ക്ഷീരകര്‍ഷക ഇന്‍ഷുറന്‍സ് പദ്ധതി വീണ്ടും നടപ്പാക്കും -മന്ത്രി ജെ. ചിഞ്ചുറാണി

തി​രു​വ​ന​ന്ത​പു​രം: ക്ഷീ​ര​ക​ര്‍ഷ​ക​ര്‍ക്കു​ള്ള സ​മ​ഗ്ര ഇ​ന്‍ഷു​റ​ന്‍സ് പ​ദ്ധ​തി​യാ​യ ‘ക്ഷീ​ര​സാ​ന്ത്വ​നം’ വീ​ണ്ടും ന​ട​പ്പാ​ക്കു​മെ​ന്ന് മ​ന്ത്രി ജെ. ​ചി​ഞ്ചു​റാ​ണി പ​റ​ഞ്ഞു. പ​ദ്ധ​തി​ക്ക്​ സം​സ്ഥാ​ന സ​ര്‍ക്കാ​ര്‍ ഉ​ട​ന്‍ അം​ഗീ​കാ​രം ന​ല്‍കു​മെ​ന്ന് പ്ര​തീ​ക്ഷി​ക്കു​ന്ന​താ​യും മ​ന്ത്രി പ​റ​ഞ്ഞു. മി​ല്‍മ തി​രു​വ​ന​ന്ത​പു​രം മേ​ഖ​ല സ​ഹ​ക​ര​ണ ക്ഷീ​രോ​ല്‍പ്പാ​ദ​ക യൂ​ണി​യ​ന്‍റെ (ടി.​ആ​ർ.​സി.​എം.​പി.​യു) ഔ​ദ്യോ​ഗി​ക വെ​ബ്സൈ​റ്റും ഇ-​കൊ​മേ​ഴ്സ് പോ​ര്‍ട്ട​ലും പ​ട്ടം ക്ഷീ​ര​ഭ​വ​നി​ല്‍ ഉ​ദ്ഘാ​ട​നം ചെ​യ്യു​ക​യാ​യി​രു​ന്നു മ​ന്ത്രി.

അ​ടു​ത്തി​ടെ നി​ര്‍ത്ത​ലാ​ക്കി​യ ക്ഷീ​ര​സാ​ന്ത്വ​നം പ​ദ്ധ​തി​യി​ലൂ​ടെ ക​ന്നു​കാ​ലി​ക​ള്‍ക്കു പു​റ​മെ ക്ഷീ​ര​ക​ര്‍ഷ​ക​ര്‍ക്കും അ​വ​രു​ടെ കു​ടും​ബ​ങ്ങ​ള്‍ക്കും ആ​രോ​ഗ്യ- അ​പ​ക​ട-​ലൈ​ഫ് ഇ​ന്‍ഷു​റ​ന്‍സ് ന​ൽ​കാ​ന്‍ സാ​ധി​ച്ച​ത് ക്ഷീ​ര​ക​ര്‍ഷ​ക​ര്‍ക്ക് ഗു​ണ​ക​ര​മാ​യി​രു​ന്നെ​ന്നും മ​ന്ത്രി കൂ​ട്ടി​ച്ചേ​ര്‍ത്തു. മി​ല്‍മ ഉ​ത്പ​ന്ന​ങ്ങ​ളു​ടെ വി​പ​ണ​ന​രം​ഗ​ത്ത് ഇ-​കൊ​മേ​ഴ്സ് പോ​ര്‍ട്ട​ല്‍ മു​ത​ല്‍ക്കൂ​ട്ടാ​കും. www.milmatrcmpu.com വെ​ബ്സൈ​റ്റി​ലൂ​ടെ ഉ​പ​ഭോ​ക്താ​ക്ക​ള്‍ക്ക് ലോ​ക​ത്തെ​വി​ടെ നി​ന്നും മി​ല്‍മ​യു​ടെ ഉ​ല്‍പ്പ​ന്ന​ങ്ങ​ള്‍ ഓ​ര്‍ഡ​ര്‍ ചെ​യ്യാ​നാ​കു​മെ​ന്നും മ​ന്ത്രി പ​റ​ഞ്ഞു.

നാ​ല് ജി​ല്ല​ക​ളി​ലെ ക്ഷീ​ര സ​ഹ​ക​ര​ണ സം​ഘ​ങ്ങ​ളി​ല്‍ നി​ന്ന് 2022-23 വ​ര്‍ഷ​ത്തി​ല്‍ വി​ര​മി​ച്ച 36 സെ​ക്ര​ട്ട​റി​മാ​രെ​യും മ​ന്ത്രി ആ​ദ​രി​ച്ചു. ​അ​ഡ്മി​നി​സ്ട്രേ​റ്റീ​വ് ക​മ്മി​റ്റി ക​ണ്‍വീ​ന​ര്‍ എ​ന്‍. ഭാ​സു​രം​ഗ​ന്‍, വി ​എ​സ്. പ​ത്മ​കു​മാ​ര്‍, കെ ​ആ​ര്‍. മോ​ഹ​ന​ന്‍ പി​ള്ള, ആ​സി​ഫ് കെ. ​യൂ​സ​ഫ് എ​ന്നി​വ​രും സ​ന്നി​ഹി​ത​രാ​യി.