നാട്ടുകാരുടെ ഉറക്കംകെടുന്നു; മലവെള്ളപ്പാച്ചിലിൽ പെരുമ്പാമ്പുകൾ ഒഴുകിയെത്തുന്നു

തി​രു​വ​ന​ന്ത​പു​രം: വ​ന​മേ​ഖ​ല​ക​ളി​ൽ​നി​ന്ന് പെ​രു​മ്പാ​മ്പു​ക​ൾ ജ​ന​വാ​സ​മേ​ഖ​ല​ക​ളി​ലേ​ക്ക് കൂ​ട്ട​ത്തോ​ടെ ഒ​ഴു​കി​യെ​ത്തു​ന്നു. ഇ​തോ​ടെ ത​ല​സ്ഥാ​ന​ജി​ല്ല​യു​ടെ തെ​ക്ക​ൻ​മേ​ല​ക​ളി​ൽ താ​മ​സി​ക്കു​ന്ന​വ​രു​ടെ ഉ​റ​ക്കം​കെ​ട്ടു. വീ​ട്ടു​മു​റ്റ​ത്തും പ​മ്പി​ലും കൃ​ഷി​യി​ട​ങ്ങ​ളി​ലും ജെ.​സി.​ബി​ക്കു​ള്ളി​ൽ​പോ​ലും പെ​രു​മ്പാ​മ്പു​ക​ൾ താ​വ​ളം ഉ​റ​പ്പി​ച്ചി​രി​ക്കു​ക​യാ​ണ്.

ര​ണ്ടാ​ഴ്‌​ച​ക്കി​ടെ വ​നം​വ​കു​പ്പ് പി​ടി​കൂ​ടി​യ​ത് ഒ​രു​ഡ​സ​നി​ല​ധി​കം പെ​രു​മ്പാ​മ്പു​ക​ളെ​യാ​ണ്. വെ​ള്ള​ക്കെ​ട്ട് ഒ​ഴി​യാ​ത്ത ജ​ന​വാ​സ​കേ​ന്ദ്ര​ങ്ങ​ളി​ൽ പാ​മ്പ് ശ​ല്യ​വും രൂ​ക്ഷ​മാ​യി. നെ​യ്യാ​റി​ലും ക​ര​മ​ന​യാ​റ്റി​ലും മ​ല​വെ​ള്ളം കു​ത്തി​യൊ​ലി​ച്ച് ഇ​റ​ങ്ങി​യ​തോ​ടെ​യാ​ണ് പെ​രു​മ്പാ​മ്പ് ശ​ല്യം കൂ​ടി​യ​ത്.

ബു​ധ​നാ​ഴ്ച രാ​ത്രി 11 മ​ണി​യോ​ടെ വെ​ള്ള​നാ​ട് നി​ന്നും കു​ള​പ്പ​ട​യി​ൽ നി​ന്നും ര​ണ്ട് പെ​രു​മ്പാ​മ്പു​ക​ളെ​യാ​ണ് പി​ടി​കൂ​ടി​യ​ത്. സ്നേ​ക്ക് ക്യാ​ച്ച​ർ രോ​ഷ്നി​യാ​ണ് പി​ടി​കൂ​ടി​യ​ത്. വെ​ള്ള​നാ​ട് ജ​യ​യു​ടെ പു​ര​യി​ട​ത്തി​ൽ നി​ന്നാ​ണ് ഒ​രെ​ണ്ണ​ത്തെ പി​ടി​കൂ​ടി​യ​ത്.

കു​ള​പ്പ​ട​യി​ൽ റോ​ഡ​രി​കി​ൽ നി​ന്ന്​ സ​മീ​പ​ത്തെ പു​ര​യി​ട​ത്തി​ൽ ക​യ​റു​ന്ന​തി​നി​ടെ​യാ​ണ് ര​ണ്ടാ​മ​ത്തേ​തി​നെ പി​ടി​കൂ​ടി​യ​ത്. ക​ഴി​ഞ്ഞ​ദി​വ​സം ആ​ര്യ​നാ​ട് ക​ര​മ​ന​യാ​റ്റി​ൽ കാ​ണാ​താ​യ ആ​ളി​നാ​യി തി​ര​ച്ചി​ൽ ന​ട​ത്തു​ന്ന​തി​നി​ടെ ആ​ര്യ​നാ​ട് പ​മ്പ് ഹൗ​സി​ന് സ​മീ​പം ഈ​റ​ക​ൾ​ക്കി​ട​യി​ൽ വ​ലി​യ പാ​മ്പി​നെ ക​ണ്ട​താ​യി സം​ഘം പ​റ​ഞ്ഞു.

വെ​ള്ളി​യാ​ഴ്ച ഉ​ഴ​മ​ല​യ്​​ക്ക​ൽ കാ​ര​നാ​ട് നി​ന്ന് 40 കി​ലോ​യോ​ളം തൂ​ക്കം​വ​രു​ന്ന പെ​രു​മ്പാ​മ്പി​നെ​യും ഒ​ക്ടേ​ബ​ർ 11ന് ​വെ​ള്ള​നാ​ട് ചാ​ങ്ങ​യി​ൽ നി​ന്ന് ജെ.​സി.​ബി​ക്കു​ള്ളി​ൽ കു​ടു​ങ്ങി​യ കൂ​റ്റ​ൻ പെ​രു​മ്പാ​മ്പി​നെ​യും വ​നം​വ​കു​പ്പ് പി​ടി​ച്ചു. വെ​ള്ളം​ക​യ​റി​യ വീ​ടു​ക​ൾ വൃ​ത്തി​യാ​ക്കു​മ്പോ​ൾ സൂ​ക്ഷി​ക്ക​ണ​മെ​ന്നും ത​ണു​പ്പ് കി​ട്ടു​ന്ന ഒ​ന്നും വീ​ടി​ന് സ​മീ​പ​ത്ത് കൂ​ട്ടി​വെ​ക്ക​രു​തെ​ന്നും വ​നം​വ​കു​പ്പ് നി​ർ​ദേ​ശം ന​ൽ​കി​യി​ട്ടു​ണ്ട്.