തി​രു​വ​ന​ന്ത​പു​രം: മത്സ്യബന്ധന ലൈസൻസ് വൈകുന്നു; മത്സ്യത്തൊഴിലാളികൾ ആശങ്കയിൽ

ചി​റ​യി​ൻ​കീ​ഴ്: അ​ദാ​ല​ത് ക​ഴി​ഞ്ഞ് മാ​സ​ങ്ങ​ൾ ക​ഴി​ഞ്ഞി​ട്ടും മ​ത്സ്യ​ബ​ന്ധ​ന ലൈ​സ​ൻ​സ് അ​നു​വ​ദി​ച്ചു​കി​ട്ടാ​ത്ത​തി​നെ തു​ട​ർ​ന്ന്​ അ​ഞ്ചു​തെ​ങ്ങി​ലേ​ത​ട​ക്ക​മു​ള്ള പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​ക​ൾ ആ​ശ​ങ്ക​യി​ൽ. തി​രു​വ​ന​ന്ത​പു​രം ജി​ല്ല​യി​ലെ മ​ത്സ്യ​ത്തൊ​ഴി​ലാ​ളി​ക​ൾ​ക്ക് യാ​ന​ങ്ങ​ൾ ര​ജി​സ്റ്റ​ർ ചെ​യ്യാ​നും ലൈ​സ​ൻ​സ് എ​ടു​ക്കാ​നും മു​ൻ​കാ​ല​ങ്ങ​ളി​ൽ വി​ഴി​ഞ്ഞം ഫി​ഷ​റീ​സ് സ്റ്റേ​ഷ​ൻ ഓ​ഫി​സി​ൽ പോ​യാ​ൽ മാ​ത്ര​മേ സാ​ധി​ക്കു​മാ​യി​രു​ന്നു​ള്ളൂ.

ഇ​തി​നാ​ക​ട്ടെ ആ​ഴ്ച​യി​ൽ ര​ണ്ട് ദി​വ​സം മാ​ത്ര​മാ​യി​രു​ന്നു അ​വ​സ​രം. മ​ത്സ്യ​ത്തൊ​ഴി​ലാ​ളി​ക​ൾ ത​ങ്ങ​ളു​ടെ ഒ​രു​ദി​വ​സ​ത്തെ ഉ​പ​ജീ​വ​നം ഉ​പേ​ക്ഷി​ച്ച് ഇ​തി​നാ​യി ക​യ​റി​യി​റ​ങ്ങേ​ണ്ടു​ന്ന അ​വ​സ്ഥ​യാ​യി​രു​ന്നു. മ​ത്സ്യ​ത്തൊ​ഴി​ലാ​ളി​ക​ളു​ടെ പ്ര​ധാ​ന ആ​വ​ശ്യ​ങ്ങ​ളി​ലൊ​ന്നാ​യി​രു​ന്നു ഇ​തി​നു​ള്ള സൗ​ക​ര്യം ഫി​ഷ​റീ​സ് ഓ​ഫി​സു​ക​ളി​ൽ ല​ഭ്യ​മാ​ക്ക​ണ​മെ​ന്ന​ത്.

ഇ​തി​ന്റെ അ​ടി​സ്ഥാ​ന​ത്തി​ൽ ഫി​ഷ​റീ​സ് വ​കു​പ്പ് സം​ഘ​ടി​പ്പി​ച്ച തീ​ര​സ​ദ​സ്സി​ൽ വി​ഷ​യം ഉ​ന്ന​യി​ക്ക​പ്പെ​ടു​ക​യും സ​ബ് സെ​ന്റ​ർ എ​ന്ന ആ​വ​ശ്യ​ത്തി​ൽ മ​ത്സ്യ​ത്തൊ​ഴി​ലാ​ളി​ക​ൾ ഉ​റ​ച്ചു​നി​ൽ​ക്കു​ക​യും ചെ​യ്തു. ഇ​തി​നെ​തു​ട​ർ​ന്ന് വി​വി​ധ ഫി​ഷ​റീ​സ് ഓ​ഫി​സു​ക​ളെ ഉ​ൾ​പ്പെ​ടു​ത്തി അ​ദാ​ല​ത് സം​ഘ​ടി​പ്പി​ക്കു​ക​യും ചെ​യ്തു. അ​ദാ​ല​ത്തി​ൽ പ​ങ്കെ​ടു​ത്ത​വ​ർ​ക്കു​ള്ള ലൈ​സ​ൻ​സു​ക​ൾ മൂ​ന്ന് ദി​വ​സ​ത്തി​നു​ള്ളി​ൽ ന​ൽ​കു​മെ​ന്നാ​യി​രു​ന്നു അ​ന്ന് അ​ധി​കൃ​ത​ർ അ​റി​യി​ച്ചി​രു​ന്ന​ത്. എ​ന്നാ​ൽ ആ​ഴ്ച​ക​ൾ ക​ഴി​ഞ്ഞി​ട്ടും ന​ട​പ​ടി​യി​ല്ല.