കട്ടച്ചൽകുഴിയിൽ കുട്ടികളെ ഉൾപ്പെടെ ആക്രമിച്ച തെരുവുനായ് ചത്തു

ബാ​ല​രാ​മ​പു​രം: ക​ട്ട​ച്ച​ൽ​കു​ഴി​യി​ൽ കു​ട്ടി​ക​ളെ ഉ​ൾ​പ്പെ​ടെ നാ​ലു​പേ​രെ ആ​ക്ര​മി​ച്ച തെ​രു​വു​നാ​യ് ച​ത്തു. പ്ര​ദേ​ശ​ത്തെ സ്വ​കാ​ര്യ​വ്യ​ക്തി​യു​ടെ പു​ര​യി​ട​ത്തി​ലാ​ണ് ഞാ​യ​റാ​ഴ്ച രാ​വി​ലെ ഒ​മ്പ​തോ​ടെ നാ​യെ ച​ത്ത​നി​ല​യി​ൽ ക​ണ്ട​ത്തി​യ​ത്. നാ​ലു​പേ​രെ​യും ക​ടി​ച്ച​ത് ഈ ​നാ​യ്​ ആ​ണെ​ന്ന് സ്ഥി​രീ​ക​രി​ച്ചി​ട്ടു​ണ്ട്. പേ​വി​ഷ​ബാ​ധ​യു​ണ്ടോ​യെ​ന്ന​റി​യാ​ൻ നായെ പാ​ലോ​ട് വെ​റ്റ​റി​ന​റി ആ​ശു​പ​ത്രി​യി​ലേ​ക്ക് മാ​റ്റി.

അ​തേ​സ​മ​യം, പ്ര​ദേ​ശ​ത്ത് ഞാ​യ​റാ​ഴ്ച​യും വീ​ട്ട​മ്മ​ക്ക് തെ​രു​വു​നാ​യു​ടെ ക​ടി​യേ​റ്റു. ക​ട്ട​ച്ച​ൽ​കു​ഴി കി​ണ​റു​വെ​ടി​വി​ള വീ​ട്ടി​ൽ സു​ലോ​ച​ന​ക്കാ​ണ് (60) നാ​യു​ടെ ആ​ക്ര​മ​ണ​ത്തി​ൽ പ​രി​ക്കേ​റ്റ​ത്.

രാ​വി​ലെ 10ഓ​ടെ ച​ന്ത​യി​ൽ​പോ​യി മ​ട​ങ്ങി​വ​രു​മ്പോ​ൾ റോ​ഡി​ൽ​വെ​ച്ചാ​യി​രു​ന്നു സം​ഭ​വം. ശ​നി​യാ​ഴ്ച​യും സു​ലോ​ച​ന​യെ നാ​യ് ആ​ക്ര​മി​ക്കാ​ൻ ശ്ര​മി​ച്ചി​രു​ന്നെ​ങ്കി​ലും ര​ക്ഷ​പ്പെ​ട്ടി​രു​ന്നു.

വീ​ടി​ന് മു​ന്നി​ൽ ക​ളി​ച്ചു​കൊ​ണ്ടി​രു​ന്ന പി​ഞ്ചു​കു​ഞ്ഞു​ങ്ങ​ളെ​യും വ​യോ​ധി​ക​യെ​യും പ​തി​നാ​റു​കാ​ര​നെ​യു​മാ​ണ് ശ​നി​യാ​ഴ്ച തെ​രു​വു​നാ​യ് ആ​ക്ര​മി​ച്ച​ത്.

അ​ര​ക്കി​ലോ​മീ​റ്റ​ർ വ്യ​ത്യാ​സ​ത്തി​ൽ രാ​വി​ലെ​യും വൈ​കീ​ട്ടു​മാ​യി​രു​ന്നു സം​ഭ​വം. ബാ​ല​രാ​മ​പു​രം മം​ഗ​ല​ത്തു​കോ​ണം വാ​റു​വി​ളാ​ക​ത്ത് വീ​ട്ടി​ൽ ദീ​പു-​വി​ദ്യ ദ​മ്പ​തി​ക​ളു​ടെ മ​ക​ൻ ദ​ക്ഷി​ത് (ര​ണ്ട്), ബാ​ല​രാ​മ​പു​രം ക​ട്ട​ച്ച​ൽ​കു​ഴി പു​ത്ത​ൻ​കാ​ന​ത്ത് വീ​ട്ടി​ൽ മി​ഥു​ന-​മ​നോ​ദ് ദ​മ്പ​തി​ക​ളു​ടെ മ​ക​ൾ അ​ഗ്നി​മി​ത്ര (മൂ​ന്ന്), മു​ത്ത​ശ്ശി ഗീ​ത (55), പു​ത്ത​ൻ​കാ​ന​ത്ത് സു​രേ​ഷി​ന്‍റെ മ​ക​ൻ ധ​നു​ഷ് (16) എ​ന്നി​വ​ർ​ക്കാ​ണ് പ​രി​ക്കേ​റ്റ​ത്.

മു​ഖം ക​ടി​ച്ചു​കീ​റി​യ നി​ല​യി​ൽ അ​ഗ്നി​മി​ത്ര​യെ തി​രു​വ​ന​ന്ത​പു​രം എ​സ്.​എ.​ടി ആ​ശു​പ​ത്രി​യി​ൽ പ്ര​വേ​ശി​പ്പി​ക്കു​ക​യും ഇ​വി​ടെ​നി​ന്ന്​ പ്ലാ​സ്​​റ്റി​ക്​ സ​ർ​ജ​റി​ക്കാ​യി സ്വ​കാ​ര്യ ആ​ശു​പ​ത്രി​യി​ലേ​ക്ക്​ മാ​റ്റു​ക​യും ചെ​യ്തി​രു​ന്നു.

ശ​നി​യാ​ഴ്ച രാ​വി​ലെ 9.30ഓ​ടെ വീ​ടി​ന് മു​ന്നി​ൽ ക​ളി​ക്കു​മ്പോ​ഴാ​ണ്​ ദ​ക്ഷി​തി​നെ തെ​രു​വു​നാ​യ് ക​ടി​ച്ചു​കു​ട​ഞ്ഞ​ത്.

കു​ഞ്ഞി​ന്‍റെ നി​ല​വി​ളി കേ​ട്ടെ​ത്തി​യ മു​ത്ത​ശ്ശി സു​ജാ​ത മ​ൺ​വെ​ട്ടി​യു​ടെ കൈ​കൊ​ണ്ട് നാ​യെ അ​ടി​ച്ചോ​ടി​ച്ചാ​ണ് ര​ക്ഷി​ച്ച​ത്. വ​യ​റി​ലും തോ​ളി​നും ഗു​രു​ത​ര പ​രി​ക്കേ​റ്റ ദ​ക്ഷി​തി​നെ ബാ​ല​രാ​മ​പു​ര​ത്തെ ആ​ശു​പ​ത്രി​യി​ലെ​ത്തി​ച്ച് പ്രാ​ഥ​മി​ക ചി​കി​ത്സ ന​ൽ​കി​ശേ​ഷം തി​രു​വ​ന​ന്ത​പു​രം ജ​ന​റ​ൽ ആ​ശു​പ​ത്രി​യി​ലേ​ക്ക് മാ​റ്റി​യി​രു​ന്നു.

നായുെട പോ​സ്റ്റു​മോ​ർ​ട്ടം

സം​ബ​ന്ധി​ച്ച് ത​ർ​ക്കം,

പ്ര​തി​ഷേ​ധം

നാ​യ് ച​ത്ത​തോ​ടെ ക​ടി​യേ​റ്റ​വ​രു​ടെ​യും നാ​ട്ടു​കാ​രു​ടെ​യും ആ​ശ​ങ്ക വ​ർ​ധി​ച്ചു. ഇ​തോ​ടെ നാ​യു​ടെ പോ​സ്റ്റു​മോ​ർ​ട്ടം ന​ട​ത്ത​ണ​മെ​ന്ന ആ​വ​ശ്യ​വു​മാ​യി നാ​ട്ടു​കാ​ർ രം​ഗ​ത്തെ​ത്തി.

എ​ന്നാ​ൽ, നാ​യെ നാ​ട്ടു​കാ​രു​ടെ ചെ​ല​വി​ൽ പാ​ലോ​ട് വെ​റ്റ​റി​ന​റി ആ​ശു​പ​ത്രി​യി​ലെ​ത്തി​ക്ക​ണ​മെ​ന്ന അ​ഭി​പ്രാ​യ​വു​മാ​യി വെ​റ്റ​റി​ന​റി ഉ​ദ്യോ​ഗ​സ്ഥ​ർ രം​ഗ​ത്തെ​ത്തി​യ​ത് പ്ര​തി​ഷേ​ധ​ത്തി​ന് കാ​ര​ണ​മാ​യി.

പോ​സ്റ്റ്മോ​ർ​ട്ട​ത്തിനായി എത്തിക്കുന്ന ചെ​ല​വ് നാ​യു​ടെ ഉ​ട​മ​സ്ഥ​നെ ക​ണ്ടെ​ത്തി ഈടാക്കണമെന്ന് കാണിച്ച് നോ​ട്ടീ​സും ഉ​ദ്യോ​ഗ​സ്ഥ​ർ ന​ൽ​കി. ഇ​തോ​ടെ പ്ര​തി​ഷേ​ധം ശ​ക്ത​മാ​യി.

തു​ട​ർ​ന്ന് ബാ​ല​രാ​മ​പു​രം പൊ​ലീ​സ്​ സ്റ്റേ​ഷ​നി​ലെ പൊ​ലീ​സ്​ ഉ​ദ്യോ​ഗ​സ്ഥ​രു​ടെ സാ​ന്നി​ധ്യ​ത്തി​ൽ വാ​ർ​ഡ്മെം​ബ​ർ രാ​ജേ​ഷി​ന്‍റെ നേ​തൃ​ത്വ​ത്തി​ൽ ഗു​ഡ്സ്​ ഓ​ട്ടോ​റി​ക്ഷ​യി​ലാ​ണ് നാ​യെ പാ​ലോ​​ട്ടേ​ക്ക് കൊ​ണ്ടു​പോ​യ​ത്. ശേ​ഷ​മാ​ണ് പ്ര​തി​ഷേ​ധ​ത്തി​നും അ​യ​വ് വ​ന്ന​ത്.