നഗരയാത്ര ആഘോഷമാക്കി വയോധികർ

തിരുവനന്തപുരം: തലസ്ഥാനത്തെ ഓൾഡേജ് ഹോമിലെ താമസക്കാർക്ക് വേണ്ടി കെ.എസ്.ആർ.ടി.സി നടത്തിയ ഓപണ്‍ ഡെക്ക് ഡബിള്‍ ഡെക്കര്‍ ബസിലെ നഗരയാത്ര നവ്യാനുഭവമായി. പ്രായത്തിന്റെ അവശതകൾ മറന്ന് ഓൾഡേജ് ഹോമിലെ 54 അന്തേവാസികളും ജീവനക്കാരും സിറ്റി റൈഡിൽ നഗരത്തിന്റെ സൗന്ദര്യം ആസ്വദിച്ചു.

രാവിലെ ഒമ്പതിന് കിഴക്കേക്കോട്ടയിൽ നിന്നും ആരംഭിച്ച യാത്ര മ്യൂസിയം, മൃഗശാല, വെള്ളയമ്പലം, പ്ലാനറ്റേറിയം, ശംഖുംമുഖം ചുറ്റി തിരികെ കിഴക്കേകോട്ടയിൽ അവസാനിച്ചു.