സിറ്റി ഗ്യാസ്​ പദ്ധതി കൂടുതൽ വാർഡുകളിലേക്ക്​

തി​രു​വ​ന​ന്ത​പു​രം: വി​ല​കു​റ​ച്ച​തി​ന്​ പി​ന്നാ​ലെ സി​റ്റി ഗ്യാ​സ്‌ പ​ദ്ധ​തി ന​ഗ​ര​ത്തി​ൽ കൂ​ടു​ത​ൽ വാ​ർ​ഡു​ക​ളി​ലേ​ക്ക്​ വ്യാ​പി​പ്പി​ക്കും. എ.​ജി ആ​ൻ​ഡ് പി ​പ്ര​ഥം ക​മ്പ​നി നേ​തൃ​ത്വം ന​ൽ​കു​ന്ന സി​റ്റി ഗ്യാ​സ് പ​ദ്ധ​തി 15 വാ​ർ​ഡു​ക​ളി​ലേ​ക്കു​കൂ​ടി വ്യാ​പി​പ്പി​ക്കാ​നാ​ണ്​ തീ​രു​മാ​നം.

ഇ​തു​വ​രെ ജി​ല്ല​യി​ൽ 3800 ഓ​ളം ഉ​പ​ഭോ​ക്താ​ക്ക​ളു​ണ്ട്. ഇ​തി​ൽ വ്യ​വ​സാ​യി​ക ഉ​പ​ഭോ​ക്താ​ക്ക​ളും ഉ​ൾ​പ്പെ​ടു​ന്നു. വ​ള്ള​ക്ക​ട​വ്, വ​ലി​യ​തു​റ, പു​ത്ത​ൻ​പ​ള്ളി, ബീ​മാ​പ​ള്ളി, ബീ​മാ​പ​ള്ളി ഈ​സ്റ്റ്, മാ​ണി​ക്യ​വി​ളാ​കം, പൂ​ന്തു​റ, ക​ട​കം​പ​ള്ളി, ക​രി​ക്ക​കം, അ​ണ​മു​ഖം, ആ​ക്കു​ളം, മെ​ഡി​ക്ക​ൽ കോ​ള​ജ്, ചെ​റു​വ​യ്ക്ക​ൽ, കു​ള​ത്തൂ​ർ, ആ​റ്റി​പ്ര എ​ന്നീ ഭാ​ഗ​ങ്ങ​ളി​ലേ​ക്കു​കൂ​ടി പൈ​പ്പ് വ​ഴി​യു​ള്ള ക​ണ​ക്​​ഷ​നു​ക​ൾ സ്ഥാ​പി​ക്കാ​നാ​ണ് തീ​രു​മാ​നം.

പൈ​പ്പു​ക​ൾ സ്ഥാ​പി​ക്കു​ന്ന ജോ​ലി​ക​ൾ അ​വ​സാ​ന​ഘ​ട്ട​ത്തി​ലാ​ണ്. 12ന് ​വ​ള്ള​ക്ക​ട​വ്, വ​ലി​യ​തു​റ, ബീ​മാ​പ​ള്ളി, ബീ​മാ​പ​ള്ളി ഈ​സ്റ്റ് എ​ന്നി​വി​ട​ങ്ങ​ളി​ലെ പ്ര​ധാ​ന പൈ​പ്പി​ലേ​ക്ക് ഗ്യാ​സ് ക​ട​ത്തി​വി​ടും. ഈ ​വാ​ർ​ഡു​ക​ളി​ലെ നൂ​റോ​ളം വീ​ടു​ക​ളി​ൽ ഗ്യാ​സെ​ത്തും. 25ന് ​ക​ട​കം​പ​ള്ളി, ക​രി​ക്ക​കം, അ​ണ​മു​ഖം എ​ന്നി​വി​ട​ങ്ങ​ളി​ലും ഗ്യാ​സെ​ത്തി​ക്കും. നി​ല​വി​ൽ ര​ജി​സ്റ്റ​ർ ചെ​യ്ത വീ​ടു​ക​ളി​ൽ ഗ്യാ​സെ​ത്തി​ച്ച ശേ​ഷം അ​ടു​ത്ത ര​ജി​സ്ട്രേ​ഷ​ൻ ആ​രം​ഭി​ക്കും. വെ​ട്ടു​കാ​ട്, ശം​ഖും​മു​ഖം, ചാ​ക്ക, പെ​രു​ന്താ​ന്നി, പാ​ൽ​ക്കു​ള​ങ്ങ​ര, മു​ട്ട​ത്ത​റ, ശ്രീ​ക​ണ്ഠേ​ശ്വ​രം, ക​മ​ലേ​ശ്വ​രം, ശ്രീ​വ​രാ​ഹം എ​ന്നി​വി​ട​ങ്ങ​ളി​ലാ​യി 150 കി​ലോ​മീ​റ്റ​ർ ഗാ​ർ​ഹി​ക പി.​എ​ൻ.​ജി പൈ​പ്പ് ലൈ​ൻ സ്ഥാ​പി​ച്ചു​ക​ഴി​ഞ്ഞു. 25 ശ​ത​മാ​നം വ​രെ ലാ​ഭം പി.​എ​ൻ.​ജി​യി​ലേ​ക്ക് മാ​റു​ന്ന ഉ​പ​ഭോ​ക്താ​ക്ക​ൾ​ക്ക് എ​ൽ.​പി.​ജി സി​ലി​ണ്ട​റു​ക​ൾ ഉ​പ​യോ​ഗി​ക്കു​ന്ന​വ​രെ​ക്കാ​ൾ 15 മു​ത​ൽ 25 ശ​ത​മാ​നം വ​രെ സാ​മ്പ​ത്തി​ക ലാ​ഭ​മാ​ണ് ല​ഭി​ക്കു​ന്ന​ത്. ആ​ഗ​സ്റ്റ് 31വ​രെ ഒ​രു യൂ​നി​റ്റ് ഗ്യാ​സി​ന് 56 രൂ​പ​യാ​യി​രു​ന്നു. ഈ ​മാ​സം മു​ത​ൽ യൂ​നി​റ്റി​ന് അ​ഞ്ച് രൂ​പ കു​റ​ച്ച് 51 രൂ​പ​യാ​ക്കി.

എ​ൽ.​പി.​ജി സി​ലി​ണ്ട​റു​ക​ളു​ടെ ബു​ക്കി​ങ്, സം​ഭ​ര​ണം എ​ന്നീ പ്ര​ശ്ന​ങ്ങ​ൾ പ​രി​ഹ​രി​ക്കാ​നും ഇ​ന്ധ​നോ​പ​യോ​ഗം ചു​രു​ക്കാ​നും പി.​എ​ൻ.​ജി ക​സ്റ്റ​മ​ർ റി​ലേ​ഷ​ൻ സൗ​ക​ര്യം ഒ​രു​ക്കാ​നും തീ​രു​മാ​നി​ച്ചി​ട്ടു​ണ്ട്. ഇ​തി​ലേ​ക്ക്​ ര​ജി​സ്റ്റ​ർ ചെ​യ്യാ​ൻ വീ​ട് കോ​ർ​പ​റേ​ഷ​നു​മാ​യി ര​ജി​സ്റ്റ​ർ ചെ​യ്ത ന​മ്പ​ർ, ആ​ധാ​ർ കാ​ർ​ഡ് എ​ന്നി​വ​യാ​ണ് വേ​ണ്ട രേ​ഖ​ക​ൾ.

ആ​ദ്യ​മാ​യി ക​ണ​ക്​​ഷ​ൻ എ​ടു​ക്കു​ന്ന​വ​ർ 6000 രൂ​പ സെ​ക്യൂ​രി​റ്റി ഡെ​പ്പോ​സി​റ്റ് ന​ൽ​ക​ണം. അ​ടു​ത്ത​ദി​വ​സ​ങ്ങ​ളി​ൽ ഏ​ജ​ൻ​സി വീ​ട്ടി​ലെ​ത്തി പൈ​പ്പും ക​ണ​ക്​​ഷ​നും മീ​റ്റ​റും റെ​ഗു​ലേ​റ്റ​റും സ്ഥാ​പി​ക്കും. ര​ജി​സ്ട്രേ​ഷ​ൻ ക​ഴി​ഞ്ഞ് ഒ​രു​മാ​സ​ത്തി​നു​ശേ​ഷം പാ​ച​ക​വാ​ത​കം ല​ഭ്യ​മാ​യി​ത്തു​ട​ങ്ങും.