Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightTrivandrumchevron_rightകോർപറേഷൻ നികുതി...

കോർപറേഷൻ നികുതി വെട്ടിപ്പ്​: ശ്രീകാര്യം സോണൽ ഓഫിസ്​ ജീവനക്കാരൻ അറസ്​റ്റിൽ

text_fields
bookmark_border
കോർപറേഷൻ നികുതി വെട്ടിപ്പ്​: ശ്രീകാര്യം സോണൽ ഓഫിസ്​ ജീവനക്കാരൻ അറസ്​റ്റിൽ
cancel
camera_alt

ബി​ജു​


ക​ഴ​ക്കൂ​ട്ടം: തി​രു​വ​ന​ന്ത​പു​രം കോ​ർ​പ​റേ​ഷ​നി​ലെ നി​കു​തി വെ​ട്ടി​പ്പു​മാ​യി ബ​ന്ധ​പ്പെ​ട്ട കേ​സി​ൽ ജീ​വ​ന​ക്കാ​ർ​ക്കെ​തി​രെ അ​ധി​കൃ​ത​ർ ന​ട​പ​ടി തു​ട​ങ്ങി. സം​ഭ​വ​ത്തി​ൽ ഉ​ൾ​പ്പെ​ട്ട ന​ഗ​ര​സ​ഭ ശ്രീ​കാ​ര്യം സോ​ണ​ൽ ഓ​ഫി​സി​ലെ ജീ​വ​ന​ക്കാ​ര​ൻ ബി​ജു​വി​നെ (42) ശ്രീ​കാ​ര്യം പൊ​ലീ​സ് അ​റ​സ്​​റ്റ് ​ചെ​യ്തു.

ഒ​ളി​വി​ലാ​യി​രു​ന്ന ഇ​യാ​ളെ ക​ല്ല​റ​യി​ൽ നി​ന്നാ​ണ് ബു​ധ​നാ​ഴ്​​ച രാ​ത്രി പി​ടി​കൂ​ടി​യ​ത്. ഇ​യാ​ൾ 5,12,785 രൂ​പ ത​ട്ടി​പ്പ്​ ന​ട​ത്തി​യെ​ന്നാ​ണ്​ തെ​ളി​ഞ്ഞ​ത്. മു​മ്പും ഇ​യാ​ൾ ക്ര​മ​ക്കേ​ട് ന​ട​ത്തി​യി​ട്ടു​ണ്ട്. കൃ​ത്രി​മ​മാ​യി ഉ​ണ്ടാ​ക്കി​യ ചെ​ല്ലാ​ൻ ര​ജി​സ്​​റ്റ​റി​ൽ ക​ണ്ടെ​ത്തി​യ​തോ​ടെ ബാ​ങ്ക് സ്​​റ്റേ​റ്റ്മെൻറ്​ പ​രി​ശോ​ധി​ച്ചാ​ണ് അ​ന്ന് ത​ട്ടി​പ്പ് ക​ണ്ടെ​ത്തി​യ​ത്. തു​ട​ർ​ന്ന് പ​ണം തി​രി​ച്ച​ട​ച്ചു.

ഇ​പ്പോ​ഴ​ത്തെ ത​ട്ടി​പ്പി​ൽ ഉ​ൾ​പ്പെ​ട്ട സൂ​പ്ര​ണ്ട് അ​ട​ക്കം ഉ​ദ്യോ​ഗ​സ്ഥ​ർ ഒ​ളി​വി​ലാ​ണ്. ശ്രീ​കാ​ര്യം സോ​ണ​ൽ ഓ​ഫി​സി​ലെ കാ​ഷ്യ​റെ​യും പ്ര​തി ചേ​ർ​ത്തി​ട്ടു​ണ്ട്. നി​കു​തി​യാ​യി​ട്ടും അ​ല്ലാ​തെ​യും കി​ട്ടു​ന്ന പ​ണം തൊ​ട്ട​ടു​ത്ത ദി​വ​സം ത​ന്നെ ന​ഗ​ര​സ​ഭാ സെ​ക്ര​ട്ട​റി​യു​ടെ അ​ക്കൗ​ണ്ടി​ൽ നി​ക്ഷേ​പി​ക്ക​ണ​മെ​ന്ന ച​ട്ടം നി​ല​നി​ൽ​ക്കെ​യാ​ണ് യ​ഥാ​സ​മ​യം തു​ക നി​ക്ഷേ​പി​ക്കാ​തെ പ​ണാ​പ​ഹ​ര​ണം ന​ട​ത്തി​യ​ത്. സം​ഭ​വ​ത്തി​ൽ ഏ​ഴ് ജീ​വ​ന​ക്കാ​രെ നേ​ര​ത്തെ കോ​ർ​പ​റേ​ഷ​ൻ സ​സ്പെ​ൻ​ഡ് ചെ​യ്തി​രു​ന്നു. ത​ട്ടി​പ്പി​ൽ കൂ​ടു​ത​ൽ പേ​ർ ഉ​ൾ​പ്പെ​ട്ടി​ട്ടു​ണ്ടോ എ​ന്നും അ​ന്വേ​ഷി​ക്കു​ന്ന​താ​യി ശ്രീ​കാ​ര്യം പൊ​ലീ​സ് പ​റ​ഞ്ഞു.

സോണൽ ഓഫിസിലെ ക്രമക്കേട്: ജീവനക്കാരിയുടെ വീട്ടിൽ പൊലീസ് പരിശോധന നടത്തി

നേ​മം: കോ​ർ​പ​റേ​ഷ​ൻ നേ​മം സോ​ണ​ൽ ഓ​ഫി​സി​ലെ ക്ര​മ​ക്കേ​ടു​മാ​യി ബ​ന്ധ​പ്പെ​ട്ട് പൊ​ലീ​സ് അ​ന്വേ​ഷ​ണം ഊ​ർ​ജി​ത​പ്പെ​ടു​ത്തി. 26 ല​ക്ഷം രൂ​പ​യു​ടെ ക്ര​മ​ക്കേ​ട് ന​ട​ന്നെ​ന്നാ​ണ്​ ക​ണ്ടെ​ത്ത​ൽ. ആ​രോ​പ​ണ വി​ധേ​യ​യാ​യ സോ​ണ​ൽ ഓ​ഫി​സ് ജീ​വ​ന​ക്കാ​രി ഒ​ളി​വി​ലാ​ണ്. ഇ​വ​ർ​ക്ക് സം​ര​ക്ഷ​ണം ന​ൽ​കു​ന്ന റി​ട്ട. പൊ​ലീ​സ് ഉ​ദ്യോ​ഗ​സ്ഥ​നെ ചു​റ്റി​പ്പ​റ്റി​യും അ​ന്വേ​ഷ​ണം പു​രോ​ഗ​മി​ക്കു​ന്നു. ബു​ധ​നാ​ഴ്​​ച ഊ​ക്കോ​ട് ഭാ​ഗ​ത്തു​ള്ള ജീ​വ​ന​ക്കാ​രി​യു​ടെ വീ​ട്ടി​ൽ നേ​മം പൊ​ലീ​സ് പ​രി​ശോ​ധ​ന ന​ട​ത്തി. ജീ​വ​ന​ക്കാ​രി​യെ ചോ​ദ്യം ചെ​യ്താ​ലേ കൂ​ടു​ത​ൽ വി​വ​ര​ങ്ങ​ൾ ല​ഭ്യ​മാ​കൂ​വെ​ന്ന് നേ​മം പൊ​ലീ​സ് പ​റ​ഞ്ഞു.



Show Full Article
TAGS:Corporation tax evasion 
News Summary - Corporation tax evasion
Next Story