ചെങ്കടലായി പുത്തരിക്കണ്ടം

തി​രു​വ​ന​ന്ത​പു​രം: വീ​ണ്ടും ഭ​ര​ണ​ത്തി​ലെ​ത്തു​മെ​ന്ന് ഉ​റ​ക്കെ പ്ര​ഖ്യാ​പി​ച്ചു​കൊ​ണ്ട് വി​ജ​യ​പ്ര​തീ​ക്ഷ​യു​ടെ കാ​ഹ​ളം മു​ഴ​ക്കി​യാ​ണ് എ​ൽ.​ഡി.​എ​ഫിെൻറ വി​ക​സ​ന മു​ന്നേ​റ്റ ജാ​ഥ വെ​ള്ളി​യാ​ഴ്​​ച പു​ത്ത​രി​ക്ക​ണ്ടം മൈ​താ​നി​യി​ൽ സ​മാ​പി​ച്ച​ത്.

വി​ഴി​ഞ്ഞ​ത്തു​ന​ട​ന്ന സ്വീ​ക​ര​ണ​ത്തി​ന് ശേ​ഷം ഡി.​വൈ.​എ​ഫ്.​ഐ-​എ.​ഐ.​വൈ.​എ​ഫ് പ്ര​വ​ർ​ത്ത​ക​ർ ന​യി​ച്ച ഇ​രു​ച​ക്ര വാ​ഹ​ന​ങ്ങ​ളു​ടെ അ​ക​മ്പ​ടി​യോ​ടെ​യാ​ണ് ബി​നോ​യ് വി​ശ്വം ന​യി​ച്ച ജാ​ഥ ന​ഗ​ര​ത്തി​ൽ പ്ര​വേ​ശി​ച്ച​ത്. തു​ട​ർ​ന്ന് എം.​എം.​വി സ്‌​കൂ​ളി​ന് സ​മീ​പം കാ​ത്തു​നി​ന്ന നൂ​റു​ക​ണ​ക്കി​ന് പ്ര​വ​ർ​ത്ത​ക​ർ ജാ​ഥാ​ക്യാ​പ്റ്റ​ൻ ബി​നോ​യ് വി​ശ്വ​ത്തെ​യും ജാ​ഥാം​ഗ​ങ്ങ​ളെ​യും തു​റ​ന്ന ജീ​പ്പി​ലേ​ക്ക് ആ​ന​യി​ച്ചു.

ഏ​റ്റ​വും മു​ന്നി​ലെ അ​നൗ​ൺ​സ്‌​മെൻറ്​ വാ​ഹ​ന​ത്തി​ന് പി​ന്നി​ലാ​യി നൂ​റു​ക​ണ​ക്കി​ന് ഇ​രു​ച​ക്ര​വാ​ഹ​ന​ങ്ങ​ളി​ൽ യു​വ​ജ​ന സം​ഘ​ട​നാ​പ്ര​വ​ർ​ത്ത​ക​രും പി​ന്നി​ൽ സി.​പി.​എം ജി​ല്ല ക​മ്മി​റ്റി​യു​ടെ നേ​തൃ​ത്വ​ത്തി​ൽ ബാ​ൻ​ഡ് മേ​ള​വു​മാ​യി റെ​ഡ് വ​ള​ൻ​റി​യ​ർ​മാ​രും തൊ​ട്ടു​പി​റ​കി​ലാ​യി കേ​ര​ളീ​യ വേ​ഷ​ത്തി​ൽ മു​ത്തു​ക്കു​ട അ​ണി​ഞ്ഞ വ​നി​താ പ്ര​വ​ർ​ത്ത​ക​രും അ​ണി​നി​ര​ന്നു.

ആ​വേ​ശ​മു​യ​ർ​ത്തു​ന്ന ശി​ങ്കാ​രി​മേ​ള​ത്തി​ന് പി​റ​കി​ലാ​യാ​ണ് തു​റ​ന്ന ജീ​പ്പി​ൽ ജാ​ഥാ​ക്യാ​പ്റ്റ​ൻ ബി​നോ​യ് വി​ശ്വം സ​ഞ്ച​രി​ച്ച​ത്. പി​റ​കി​ലാ​യി ന​ദി ഒ​ഴു​കു​ന്ന​തു​പോ​ലെ ചു​വ​ന്ന തൊ​പ്പി ധ​രി​ച്ച നൂ​റു​ക​ണ​ക്കി​ന് പ്ര​വ​ർ​ത്ത​ക​ർ. കൈ​ക​ളി​ൽ ചു​വ​ന്ന ബ​ലൂ​ണും പാ​ർ​ട്ടി പ​താ​ക​ക​ളും ബാ​ന​റും. മു​ഖ്യ​മ​ന്ത്രി പി​ണ​റാ​യി വി​ജ​യ‍െൻറ​യും ജാ​ഥാ​ക്യാ​പ്റ്റ​ൻ ബി​നോ​യ് വി​ശ്വ​ത്തി​െൻറ​യും ചി​ത്ര​ങ്ങ​ള​ട​ങ്ങി​യ പ്ല​ക്കാ​ർ​ഡു​ക​ളേ​ന്തി​യാ​ണ് പ്ര​വ​ർ​ത്ത​ക​ർ സ്വീ​ക​ര​ണ ജാ​ഥ​യി​ൽ പ​ങ്കെ​ടു​ത്ത​ത്.

സ്വീ​ക​ര​ണ ജാ​ഥ ക​ട​ന്നു​വ​ന്ന വ​ഴി​ക​ളി​ൽ വി​വി​ധ തൊ​ഴി​ലാ​ളി സം​ഘ​ട​ന​ക​ളു​ടെ നേ​തൃ​ത്വ​ത്തി​ൽ അ​ഭി​വാ​ദ്യ​മ​ർ​പ്പി​ക്കാ​ൻ നൂ​റു​ക​ണ​ക്കി​ന് പേ​ർ വ​ഴി​യോ​ര​ങ്ങ​ളി​ൽ കാ​ത്തു​നി​ൽ​പ്പു​ണ്ടാ​യി​രു​ന്നു. സ​മ്മേ​ള​ന​വേ​ദി​യി​ലേ​ക്ക് എ​ത്തി​യ മു​ഖ്യ​മ​ന്ത്രി പി​ണ​റാ​യി വി​ജ​യ​നെ വി​ജ​യ​ഭേ​രി​യോ​ടെ​യാ​ണ് പ്ര​വ​ർ​ത്ത​ക​ർ വ​ര​വേ​റ്റ​ത്.

സ​മ്മേ​ള​നം പ​കു​തി പി​ന്നി​ട്ട​പ്പോ​ഴും പ്ര​ക​ട​ന​ങ്ങ​ളു​മാ​യി പ്ര​വ​ർ​ത്ത​ക​ർ മൈ​താ​ന​ത്തേ​ക്ക് എ​ത്തി​ക്കൊ​ണ്ടേ​യി​രു​ന്നു. പ്ര​വ​ർ​ത്ത​ക​രു​ടെ കു​ത്തൊ​ഴു​ക്കി​ൽ ന​ഗ​ര​ത്തി​ലെ ഗ​താ​ഗ​ത സം​വി​ധാ​നം താ​ളം തെ​റ്റി. ഇ​ട​വ​ഴി​ക​ളും ഗ​താ​ഗ​ത​ത്തി​ര​ക്കി​ൽ ശ്വാ​സം മു​ട്ടി.