അപകടമൊഴിയാതെ മുതലപ്പൊഴി; ഞായറാഴ്ചയും അപകടം

ചി​റ​യി​ൻ​കീ​ഴ്: മു​ത​ല​പ്പൊ​ഴി​യി​ൽ തു​ട​ർ​ച്ച​യാ​യ ര​ണ്ടാം ദി​വ​സ​വും ബോ​ട്ട് അ​പ​ക​ട​ത്തി​ൽ​പ്പെ​ട്ടു. ഞാ​യ​റാ​ഴ്ച രാ​വി​ലെ 9.40നാ​ണ് അ​പ​ക​ടം ന​ട​ന്ന​ത്. മ​ത്സ്യ​ബ​ന്ധ​നം ക​ഴി​ഞ്ഞ് ഹാ​ർ​ബ​റി​ന് അ​ക​ത്തേ​ക്ക് പ്ര​വേ​ശി​ക്ക​വേ​യാ​ണ് ലാ​ൽ​സ​ലാം സ​ഖാ​വ് എ​ന്ന വ​ള്ള​ത്തി​ന്റെ കൂ​ട്ടു​വ​ള്ളം ശ​ക്ത​മാ​യ തി​ര​യി​ൽ​പ്പെ​ട്ട് മ​റി​ഞ്ഞ​ത്. നാ​ലു പേ​രാ​ണ് വ​ള്ള​ത്തി​ലു​ണ്ടാ​യി​രു​ന്ന​ത്. പു​തു​ക്കു​റി​ച്ചി അ​ർ​ത്തി​ൽ പു​ര​യി​ട​ത്തി​ൽ ബി​ജു (36) ക​ട​ലി​ൽ വീ​ണു.

ഫി​ഷ​റീ​സ് വ​കു​പ്പി​ന്റെ വ​ള്ള​വും ലൈ​ഫ് ഗാ​ർ​ഡു​ക​ളും സ്ഥ​ല​ത്തെ​ത്തി ബി​ജു​വി​നെ ഹാ​ർ​ബ​റി​ൽ എ​ത്തി​ച്ചു. ലൈ​ഫ് ഗാ​ർ​ഡു​ക​ളാ​യ രാ​ജു, ജോ​സ്, ത​ങ്ക​രാ​ജ്, വ​ള്ളം ഓ​ടി​ച്ചി​രു​ന്ന സ​ഫീ​ർ, ഷെ​ഹീ​ർ എ​ന്നി​വ​ർ ര​ക്ഷാ​പ്ര​വ​ർ​ത്ത​ന സം​ഘ​ത്തി​ൽ ഉ​ണ്ടാ​യി​രു​ന്നു. ര​ണ്ടു​ മാ​സ​ത്തി​നു​ള്ളി​ലെ 13ാമ​ത്തെ അ​പ​ക​ട​മാ​ണി​ത്.

ശ​നി​യാ​ഴ്ച​യും മു​ത​ല​പ്പൊ​ഴി​യി​ൽ മ​ത്സ്യ​ബ​ന്ധ​ന വ​ള്ളം അ​പ​ക​ട​ത്തി​ൽ​പെ​ട്ടി​രു​ന്നു. ശ​ക്ത​മാ​യ തി​ര​യി​ൽ​പെ​ട്ട് നി​യ​ന്ത്ര​ണം ന​ഷ്ട​പ്പെ​ട്ട് വ​ള്ളം പു​ലി​മു​ട്ടി​ലേ​ക്ക് ഇ​ടി​ച്ചു​ക​യ​റി​യാ​ണ് അ​പ​ക​ട​മു​ണ്ടാ​യ​ത്. പു​തു​ക്കു​റി​ച്ചി സ്വ​ദേ​ശി അ​നി​ലി​ന്‍റെ ന​ജാ​ത്ത് എ​ന്ന വ​ള്ള​മാ​ണ് അ​പ​ക​ട​ത്തി​ൽ​പെ​ട്ട​ത്.