മയക്കുമരുന്നുമായി യുവാവ് പിടിയിൽ

ബാലരാമപുരം: മയക്കുമരുന്നുമായി യുവാവ് പിടിയിൽ. വെങ്ങാനൂർ സിസിലിപുരം ജങ്ഷന് സമീപം വിജു സദനത്തിൽ അതീന്ദ്രനെയാണ് (22) ബാലരാമപുരം പൊലീസ് അറസ്റ്റ് ചെയ്തത്. പൊലീസിന്‍റെ 'യോദ്ധാവ്' എന്ന ലഹരി വിരുദ്ധ പരിപാടിയുടെ ഭാഗമായി നടത്തിയ പരിശോധനക്കിടയിലാണ് നിരോധിത മയക്കുമരുന്നായ എം.ഡി.എം.എയുമായി പ്രതി പിടിയിലായത്.

കൂടുതൽ പ്രതികൾ ഉൾപ്പെട്ടിട്ടുണ്ടോ എന്ന് ബാലരാമപുരം പൊലീസ് അന്വേഷിച്ചുവരുന്നു. പ്രതിയെ നെയ്യാറ്റിൻകര കോടതി മുമ്പാകെ ഹാജരാക്കി റിമാൻഡ് ചെയ്തു.