ബോഗിയിൽ ഉപേക്ഷിച്ചനിലയിൽ കഞ്ചാവ് കണ്ടെത്തി

തിരുവനന്തപുരം: ട്രെയിൻ ബോഗിയിൽ ഉപേക്ഷിച്ചനിലയിൽ കഞ്ചാവ് കണ്ടെത്തി. വെള്ളിയാഴ്ച രാവിലെ 11.30ഓടെ തിരുവനന്തപുരം സെൻട്രൽ സ്റ്റേഷനിലെത്തിയ ചെന്നൈ മെയിലിന്റെ ജനറൽ കമ്പാർട്ടുമെന്റിൽ ഉപേക്ഷിച്ചനിലയിൽ കണ്ടെത്തിയ ബാഗിൽനിന്നാണ് ഏഴുകിലോ കഞ്ചാവ് കണ്ടെത്തിയത്.

കഞ്ചാവ് എക്‌സൈസിന് കൈമാറും. വെള്ളിയാഴ്ച പാലക്കാട് കഞ്ചാവുമായി പിടിയിലായ നെയ്യാറ്റിൻകര സ്വദേശികൾക്ക് കേസുമായി ബന്ധമുണ്ടോയെന്ന് അന്വേഷിക്കുന്നുണ്ടെന്ന് റെയിൽവേ പൊലീസ് പറഞ്ഞു.