വ്യാജ മാല മോഷണക്കേസില്‍ ദലിത് സ്ത്രീക്ക് മാനസിക പീഡനം; മുന്‍കൂര്‍ ജാമ്യഹരജിയുമായി വീട്ടുടമയും പൊലീസ്​ ഉദ്യാഗസ്ഥരും

തി​രു​വ​ന​ന്ത​പു​രം: നെ​ടു​മ​ങ്ങാ​ട് സ്വ​ദേ​ശി​നി​യാ​യ യു​വ​തി​യെ വ്യാ​ജ​മാ​ല മോ​ഷ​ണ കേ​സി​ന്റെ പേ​രി​ല്‍ പേ​രൂ​ര്‍ക്ക​ട സ്റ്റേ​ഷ​നി​ല്‍ അ​ന​ധി​കൃ​ത ക​സ്റ്റ​ഡി​ല്‍ മാ​ന​സി​ക പീ​ഡ​ന​ത്തി​ന്​ ഇ​ര​യാ​ക്കി​യ കേ​സി​ല്‍ പ്ര​തി​ക​ളാ​യ വീ​ട്ടു​ട​മ​യും മ​ക​ളും ര​ണ്ട് പൊ​ലീ​സ് ഉ​ദ്യോ​ഗ​സ്ഥ​രും മു​ന്‍കൂ​ര്‍ ജാ​മ്യ​ഹ​ര​ജി ന​ല്‍കി. പ​ട്ടി​ക​ജാ​തി - പ​ട്ടി​ക​വ​ര്‍ഗ പ്ര​ത്യേ​ക കോ​ട​തി ജ​ഡ്ജി എ.​ഷാ​ജ​ഹാ​നാ​ണ് കേ​സ് പ​രി​ഗ​ണി​ക്കു​ന്ന​ത്.

പേ​രൂ​ര്‍ക്ക​ട സ്വ​ദേ​ശി​നി​ക​ളാ​യ വീ​ട്ടു​ട​മ ഓ​മ​ന ഡാ​നി​യേ​ല്‍, മ​ക​ള്‍ നി​ഷ, മു​ന്‍ പേ​രൂ​ര്‍ക്ക​ട എ​സ്.​ഐ എ​സ്.​ജെ.​പ്ര​സാ​ദ്, എ.​എ​സ്.​ഐ പ്ര​സ​ന്ന കു​മാ​ര്‍ എ​ന്നി​വ​രാ​ണ് കോ​ട​തി​യി​ല്‍ മു​ന്‍കൂ​ര്‍ ജാ​മ്യ ഹ​ര​ജി ഫ​യ​ല്‍ ചെ​യ്ത​ത്.

ഹ​ര​ജി പ​രി​ഗ​ണി​ച്ച കോ​ട​തി പ​ട്ടി​ക​ജാ​തി-​പ​ട്ടി​ക​വ​ര്‍ഗ പീ​ഡ​ന നി​രോ​ധ​ന നി​യ​മ പ്ര​കാ​രം പ​രാ​തി​ക്കാ​രി​യാ​യ യു​വ​തി​ക്ക് കോ​ട​തി​യി​ല്‍ നേ​രി​ട്ടെ​ത്തി ജാ​മ്യം ന​ല്‍കു​ന്ന കാ​ര്യ​ത്തി​ല്‍ ആ​ക്ഷേ​പം ഉ​ണ്ടെ​ങ്കി​ല്‍ അ​റി​യി​ക്കാ​ന്‍ നോ​ട്ടീ​സ് ന​ല്‍കി. പ​രാ​തി​ക്കാ​രി ജാ​മ്യ ഹ​ര​ജി​യെ എ​തി​ര്‍ക്കു​ക​യാ​ണെ​ങ്കി​ല്‍ അ​ത് വ്യ​ക്​​ത​മാ​യ കാ​ര​ണ​ത്തോ​ടു കൂ​ടി​യ​താ​ണെ​ന്ന് കോ​ട​തി​ക്ക് ബോ​ധ്യ​മാ​യാ​ല്‍ പ്ര​തി​ക​ള്‍ക​ള്‍ക്ക് മു​ന്‍കൂ​ര്‍ ജാ​മ്യം ല​ഭി​ക്കാ​നു​ള​ള സാ​ധ്യ​ത വി​ര​ള​മാ​ണ്.

ഓ​മ​ന ഡാ​നി​യേ​ലി​ന്റെ വീ​ട്ടി​ല്‍ ജോ​ലി​ചെ​യ്തി​രു​ന്ന നെ​ടു​മ​ങ്ങാ​ട് സ്വ​ദേ​ശി​നി​യാ​യ ദ​ലി​ത് യു​വ​തി​യെ വീ​ട്ടി​ലെ മാ​ല കാ​ണാ​നി​ല്ലെ​ന്ന വീ​ട്ടു​ട​മ​യു​ടെ പ​രാ​തി​യി​ല്‍ ക​ഴി​ഞ്ഞ ഏ​പ്രി​ല്‍ 23 നാ​ണ് പേ​രൂ​ര്‍ക്ക​ട പൊ​ലീ​സ് അ​റ​സ്റ്റ് ചെ​യ്ത​ത്. പി​റ്റേ ദി​വ​സം പ​ക​ല്‍ 12 വ​രെ അ​ന്യാ​യ ക​സ്റ്റ​ഡി​യി​ല്‍ സൂ​ക്ഷി​ച്ച ദ​ലി​ത് യു​വ​തി​യെ പൊ​ലീ​സ് ഉ​ദ്യോ​ഗ​സ്ഥ​രാ​യ പ്ര​തി​ക​ള്‍ ഭീ​ഷ​ണി​യി​ലൂ​ടെ ക​ടു​ത്ത മാ​ന​സി​ക പീ​ഡ​നം ഏ​ല്‍പ്പി​ച്ചി​രു​ന്നു.

കു​ടി​ക്കാ​ന്‍ വെ​ള​ളം ചോ​ദി​ച്ച യു​വ​തി​യെ ശു​ചി​മു​റി കാ​ണി​ച്ച് കൊ​ടു​ക്കു​ക​യും അ​വി​ടെ നി​ന്ന് വെ​ള​ളം കു​ടി​ക്കാ​ന്‍ നി​ര്‍ദ്ദേ​ശി​ക്കു​ക​യും ചെ​യ്തു എ​ന്നാ​ണ് യു​വ​തി​യു​ടെ പ​രാ​തി. ദ​ലി​ത് പീ​ഡ​ന നി​രോ​ധ​ന നി​യ​മ പ്ര​കാ​ര​മാ​ണ് പേ​രൂ​ര്‍ക്ക​ട പൊ​ലീ​സ് പ്ര​തി​ക​ള്‍ക്കെ​തി​രെ കേ​സ് എ​ടു​ത്തി​ട്ടു​ള​ള​ത്.