മാ​യി. ചാ​യം തേ​ച്ചും റി​ബ​ന്‍ ത​ല​യി​ല്‍ കെ​ട്ടി​യും​ കു​ട്ടി​ക​ളും ആ​വേ​ശ​മാ​യി.

നാ​ല​ര​യാ​യ​തോ​ടെ കൂ​ടു​ത​ല്‍ വാ​ഹ​ന​ങ്ങ​ളും അ​ണി​ക​ളും എ​ത്തി​യ​തോ​ടെ ഗ​താ​ഗ​ത​വും ത​ട​സ്സ​പ്പെ​ട്ടു. എ​ല്ലാ​വ​രെ​യും ഉ​ള്‍ക്കൊ​ള്ളാ​നാ​വാ​തെ ജ​ങ്ഷ​ന്‍ ഏ​റെ​നേ​രം വീ​ര്‍പ്പു​മു​ട്ടി. കൊ​ട്ടി​ക്ക​ലാ​ശ​ത്തി​ന്​ സ്ത്രീ​ക​ളും എ​ത്തി​യി​രു​ന്നു. പ്ര​ചാ​ര​ണ​മ​വ​സാ​നി​ക്കാ​ന്‍ മി​നി​റ്റു​ക​ള്‍ മാ​ത്രം ശേ​ഷി​ക്കെ ആ​ര​വ​ങ്ങ​ള്‍ ഉ​ച്ച​സ്ഥാ​യി​യി​ലാ​യി.

സ്ഥാ​നാ​ര്‍ഥി​ക​ളി​ൽ 4.30 ഓ​ടെ ശ​ശി ത​രൂ​രാ​ണ്​ ആ​ദ്യ​മെ​ത്തി​യ​ത്. പി​ന്നാ​ലെ രാ​ജീ​വ്​ ച​ന്ദ്ര​ശേ​ഖ​റും പ​ന്ന്യ​നും. പ്ര​ചാ​ര​ണ​വാ​ഹ​ന​ങ്ങ​ള്‍ക്ക്​ മു​ക​ളി​ലെ​ല്ലാം പ്ര​വ​ര്‍ത്ത​ക​ര്‍ ഇ​ടം​പി​ടി​ച്ചു.

അ​പ്ര​മാ​ദി​ത്തം കാ​ണി​ക്കാ​ൻ വ​ലി​യ മു​ള​ക​ളി​ലാ​ണ് കൊ​ടി​ക​ള്‍ കെ​ട്ടി​യി​രു​ന്ന​ത്. വൈ​കീ​ട്ട്​ ​അ​ഞ്ച​ര​യോ​ടെ​യാ​ണ്​ മ​ഴ​യു​ടെ ല​ക്ഷ​ണം ​തു​ട​ങ്ങി. 5.45 ഓ​ടെ ആ​കാ​ശം മൂ​ടി​ക്കെ​ട്ടി. അ​ഞ്ച്​ മി​നി​റ്റി​നു​ള്ളി​ൽ ക​ന​ത്ത മ​ഴ. അ​ണി​ക​ളാ​രും അ​ണു​വി​ട ച​ലി​ച്ചി​ല്ല. സ്ഥാ​നാ​ർ​ഥി​ക​ളാ​ക​ട്ടെ ക്രെ​യി​നി​ന്​ മു​ക​ളി​ലും. പ​ര​സ്യ​പ്ര​ചാ​ര​ണ​സ​മ​യ​മ​വ​സാ​നി​ക്കു​​മ്പോ​ഴും മ​ഴ​പ്പെ​യ്ത്ത്​ തീ​ർ​ന്നി​രു​ന്നി​ല്ല.

ആ​വേ​ശം ത​ണു​ത്ത് വി​ഴി​ഞ്ഞ​ം

വി​ഴി​ഞ്ഞം: ആ​ട്ട​വും പാ​ട്ടും കൂ​ത്തും മൂ​ത്ത് വ​രു​ന്ന​തി​നി​ടെ പെ​യ്ത മ​ഴ​യി​ൽ കു​തി​ർ​ന്ന് ആ​വേ​ശം ത​ണു​ത്ത് വി​ഴി​ഞ്ഞ​ത്തെ കൊ​ട്ടി​ക്ക​ലാ​ശം. പ്ര​തീ​ക്ഷി​ച്ച​ത്ര ആ​ളി​ല്ലാ​ത്ത​ത് തീ​ര​ദേ​ശ​മേ​ഖ​ല ഉ​ൾ​പ്പെ​ടെ പ​ല​യി​ട​ത്തും മു​ന്ന​ണി​ക​ളെ കു​ഴ​ക്കി.

പ്ര​ധാ​ന കേ​ന്ദ്ര​മാ​യി പ​റ​ഞ്ഞി​രു​ന്ന വി​ഴി​ഞ്ഞ​ത്ത് ഇ​ട​തു​പ​ക്ഷ​വും കോ​ൺ​ഗ്ര​സും ശ​ക്തി തെ​ളി​യി​ക്കാ​ൻ രം​ഗ​ത്തി​റ​ങ്ങി​യെ​ങ്കി​ലും ആ​ൾ​ബ​ലം കു​റ​വാ​യ​ത് നി​യ​ന്ത്രി​ക്കാ​നെ​ത്തി​യ പൊ​ലീ​സി​ന് കാ​ര്യ​ങ്ങ​ൾ എ​ളു​പ്പ​മാ​ക്കി. ഇ​ട​തു​പ​ക്ഷ​ത്ത് ആ​ള​ന​ക്ക​മു​ണ്ടാ​യ​പ്പോ​ൾ യു.​ഡി.​എ​ഫ് നി​ര ശു​ഷ്ക​മാ​യി​രു​ന്നു. വെ​ങ്ങാ​നൂ​ർ, ഉ​ച്ച​ക്ക​ട എ​ന്നി​വി​ട​ങ്ങ​ളി​ൽ പ്ര​വ​ർ​ത്ത​ക​ർ ഒ​ത്തു​കൂ​ടി കൊ​ട്ടി​ക്ക​ലാ​ശം ന​ട​ത്തി​യെ​ങ്കി​ലും ബി.​ജെ.​പി പ്ര​വ​ർ​ത്ത​ക​ർ വി​ഴി​ഞ്ഞ​ത്തെ കൊ​ട്ടി​ക്ക​ലാ​ശ​ത്തി​ന് എ​ത്തി​യി​ല്ല.

മു​ൻ​വ​ർ​ഷ​ത്തെ​പോ​ലെ കൊ​ട്ടി​ക്ക​ലാ​ശം കൈ​വി​ട്ടു​പോ​കാ​തി​രി​ക്കാ​ൻ വി​ഴി​ഞ്ഞ​ത്ത് കേ​ര​ള-​ത​മി​ഴ്നാ​ട് പൊ​ലീ​സു​ക​ൾ സു​ര​ക്ഷ​യൊ​രു​ക്കി. മു​ക്കോ​ല, ച​പ്പാ​ത്ത്, കാ​ഞ്ഞി​രം​കു​ളം, പൂ​വാ​ർ, പ​ഴ​യ​ക​ട എ​ന്നി​വി​ട​ങ്ങ​ളി​ലും കൊ​ട്ടി​ക്ക​ലാ​ശം ഉ​ജ്ജ്വ​ല​മാ​യി. പൂ​വാ​റി​ൽ യു.​ഡി.​എ​ഫ്-​എ​ൽ.​ഡി.​എ​ഫ് പ്ര​വ​ർ​ത്ത​ക​ർ ത​മ്മി​ൽ വാ​ക്കേ​റ്റ​വും ചെ​റി​യ​തോ​തി​ൽ കൈ​യാ​ങ്ക​ളി​യു​മു​ണ്ടാ​യി. പൊ​ലീ​സി​ന്‍റെ ഇ​ട​പെ​ട​ലി​ൽ അ​നി​ഷ്ട​സം​ഭ​വ​ങ്ങ​ൾ ഒ​ഴി​വാ​യി.

കൊട്ടിക്കലാശത്തിന്‍റെ ആവേശത്തേരിലേറി ആറ്റിങ്ങൽ

ആ​റ്റി​ങ്ങ​ൽ: ലോ​ക്സ​ഭ തെ​ര​ഞ്ഞെ​ടു​പ്പി​ന്റെ പ്ര​ചാ​ര​ണ പ്ര​വ​ർ​ത്ത​ന​ങ്ങ​ൾ​ക്ക് പ്ര​ധാ​ന ജ​ങ്​​ഷ​നു​ക​ൾ കേ​ന്ദ്രീ​ക​രി​ച്ചു​ള്ള കൊ​ട്ടി​ക്ക​ലാ​ശ​ത്തോ​ടെ സ​മാ​പ​നം. ആ​വേ​ശ​ത്തി​ൽ സ്ഥാ​നാ​ർ​ഥി​ക​ൾ ക്രെ​യി​നി​ൽ ക​യ​റി ആ​വേ​ശം പ​ക​ർ​ന്നു.

ആ​റ്റി​ങ്ങ​ൽ ക​ച്ചേ​രി​ന​ട, കി​ളി​മാ​നൂ​ർ, വി​തു​ര, വ​ർ​ക്ക​ല മൈ​താ​നം, വെ​ഞ്ഞാ​റ​മൂ​ട്, കാ​ട്ടാ​ക്ക​ട ജ​ങ്​​ഷ​ൻ, നെ​ടു​മ​ങ്ങാ​ട്, ചി​റ​യി​ൻ​കീ​ഴ്, ക​ല്ല​മ്പ​ലം എ​ന്നി​വി​ട​ങ്ങ​ൾ കേ​ന്ദ്രീ​ക​രി​ച്ചാ​ണ് ആ​റ്റി​ങ്ങ​ൽ പാ​ർ​ല​മെൻറ് മ​ണ്ഡ​ലം തെ​ര​ഞ്ഞെ​ടു​പ്പ് കൊ​ട്ടി​ക്ക​ലാ​ശം പ്ര​ധാ​ന​മാ​യി ന​ട​ന്ന​ത്.

സ്ഥാ​നാ​ർ​ഥി​ക​ളു​ടെ റോ​ഡ് ഷോ​ക​ൾ കൊ​ട്ടി​ക്ക​ലാ​ശ​കേ​ന്ദ്ര​ത്തി​ൽ എ​ത്തി പ്ര​വ​ർ​ത്ത​ക​ർ​ക്ക് ആ​വേ​ശം പ​ക​ർ​ന്നു. രാ​ഷ്ട്രീ​യ പാ​ർ​ട്ടി​ക​ൾ പ്രാ​ദേ​ശി​ക ത​ല​ങ്ങ​ളി​ൽ പ്ര​ക​ട​ന​ങ്ങ​ളും ന​ട​ത്തി. ഓ​രോ നി​യോ​ജ​ക മ​ണ്ഡ​ല​ത്തി​ലെ​യും തെ​ര​ഞ്ഞെ​ടു​പ്പ് പ്ര​ച​ര​ണ​വാ​ഹ​ന​ങ്ങ​ൾ വൈ​കീ​ട്ട്​ മൂ​ന്നോ​ടെ കൊ​ട്ടി​ക്ക​ലാ​ശ കേ​ന്ദ്ര​ങ്ങ​ളി​ൽ സം​ഗ​മി​ച്ചു.

എ​ല്ലാ രാ​ഷ്ട്രീ​യ പാ​ർ​ട്ടി​ക​ളു​ടെ​യും അ​നൗ​ൺ​സ്മെൻറ് വാ​ഹ​ന​ങ്ങ​ൾ ഒ​ന്നി​ച്ച് സം​ഗ​മി​ച്ച​തോ​ടെ അ​ന്ത​രീ​ക്ഷം പൂ​ർ​ണ​മാ​യും ശ​ബ്ദ​കോ​ലാ​ഹ​ല​ത്തി​ൽ മു​ങ്ങി. ഒ​പ്പം വ​ലി​യ ഗ​താ​ഗ​ത​ക്കു​രു​ക്കും രൂ​പ​പ്പെ​ട്ടു. പ്ര​ചാ​ര​ണ വാ​ഹ​ന​ങ്ങ​ൾ ഒ​ന്നി​ച്ച​തും പ്ര​വ​ർ​ത്ത​ക​ർ വ​ലി​യ​തോ​തി​ൽ സം​ഘ​ടി​ച്ച​തു​മാ​ണ് വാ​ഹ​ന​ക്കു​രു​ക്കി​നി​ട​യാ​ക്കി​യ​ത്.

ബാ​ൻ​ഡ്, ചെ​ണ്ട​മേ​ളം, തെ​യ്യം, തി​റ ഉ​ൾ​പ്പെ​ടെ​യു​ള്ള നാ​ട​ൻ ക​ലാ​രൂ​പ​ങ്ങ​ൾ, പാ​ർ​ട്ടി കൊ​ടി​ക​ൾ, സ്ഥാ​നാ​ർ​ഥി​യു​ടെ ചി​ത്ര​മു​ള്ള ബ​ലൂ​ണു​ക​ൾ, മു​ത്തു​ക്കു​ട​ക​ൾ എ​ന്നി​വ കൊ​ട്ടി​ക്ക​ലാ​ശ​ത്തെ ന​യ​നാ​ന​ന്ദ​ക​ര​മാ​ക്കി. ഓ​രോ പാ​ർ​ട്ടി​ക്കാ​രും ഏ​റ്റ​വും ഉ​യ​ര​ത്തി​ൽ കൊ​ടി ഉ​യ​ർ​ത്തി​പ്പി​ടി​ക്കാ​ൻ ശ്ര​മി​ച്ചു. ക​ച്ചേ​രി​ന​ട​യി​ൽ മൂ​ന്ന് മ​ണി​യോ​ടെ ത​ന്നെ ബി.​ജെ.​പി പ്ര​വ​ർ​ത്ത​ക​ർ ക്രെ​യി​ൻ എ​ത്തി​ച്ച് മു​ക​ളി​ൽ ക​യ​റി പ​താ​ക വീ​ശി.

അ​ര​മ​ണി​ക്കൂ​ർ ക​ഴി​ഞ്ഞ​തോ​ടെ എ​ൽ.​ഡി.​എ​ഫും സ​മാ​ന​രീ​തി​യി​ൽ ക്രെ​യി​ൻ എ​ത്തി​ച്ചു. പ്ര​വ​ർ​ത്ത​ക​ർ ക്രെ​യി​നി​ൽ ക​യ​റി അ​മ്പ​ത​ടി ഉ​യ​ര​ത്തി​ൽ നി​ന്ന്​ പ​താ​ക വീ​ശി. അ​ഞ്ച​ര​യോ​ടെ എ​ൽ.​ഡി.​എ​ഫ് സ്ഥാ​നാ​ർ​ഥി വി. ​ജോ​യി​യും എ​ൻ.​ഡി.​എ സ്ഥാ​നാ​ർ​ഥി വി. ​മു​ര​ളീ​ധ​ര​നും ക്രെ​യി​നി​ൽ ക​യ​റി പ്ര​വ​ർ​ത്ത​ക​ർ​ക്ക് ആ​വേ​ശം പ​ക​ർ​ന്നു. സ്ഥാ​നാ​ർ​ഥി​ക​ളെ പ​ര​മാ​വ​ധി ഉ​യ​ര​ത്തി​ൽ നി​ർ​ത്താ​നും ജ​ന​ശ്ര​ദ്ധ​യി​ൽ കൊ​ണ്ടു​വ​രാ​നും പ്ര​വ​ർ​ത്ത​ക​രും മ​ത്സ​രി​ച്ചു.

യു.​ഡി.​എ​ഫ് സ്ഥാ​നാ​ർ​ഥി അ​ടൂ​ർ പ്ര​കാ​ശി​ന്‍റെ അ​സാ​ന്നി​ധ്യം ശ്ര​ദ്ധി​ക്ക​പ്പെ​ട്ടു. ആ​റ്റി​ങ്ങ​ൽ ക​ച്ചേ​രി​ന​ട​യി​ലെ കൊ​ട്ടി​ക്ക​ലാ​ശ​ത്തി​ന്​ എ​ൽ.​ഡി.​എ​ഫി​ൽ സി.​പി.​എം ജി​ല്ല സെ​ക്ര​ട്ട​റി ജ​യ​ൻ ബാ​ബു, വി. ​ശ​ശി എം.​എ​ൽ.​എ, ആ​ർ. രാ​മു, സി.​എ​സ്. ജ​യ​ച​ന്ദ്ര​ൻ, കോ​രാ​ണി സ​ന​ൽ തു​ട​ങ്ങി​യ​വ​ർ നേ​തൃ​ത്വം ന​ൽ​കി. യു.​ഡി.​എ​ഫ് പ്ര​ചാ​ര​ണ​ത്തി​ന് ക​ര​കു​ളം കൃ​ഷ്ണ​പി​ള്ള, എം.​ജെ. ആ​ന​ന്ദ് തു​ട​ങ്ങി​യ​വ​ർ നേ​തൃ​ത്വം ന​ൽ​കി. എ​ൻ.​ഡി.​എ​ക്ക് ബി.​ജെ.​പി സം​സ്ഥാ​ന സെ​ക്ര​ട്ട​റി സു​രേ​ഷ്​​കു​മാ​ർ, ഹ​രി എ​ന്നി​വ​ർ നേ​തൃ​ത്വം ന​ൽ​കി.

കൊട്ടിക്കലാശത്തിനിടെ അപ്രതീക്ഷിത വേനൽ മഴ

കാ​ട്ടാ​ക്ക​ട: ആ​വേ​ശം ചോ​രാ​തെ കൊ​ട്ടി​ക്ക​ലാ​ശം പൊ​ടി​പൊ​ടി​ക്കു​ന്ന​തി​നി​ടെ അ​പ്ര​തീ​ക്ഷി​ത വേ​ന​ൽ മ​ഴ. കാ​റ്റും മ​ഴ​യും കൂ​സാ​തെ മു​ന്ന​ണി​ക​ളു​ടെ കൊ​ട്ടി​ക്ക​ലാ​ശം ആ​വേ​ശ​ത്തി​ര​യി​ള​ക്കി. പൂ​വ​ച്ച​ല്‍, കാ​ട്ടാ​ക്ക​ട, ക​ള്ളി​ക്കാ​ട്, ആ​ര്യ​നാ​ട് ജ​ങ്​​ഷ​നു​ക​ളി​ലാ​യി​രു​ന്നു ആ​വേ​ശം​കൊ​ള്ളി​ച്ച കൊ​ട്ടി​ക്ക​ലാ​ശം. ആ​ര്യ​നാ​ട് നേ​രി​യ സം​ഘ​ര്‍ഷ​ത്തി​നി​ട​യാ​ക്കി. പ​ത്തോ​ളം പേ​ര്‍ക്ക് ത​ല്ലി​ല്‍ പ​രി​ക്കേ​റ്റ​താ​യാ​ണ് വി​വ​രം.

കാ​ട്ടാ​ക്ക​ട, പൂ​വ​ച്ച​ല്‍ എ​ന്നി​വി​ട​ങ്ങ​ളി​ല്‍ പ്ര​വ​ർ​ത്ത​ക​ർ ത​മ്മി​ലു​ള്ള വാ​ക്കേ​റ്റ​മൊ​ഴി​ച്ചാ​ൽ ക​ലാ​ശ​ക്കൊ​ട്ട് സ​മാ​ധാ​ന​പ​ര​മാ​യി​രു​ന്നു. ആ​റ്റി​ങ്ങ​ൽ ലോ​ക്സ​ഭ മ​ണ്ഡ​ലം പ​രി​ധി​യി​ലെ കാ​ട്ടാ​ക്ക​ട, ആ​മ​ച്ച​ൽ, പൂ​വ​ച്ച​ൽ, കു​റ്റി​ച്ച​ൽ, ക​ള്ളി​ക്കാ​ട് ജ​ങ്ഷ​നു​ക​ളി​ൽ ക​ലാ​ശ​ക്കൊ​ട്ട് ന​ട​ന്നു.

പൊ​ലീ​സി​ന്‍റെ നി​യ​ന്ത്ര​ണ​ങ്ങ​ൾ പാ​ലി​ക്കാ​ൻ മു​ന്ന​ണി​പ്ര​വ​ർ​ത്ത​ക​ർ ത​യാ​റാ​യ​താ​ണ് സം​ഘ​ർ​ഷം ഒ​ഴി​വാ​ക്കി​യ​ത്. പൂ​വ​ച്ച​ലി​ൽ യു.​ഡി.​എ​ഫ് പ്ര​വ​ർ​ത്ത​ക​ൻ എ​ൽ.​ഡി.​എ​ഫ് പ്ര​വ​ർ​ത്ത​ക​ന്‍റെ മു​ഖ​ത്ത് വി​ര​ൽ കൊ​ണ്ട് കു​ത്തി എ​ന്നാ​രോ​പി​ച്ചാ​യി​രു​ന്നു വാ​ക്കേ​റ്റ​വും ഉ​ന്തും ത​ള്ളു​മു​ണ്ടാ​യ​ത്. പൊ​ലീ​സ് ഇ​ട​പെ​ട്ട് പ്ര​വ​ർ​ത്ത​ക​രെ പി​ന്തി​രി​പ്പി​ച്ചു.

ബ​സ് സ്റ്റാ​ൻ​ഡ് റോ​ഡി​ൽ എ​ൽ.​ഡി.​എ​ഫും കോ​ള​ജ് റോ​ഡി​ൽ ബി.​ജെ.​പി​യും ച​ന്ത റോ​ഡി​ൽ യു.​ഡി.​എ​ഫും പ്ര​ചാ​ര​ണ​വാ​ഹ​ന​ങ്ങ​ളു​മാ​യി കേ​ന്ദ്രീ​ക​രി​ച്ചി​രു​ന്നു. ക​ലാ​ശ​ക്കൊ​ട്ടി​നി​ടെ​യെ​ത്തി​യ മ​ഴ​ക്കും പ്ര​വ​ർ​ത്ത​ക​രു​ടെ ആ​വേ​ശം ചോ​ർ​ത്താ​നാ​യി​ല്ല.

കു​റ്റി​ച്ച​ലി​ല്‍ മ​ണ്ണു​മാ​ന്തി​യ​ന്ത്ര​വും ലോ​റി​ക​ളും മ​റ്റ് വാ​ഹ​ന​ങ്ങ​ളു​മാ​യി പ്ര​വ​ർ​ത്ത​ക​ർ ജ​ങ്​​ഷ​നി​ല്‍ നി​ല​യു​റ​പ്പി​ച്ചു. ഇ​തി​നി​ടെ​യാ​യി​രു​ന്നു ശ​ക്ത​മാ​യ വേ​ന​ല്‍ മ​ഴ പെ​യ്ത​ത്. അ​പ്പോ​ഴും ആ​വേ​ശം ചോ​രാ​തെ പാ​ര​മ്യ​ത്തി​ലെ​ത്തി​യ കൊ​ട്ടി​ക്ക​ലാ​ശ​ത്തി​ല്‍ സ്ത്രീ​ക​ളും കു​ട്ടി​ക​ളും പ​ങ്കാ​ളി​ക​ളാ​യി.