ക​മ്യൂ​ണി​റ്റി ഫാ​ര്‍മ​സി​യി​ൽ മഴ​യത്തും വെയിലത്തും ചോർച്ച

മെ​ഡി​ക്ക​ല്‍ കോ​ള​ജ്: മ​രു​ന്ന് വാ​ങ്ങാ​ന്‍ മെ​ഡി​ക്ക​ല്‍ കോ​ള​ജി​ലെ ക​മ്യൂ​ണി​റ്റി ഫാ​ര്‍മ​സി​യി​ലെ​ത്തു​ന്ന​വ​ര്‍ ന​ന​ഞ്ഞ് കു​ളി​ച്ച് പോ​കേ​ണ്ട അ​വ​സ്ഥ. മ​ഴ​യ​ത്തും വെ​യി​ല​ത്തും മ​രു​ന്ന് വാ​ങ്ങാ​ന്‍ ഇ​വി​ടെ എ​ത്തു​ന്ന​വ​ര്‍ക്കാ​ണ് ഈ ​ദു​ര​നു​ഭ​വം.

ഫൈ​ബ​ര്‍ ഷീ​റ്റ് മേ​ഞ്ഞ മേ​ല്‍ക്കൂ​ര ദ്ര​വി​ച്ച് വ​ലി​യ വി​ള്ള​ലു​ക​ള്‍ ഉ​ണ്ടാ​യ​തി​നെ തു​ട​ര്‍ന്ന് മ​ഴ​വെ​ള്ളം രോ​ഗി​ക​ളു​ടെ​യും കൂ​ട്ടി​രി​പ്പു​കാ​രു​ടെ​യും ശ​രീ​ര​ത്തി​ൽ വീ​ഴു​ന്ന​താ​ണ് പ​രാ​തി​ക്കി​ട​യാ​ക്കു​ന്ന​ത്. വെ​യി​ല​ത്തും ഇ​തു​ത​ന്നെ അ​വ​സ്ഥ. ഫാ​ര്‍മ​സി​യോ​ട് ചേ​ര്‍ന്നു​ളള കോ​ണ്‍ക്രീ​റ്റ് കെ​ട്ടി​ട​ത്തി​നു മു​ക​ളി​ല്‍ സ്ഥാ​പി​ച്ച വാ​ട്ട​ര്‍ ടാ​ങ്ക് ചോ​ര്‍ന്നൊ​ലി​ക്കു​ന്ന വെ​ള്ള​മാ​ണ്​ ചോ​ർ​ന്നു​വീ​ണ്​ വേനലിലും ​ഇവിടെ​യെത്തുന്നവ​രെ നനക്കുന്നു. നി​ര​വ​ധി ത​വ​ണ ഫാ​ര്‍മ​സി ജി​വ​ന​ക്കാ​ര്‍ ബ​ന്ധ​പ്പെ​ട്ട അ​ധി​കൃ​ത​ര്‍ക്ക് പ​രാ​തി ന​ല്‍കി​യെ​ങ്കി​ലും യാ​തൊ​രു​വി​ധ ന​ട​പ​ടി​ക​ളും ഉ​ണ്ടാ​യി​ല്ലെ​ന്നാ​ണ്​ ആ​ക്ഷേ​പം. ക​മ്യൂ​ണി​റ്റി ഫാ​ര്‍മ​സി​ക്ക് സ​മീ​പ​മാ​ണ് പേ​വാ​ര്‍ഡ്. അ​തി​നാ​ല്‍ ഈ ​ഫാ​ര്‍മ​സി​യെ പേ​വാ​ര്‍ഡ് ഫാ​ര്‍മ​സി​യെ​ന്നും വി​ളി​ക്കു​ന്നു.

മെ​ഡി​ക്ക​ല്‍ കോ​ള​ജി​ലെ പ​ല ഫാ​ര്‍മ​സി​ക​ളി​ലും ല​ഭി​ക്കാ​ത്ത മ​രു​ന്നി​ന്റെ 80 ശ​ത​മാ​നം മ​രു​ന്നു​ക​ളും സ​ര്‍ജ​റി ഉ​പ​ക​ര​ണ​ങ്ങ​ളും ക​മ്യൂ​ണി​റ്റി ഫാ​ര്‍മ​സി​യി​ല്‍ ല​ഭി​ക്കു​ന്ന​തി​നാ​ല്‍ ഏ​റെ​ക്കു​റെ രോ​ഗി​ക​ളും ആ​ശ്ര​യി​ക്കു​ന്ന​ത് ഇ​വി​ടെ​ത്ത​ന്നെ​യാ​ണ്. പ​ല മ​രു​ന്നു​ക​ള്‍ക്കും 10 മു​ത​ല്‍ 40 ശ​ത​മാ​ന​ത്തോ​ളം ഇ​ള​വും ല​ഭി​ക്കു​ന്നു. ക​മ്യൂ​ണി​റ്റി ഫാ​ര്‍മ​സി​യോ​ട് ചേ​ര്‍ന്നാ​ണ് അ​ഡ്വാ​ന്‍സ്ഡ് ക്ലി​നി​ക്ക​ല്‍ ആ​ന്‍ഡ് റി​സ​ര്‍ച്ച് ല​ബോ​റ​ട്ട​റി പ്ര​വ​ര്‍ത്തി​ക്കു​ന്ന​ത്. ഇ​തി​നെ എ​ച്ച്.​ഡി.​എ​സ് ലാ​ബ് (ഹോ​സ്പി​റ്റ​ല്‍ ഡെ​വ​ല​പ്മെ​ന്റ് സോ​സൈ​റ്റി ലാ​ബ് ) എ​ന്നും അ​റി​യ​പ്പെ​ടു​ന്നു. എ​ച്ച്.​ഡി.​എ​സ് ലാ​ബി​ലെ​ത്തു​ന്ന​വ​ര്‍ക്കും ക​മ്യൂ​ണി​റ്റി ഫാ​ര്‍മ​സി ഏ​റെ ഗു​ണം ചെ​യ്യു​ന്നു. അ​തി​നാ​ല്‍ ഫാ​ര്‍മ​സി​യോ​ട് ചേ​ര്‍ന്ന് സ്ഥാ​പി​ച്ച ഷീ​റ്റ് മേ​ഞ്ഞ മേ​ല്‍ക്കൂ​ര എ​ത്ര​യും വേ​ഗം മാ​റ്റി രോ​ഗി​ക​ള്‍ക്കും കൂ​ട്ടി​രി​പ്പു​കാ​ര്‍ക്കും ഉ​ണ്ടാ​കു​ന്ന ബു​ദ്ധി​മു​ട്ട് പ​രി​ഹ​രി​ക്ക​ണ​മെ​ന്നാ​ണ് പൊ​തു​ജ​ന​ത്തി​ന്‍റെ ആ​വ​ശ്യം.