ദേശീയപാതയിൽ ആഴ്ചകളായി ഓട പൊട്ടിയൊഴുകുന്നു; നടപടിയില്ല

ബാ​ല​രാ​മ​പു​രം: ദേ​ശീ​യ​പാ​ത​യി​ൽ കൊ​ടി​ന​ട ജ​ങ്ഷ​നി​ലൂ​ടെ ഓ​ട പൊ​ട്ടി ഒ​ഴു​കി മാ​സ​ങ്ങ​ൾ പി​ന്നി​ടു​മ്പോ​ഴും ന​ട​പ​ടി​യി​ല്ല. കാ​ട്ടാ​ക്ക​ട, കോ​വ​ളം മ​ണ്ഡ​ല​ങ്ങ​ൾ പ​ങ്കി​ടു​ന്ന അ​തി​ർ​ത്തി​പ്ര​ദേ​ശ​മാ​യ​തി​നാ​ലാ​ണ് അ​രും തി​രി​ഞ്ഞു​നോ​ക്കാ​ത്ത​തെ​ന്ന് നാ​ട്ടു​കാ​ർ പ​റ​യു​ന്നു.

നി​ര​വ​ധി വീ​ടു​ക​ളും മൂ​ന്നി​ലെ​റെ സ്വ​കാ​ര്യ ആ​ശു​പ​ത്രി​ക​ളും സ്ഥി​തി ചെ​യ്യു​ന്ന കൊ​ടി​ന​ട-​വ​ട​ക്കേ​വി​ള റോ​ഡി​ലാ​ണ് ഈ ​ദു​രി​തം. രോ​ഗി​ക​ളും കൂ​ട്ടി​രി​പ്പു​കാ​രും മ​രു​ന്നും ആ​ഹാ​ര​വും വാ​ങ്ങാ​ൻ​പോ​കു​ന്ന​ത്​ മ​ലി​ന​ജ​ല​ത്തി​ൽ ച​വി​ട്ടി​യാ​ണ്. ട്ര​ക്ക​ർ സ്റ്റാ​ൻ​ഡി​ലെ​ത്തു​ന്ന യാ​ത്ര​ക്കാ​ർ​ക്കും ബു​ദ്ധി​മു​ട്ടു​ക​യാ​ണ്.

പ​ള്ളി​ച്ച​ൽ-​ബാ​ല​രാ​മ​പു​രം പ​ഞ്ചാ​യ​ത്തു​ക​ളു​ടെ അ​തി​ർ​ത്തി​പ്ര​ദേ​ശ​മാ​ണി​വി​ടം. നാ​ട്ടു​കാ​രു​ടെ പ​രാ​തി ഗൗ​നി​ക്കാ​റേ​യി​ല്ല. മാ​സ​ങ്ങ​ൾ​ക്കു​മു​മ്പും പി.​ഡ​ബ്ല്യു.​ഡി​യു​ടെ അ​ധീ​ന​ത​യി​ലു​ള്ള​ ഓ​ട​പൊ​ട്ടി മ​ലി​ന​ജ​ലം ഒ​ഴു​കി​യ​പ്പോ​ൾ പി.​ഡ​ബ്ല്യു.​ഡി​യെ സ​മീ​പി​ച്ച്​ ഫ​ല​മി​ല്ലാ​താ​യ​തോ​ടെ പ​ഞ്ചാ​യ​ത്ത് ഇ​ട​പെ​ട്ട് അ​റ്റ​കു​റ്റ​പ്പ​ണി​ ന​ട​ത്തി​യി​രു​ന്നു.

ഓ​ട​ക​ളി​ൽ മാ​ലി​ന്യ​വും മ​ണ്ണും നി​റ​ഞ്ഞാ​ണ്​ മ​ലി​ന​ജ​ലം റോ​ഡി​ലേ​ക്കൊ​ഴു​കു​ന്ന​ത്. രൂ​ക്ഷ​മാ​യ ദു​ർ​ഗ​ന്ധ​ത്തോ​ടൊ​പ്പം പ​ക​ർ​ച്ച​വ്യാ​ധി ഭീ​തി​യി​ലു​മാ​ണ് വ്യാ​പാ​രി​ക​ളും നാ​ട്ടു​കാ​രും. മ​ഴ വ​ന്നാ​ൽ മ​ലി​ന്യം റോ​ഡി​ൽ കെ​ട്ടി​ക്കി​ട​ക്കു​ക​യാ​ണ്.

ഡെ​ങ്കി​പ്പ​നി, എ​ലി​പ്പ​നി, മ​ന്ത് രോ​ഗി​ക​ളും ഏ​റെ​യു​ള്ള പ്ര​ദേ​ശ​മാ​ണെ​ന്ന് ആ​രോ​ഗ്യ​വ​കു​പ്പി​ന്‍റെ ക​ണ​ക്കു​ക​ളു​ള്ള​പ്പോ​ഴും ക​ണ്ടി​ല്ലെ​ന്ന് ന​ടി​ക്കു​ന്ന​താ​യാ​ണ്​ ആ​ക്ഷേ​പം. കൊ​ടി​ന​ട-​വ​ട​ക്കേ​വി​ള റോ​ഡി​ൽ നൂ​റു​ക​ണ​ക്കി​ന് വീ​ടു​ക​ളാ​ണു​ള്ള​ത്. അ​ടി​യ​ന്ത​ര​മാ​യി റോ​ഡി​ലൂ​ടെ​യു​ള്ള മാ​ലി​ന്യ​മൊ​ഴു​ക്ക് ത​ട​യാ​ൻ ന​ട​പ​ടി സ്വീ​ക​രി​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്.