കോസ്റ്റൽ പൊലീസിന്റെ രക്ഷാബോട്ട് വീണ്ടും കട്ടപ്പുറത്ത്

ചി​റ​യി​ൻ​കീ​ഴ്: തീ​ര സം​ര​ക്ഷ​ണ​ത്തി​നു​ള്ള അ​ഞ്ചു​തെ​ങ്ങ് കോ​സ്റ്റ​ൽ പൊ​ലീ​സി​ന്റെ ര​ക്ഷാ​ബോ​ട്ട് വീ​ണ്ടും പ്ര​വ​ർ​ത്ത​ന​ര​ഹി​തം. ഇ​തോ​ടെ, മു​ത​ല​പ്പൊ​ഴി ഉ​ൾ​പ്പെ​ടെ​യു​ള്ള തീ​ര​പ്ര​ദേ​ശ​ങ്ങ​ളി​ലെ ര​ക്ഷാ​പ്ര​വ​ർ​ത്ത​ന​ങ്ങ​ൾ​ക്ക് കോ​സ്റ്റ​ൽ പൊ​ലീ​സി​ന് വീ​ണ്ടും മ​ത്സ്യ​ത്തൊ​ഴി​ലാ​ളി​ക​ളു​ടെ സേ​വ​നം ആ​ശ്ര​യി​ക്കേ​ണ്ട അ​വ​സ്ഥ​യാ​ണ്. നി​ല​വി​ൽ എ​ൻ​ജി​ൻ സം​ബ​ന്ധ​മാ​യ ത​ക​രാ​റു​ക​ളാ​ണ് ബോ​ട്ട് വീ​ണ്ടും പ്ര​വ​ർ​ത്ത​ന​ര​ഹി​ത​മാ​കാ​ൻ കാ​ര​ണം.

കൃ​ത്യ​മാ​യി എ​ൻ​ജി​ൻ ഓ​യി​ൽ മാ​റ്റാ​ത്ത​താ​ണ് നി​ല​വി​ലെ അ​വ​സ്ഥ സൃ​ഷ്ടി​ച്ച​ത്. ആ​റു​മാ​സ​മോ അ​ല്ലെ​ങ്കി​ൽ 250 മ​ണി​ക്കൂ​റോ സ​ർ​വി​സ് ന​ട​ത്തി​യാ​ൽ എ​ൻ​ജി​ൻ ഓ​യി​ൽ മാ​റ്റ​ണ​മെ​ന്നാ​ണ് വ്യ​വ​സ്ഥ. കാ​ലാ​വ​ധി ക​ഴി​യാ​റാ​യ​പ്പോ​ൾ ത​ന്നെ എ​ൻ​ജി​ൻ ഓ​യി​ൽ മാ​റ്റ​ണ​മെ​ന്നു​ള്ള വി​വ​രം കോ​സ്റ്റ​ൽ ഡി​പ്പാ​ർ​ട്ട്മെ​ന്റി​ൽ അ​ഞ്ചു​തെ​ങ്ങ് കോ​സ്റ്റ​ൽ പൊ​ലീ​സ് അ​റി​യി​ച്ചി​രു​ന്ന​താ​യും പ​റ​യ​പ്പെ​ടു​ന്നു. എ​ന്നാ​ൽ, കോ​സ്റ്റ​ൽ ഡി​പ്പാ​ർ​ട്​​​മെ​ന്റ് ഇ​തി​നാ​യു​ള്ള ക​രാ​റു​ക​ൾ ന​ൽ​കി​യി​ട്ടു​ള്ള​ത് കൊ​ച്ചി​ൻ ഷി​പ്​​യാ​ർ​ഡി​നാ​ണ്.

കോ​സ്റ്റ​ൽ പൊ​ലീ​സി​ന്റെ സം​സ്ഥാ​ന​ത്തെ എ​ല്ലാ റെ​സ്ക്യൂ ബോ​ട്ടു​ക​ൾ​ക്കും കൃ​ത്യ​മാ​യ ഇ​ട​വേ​ള​ക​ളി​ൽ എ​ൻ​ജി​ൻ ഓ​യി​ൽ ഉ​ൾ​പ്പെ​ടെ​യു​ള്ള​വ മാ​റ്റി അ​റ്റ​കു​റ്റ​പ്പ​ണി തീ​ർ​ക്കു​ന്ന​തി​നാ​യി ക​രാ​ർ ന​ൽ​കി​യി​ട്ടു​ണ്ട്. നി​ല​വി​ൽ ഇ​തി​ന്റെ കാ​ലാ​വ​ധി ക​ഴി​ഞ്ഞ​താ​ണ് ഇ​പ്പോ​ഴ​ത്തെ പ്ര​തി​സ​ന്ധി​ക്ക്​ കാ​ര​ണ​മെ​ന്നാ​ണ് റി​പ്പോ​ർ​ട്ട്‌.

ഇ​നി, പു​തി​യ ക​രാ​ർ ന​ൽ​കി​യാ​ൽ മാ​ത്ര​മേ, ബോ​ട്ടി​ന് വീ​ണ്ടും സ​ർ​വി​സ് ആ​രം​ഭി​ക്കാ​ൻ സാ​ധി​ക്കു​ക​യു​ള്ളൂ. സ​ർ​ക്കാ​റി​ന്റെ സാ​മ്പ​ത്തി​ക പ്ര​തി​സ​ന്ധി​യാ​ണ് ക​രാ​ർ പു​തു​ക്കു​ന്ന​തി​നു​ള്ള പ്ര​ധാ​ന ത​ട​സ്സ​മെ​ന്നാ​ണ് സൂ​ച​ന. നി​ല​വി​ൽ മ​റൈ​ൻ എ​ൻ​ഫോ​ഴ്സ്മെ​ന്റ് ബോ​ട്ടും ക​ട​ലി​ൽ ഇ​റ​ക്കാ​ൻ സാ​ധി​ക്കാ​ത്ത അ​വ​സ്ഥ​യാ​ണ്.

അ​ഴി​മു​ഖ ചാ​ന​ലി​ൽ മ​ണ​ൽ മൂ​ടി​യ​തോ​ടെ ആ​വ​ശ്യ​ത്തി​ന് ആ​ഴ​മി​ല്ലാ​താ​യ​താ​ണ് വ​ലു​പ്പ കൂ​ടു​ത​ലു​ള്ള മ​റൈ​ൻ എ​ൻ​ഫോ​ഴ്സ്മെ​ന്റ് ബോ​ട്ട് സ​ർ​വി​സി​ന് ത​ട​സ്സ​മാ​യ​ത്. ട്രോ​ളി​ങ് നി​രോ​ധ​ന പ​ശ്ചാ​ത്ത​ല​ത്തി​ൽ മ​റൈ​ൻ എ​ൻ​ഫോ​ഴ്സ്മെ​ന്റ് സേ​വ​നം ശ​ക്ത​മാ​ക്കു​ന്ന​തി​ന്റെ ഭാ​ഗ​മാ​യി പു​തി​യൊ​രു ബോ​ട്ട് കൂ​ടി​യെ​ത്തു​മെ​ന്നും പ​റ​യ​പ്പെ​ടു​ന്നു.

എ​ന്നാ​ൽ, ഈ ​ബോ​ട്ടി​നും നി​ല​വി​ലെ സാ​ഹ​ച​ര്യ​ത്തി​ൽ സ​ർ​വി​സ് ന​ട​ത്താ​ൻ സാ​ധി​ക്കു​മോ​യെ​ന്ന ആ​ശ​ങ്ക​യും നി​ല​നി​ൽ​ക്കു​ന്നു​ണ്ട്. ഇ​തോ​ടെ, മു​ത​ല​പ്പൊ​ഴി​യി​ലെ ര​ക്ഷാ​പ്ര​വ​ർ​ത്ത​ന​ങ്ങ​ൾ താ​ളം​തെ​റ്റി​യ അ​വ​സ്ഥ​യി​ലാ​യി​രി​ക്കു​ക​യാ​ണ്. ഇ​ത് മ​ത്സ്യ​ത്തൊ​ഴി​ലാ​ളി​ക​ളെ ആ​ശ​ങ്ക​യി​ലാ​ഴ്ത്തി​യി​രി​ക്കു​ക​യാ​ണ്.