പേ വിഷബാധ: ഭീതിയിൽ അഞ്ചുതെങ്ങ് തീരം

ചി​റ​യി​ൻ​കീ​ഴ്: പേ ​വി​ഷ​ബാ​ധ സ്ഥി​രീ​ക​രി​ച്ച സാ​ഹ​ച​ര്യ​ത്തി​ൽ അ​ഞ്ചു​തെ​ങ്ങ്​ പ​ഞ്ചാ​യ​ത്ത് പ്ര​ദേ​ശ​ത്ത് മൃ​ഗ​സം​ര​ക്ഷ​ണ വ​കു​പ്പി​ന്റെ​യും ഗ്രാ​മ​പ​ഞ്ചാ​യ​ത്തി​ന്‍റെ​യും നേ​തൃ​ത്വ​ത്തി​ൽ പ്ര​തി​രോ​ധ ന​ട​പ​ടി തു​ട​ങ്ങി. ക​ഴി​ഞ്ഞ​യാ​ഴ്ച നാ​ലു വ​യ​സ്സു​കാ​രി​യെ ക​ടി​ച്ച നാ​യ്​​ക്ക് പേ​വി​ഷ​ബാ​ധ സ്ഥി​രീ​ക​രി​ച്ച​തും നേ​ര​ത്തേ തെ​രു​വ് നാ​യി​ൽ​നി​ന്ന്​ പോ​റ​ലേ​റ്റ യു​വ​തി പേ ​വി​ഷ​ബാ​ധ​യേ​റ്റ്​ മ​രി​ച്ച​തും പ്ര​ദേ​ശ​ത്ത് ആ​ശ​ങ്ക സൃ​ഷ്ടി​ച്ചി​ട്ടു​ണ്ട്. തു​ട​ർ​ന്നാ​ണ് സ​ർ​ക്കാ​റും ഗ്രാ​മ​പ​ഞ്ചാ​യ​ത്തും പ്ര​തി​രോ​ധ ന​ട​പ​ടി ആ​രം​ഭി​ച്ച​ത്. അ​ഞ്ചു​തെ​ങ്ങ് വെ​റ്റ​റി​ന​റി സ​ർ​ജ​ന്റെ നേ​തൃ​ത്വ​ത്തി​ലാ​ണ് പ്ര​തി​രോ​ധ ന​ട​പ​ടി​ക​ൾ പു​രോ​ഗ​മി​ക്കു​ന്ന​ത്.

യു​വ​തി പേ ​വി​ഷ​ബാ​ധ​യേ​റ്റ്​ മ​രി​ച്ച്​ മൂ​ന്നാ​ഴ്ച ക​ഴി​ഞ്ഞ​പ്പോ​ഴാ​ണ് നാ​ല് വ​യ​സ്സു​കാ​രി​ക്ക് നേ​രെ തെ​രു​വു​നാ​യ്​ ആ​ക്ര​മ​ണ​മു​ണ്ടാ​യ​ത്. പ​ഞ്ചാ​യ​ത്ത് പ്ര​ദേ​ശ​ത്ത് പേ ​വി​ഷ​ബാ​ധ സ​ജീ​വ​മാ​യി നി​ല​നി​ൽ​ക്കു​ന്നു എ​ന്ന സൂ​ച​ന​യാ​ണ് ഇ​ത് ന​ൽ​കു​ന്ന​ത്. കൂ​ടു​ത​ൽ തെ​രു​വ് നാ​യ്ക്ക​ൾ പേ​വി​ഷ വാ​ഹ​ക​രാ​ണെ​ന്നാ​ണ് നി​ഗ​മ​നം. തീ​ര​ത്ത് വ​ലി​യ​തോ​തി​ൽ തെ​രു​വ് നാ​യ്​ ശ​ല്യ​മു​ണ്ട്. വ​ള​ർ​ത്തു​മൃ​ഗ​ങ്ങ​ളി​ലേ​ക്കും ഇ​ത് പ​ക​രാ​ൻ സാ​ധ്യ​ത​യു​ണ്ട്. ഇ​തി​നാ​ലാ​ണ് മൃ​ഗ​സം​ര​ക്ഷ​ണ വ​കു​പ്പ്​​ സ​ജീ​വ​മാ​യി രം​ഗ​ത്തെ​ത്തി​യ​ത്.

പെ​ൺ​കു​ട്ടി​യെ ക​ടി​ച്ച തെ​രു​വു​നാ​യ്​ ച​ത്ത വി​വ​രം അ​റി​ഞ്ഞ​യു​ട​നെ വെ​റ്റ​റി​ന​റി സ​ർ​ജ​ൻ ഡോ. ​ജ​സ്ന സ്ഥ​ല​ത്തെ​ത്തി​യി​രു​ന്നു. വാ​ർ​ഡ് മെം​ബ​റു​ടെ സാ​ന്നി​ധ്യ​ത്തി​ൽ നാ​യു​ടെ ജ​ഡം പു​റ​ത്തെ​ടു​ത്ത്​ പോ​സ്റ്റ്മോ​ർ​ട്ടം ന​ട​പ​ടി​ക​ൾ​ക്കാ​യി പാ​ലോ​ട് സ്റ്റേ​റ്റ് ഇ​ൻ​സ്റ്റി​റ്റ്യൂ​ട്ട് ഓ​ഫ് അ​നി​മ​ൽ ഡി​സീ​സ​സി​ലേ​ക്ക്​ അ​യ​ച്ചു. പ്രാ​ഥ​മി​ക പ​രി​ശോ​ധ​ന​യി​ൽ നാ​യ്​​ക്ക് പേ​വി​ഷ​ബാ​ധ സ്ഥി​രീ​ക​രി​ച്ചി​രു​ന്നു. അ​ന്നു​ത​ന്നെ പ​ഞ്ചാ​യ​ത്ത് പ്ര​സി​ഡ​ന്റ്‌ വി. ​ലൈ​ജു​വി​ന്റെ നേ​തൃ​ത്വ​ത്തി​ൽ പ്ര​തി​രോ​ധ പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ചു. പ്ര​ദേ​ശ​ത്തെ വ​ള​ർ​ത്തു​മൃ​ഗ​ങ്ങ​ൾ​ക്ക് പേ ​വി​ഷ​ബാ​ധ പ്ര​തി​രോ​ധ കു​ത്തി​വെ​പ്പ് ന​ൽ​കി. ജി​ല്ല മൃ​ഗ​സം​ര​ക്ഷ​ണ ഓ​ഫി​സ​ർ ഡോ.​പി.​വി. അ​രു​ണോ​ദ​യ സ്ഥ​ലം സ​ന്ദ​ർ​ശി​ച്ചു. വാ​ർ​ഡി​ലെ 56 തെ​രു​വ് നാ​യ്ക്ക​ൾ​ക്ക് പ്ര​തി​രോ​ധ വാ​ക്സി​ൻ ന​ൽ​കി. വ​രും ദി​വ​സ​ങ്ങ​ളി​ലും ഇ​ത്​ തു​ട​രും.