കെ.എസ്.ആർ.ടി.സി ബസിനുനേരെ കല്ലേറ്; സ്കൂട്ടർ യാത്രികർ പിടിയിൽ

ബാ​ല​രാ​മ​പു​രം: ബാ​ല​രാ​മ​പു​രം ജ​ങ്​​ഷ​ന് സ​മീ​പം ട്രാ​ഫി​ക് ബ്ലോ​ക്കി​നി​ടെ സ്കൂ​ട്ട​റി​ന് സൈ​ഡ് ന​ൽ​കി​യി​ല്ലെ​ന്നാ​രോ​പി​ച്ച് സ്കൂ​ട്ട​ർ​യാ​ത്രി​ക​രാ​യ യു​വാ​ക്ക​ൾ കെ.​എ​സ്.​ആ​ർ.​ടി.​സി ബ​സി​ന്‍റെ മു​ന്നി​ലെ ഗ്ലാ​സ് എ​റി​ഞ്ഞു​ത​ക​ർ​ത്തു. സം​ഭ​വ​ത്തി​ൽ വ​ഴി​മു​ക്ക് സ്വ​ദേ​ശി​ക​ളാ​യ അ​ഫ്സ​ൻ(20), ര​ഞ്ജി​ത്ത് (20) എ​ന്നി​വ​രെ​യും പ്രാ​യ​പൂ​ർ​ത്തി​യാ​ക്കാ​ത്ത ഒ​രാ​ളെ​യും ബാ​ല​രാ​മ​പു​രം പൊ​ലീ​സ് പി​ടി​കൂ​ടി.

ബു​ധ​നാ​ഴ്ച രാ​ത്രി എ​ട്ടു​മ​ണി​യോ​ടെ​യാ​ണ്​ സം​ഭ​വം. ശാ​ലി​ഗോ​ത്ര തെ​രു​വ്​ ഭാ​ഗ​ത്തു​നി​ന്ന്​ നെ​യ്യാ​റ്റി​ൻ​ക​ര റോ​ഡി​ലേ​ക്ക്​ ബൈ​ക്കി​ൽ വ​ന്ന പ്ര​തി​ക​ൾ​ക്ക് നെ​യ്യാ​റ്റി​ൻ​ക​ര​നി​ന്ന്​ തി​രു​വ​ന​ന്ത​പു​ര​ത്തേ​ക്ക്​ പോ​വു​ക​യാ​യി​രു​ന്ന കെ.​എ​സ്.​ആ​ർ.​ടി.​സി ബ​സ് സൈ​ഡ് ന​ൽ​കി​യി​ല്ലെ​ന്നാ​രോ​പി​ച്ച് ബ​സി​ന് കു​റു​കെ ബൈ​ക്ക് നി​ർ​ത്തി ത​ട​ഞ്ഞു. ബ​സ് ഡ്രൈ​വ​റു​മാ​യി വാ​ക്കു​ത​ർ​ക്ക​ത്തെ തു​ട​ർ​ന്ന് ക​രി​ങ്ക​ല്ലു​കൊ​ണ്ട് ബ​സി​ന്‍റെ മു​ൻ​ഭാ​ഗ​ത്തെ ഗ്ലാ​സ് എ​റി​ഞ്ഞു​ത​ക​ർ​ക്കു​ക​യു​മാ​യി​രു​ന്നു.

ബ​സി​ന്റെ മു​ൻ​വ​ശ​ത്തെ ഗ്ലാ​സ് പൊ​ട്ടി​യ​തി​ലും ട്രി​പ് മു​ട​ങ്ങി​യ​തി​ലും 26,500 രൂ​പ​യു​ടെ ന​ഷ്ടം സം​ഭ​വി​ച്ച​താ​യും കൃ​ത്യ​നി​ർ​വ​ഹ​ണം ത​ട​സ്സ​പ്പെ​ടു​ത്തി​യ​താ​യു​മു​ള്ള ഡ്രൈ​വ​ർ സ​ജി​കു​മാ​റി​ന്‍റെ മൊ​ഴി​യി​ൽ ബാ​ല​രാ​മ​പു​രം പൊ​ലീ​സ് കേ​സെ​ടു​ത്തു. രാ​ത്രി​യോ​ടെ ബാ​ല​രാ​മ​പു​രം എ​സ്.​എ​ച്ച്.​ഒ ധ​ർ​മ​ജി​ത്ത്, എ​സ്.​ഐ ജ്യോ​തി സു​ധാ​ക​ർ, ഗ്രേ​ഡ് എ​സ്.​ഐ സ​തി​കു​മാ​ർ, സി.​പി.​ഒ​മാ​രാ​യ രാ​ജേ​ഷ്, വി​പി​ൻ, അ​നി​ൽ ചി​ക്കു, ജി​തി​ൻ എ​ന്നി​വ​ര​ട​ങ്ങി​യ സം​ഘം ഒ​ന്നും ര​ണ്ടും പ്ര​തി​ക​ളെ അ​റ​സ്റ്റ് ചെ​യ്തു. മൂ​ന്നാം പ്ര​തി പ്രാ​യ​പൂ​ർ​ത്തി​യാ​കാ​ത്ത​തി​നാ​ൽ ജു​വ​നൈ​ൻ കോ​ട​തി​യി​ൽ ഹാ​ജ​രാ​ക്കി.