ക​ല്‍ച്ച​ക്കു​ക​ള്‍ നാ​ശ​ത്തി​ലേ​ക്ക്​; പരമ്പരാഗത തൊഴിലാളികൾ ദുരിതത്തിൽ

ബാ​ല​രാ​മ​പു​രം: രാ​ജ​ഭ​ര​ണ​കാ​ല​ത്തോ​ളം പ​ഴ​ക്ക​മു​ള്ള ബാ​ല​രാ​മ​പു​ര​ത്തെ എ​ണ്ണ വ്യ​വ​സാ​യം ക​ൽ​ച്ച​ക്ക്​ പോ​ലെ തുടങ്ങിയ സ്ഥ​ല​ത്ത്​ വ​ട്ടം​ക​റ​ങ്ങു​ന്നു. പ​ര​മ്പ​രാ​ഗ​ത തൊ​ഴി​ല്‍ മേ​ഖ​ല ഇ​ന്ന് നാ​ശ​ത്തി​ലാ​ണ്. ക​ല്‍ച്ച​ക്കി​ലാ​ട്ടി എ​ണ്ണ​ക്ക​ച്ച​വ​ടം ന​ട​ത്തി​യി​രു​ന്ന തൊ​ഴി​ലാ​ളി​ക​ളും അ​റു​പ​തി​ലേ​റെ ക​ല്‍ച്ച​ക്കു​ക​ളും ഇ​ന്ന്​ അ​നാ​ഥ​മാ​ണ്.

എ​ണ്ണ​യാ​ട്ടു​ന്ന​തി​ന്​ ഒ​രു തെ​രു​വ് സ്ഥാ​പി​ച്ച് രാ​ജാ​വ് ഒ​രു സ​മു​ദാ​യ​ത്തെ പാ​ര്‍പ്പി​ച്ച സ്ഥ​ല​മാ​ണ് ബാ​ല​രാ​മ​പു​രം. വാ​ണി​ക വൈ​ശ്യ സ​മു​ദാ​യ​ക്കാ​ര്‍ താ​മ​സി​ക്കു​ന്ന ബാ​ല​രാ​മ​പു​രം വാ​ണി​ക​ര്‍ തെ​രു​വി​ലാ​ണ് ച​രി​ത്ര​ത്തി​ന്റെ ഈ ​ശേ​ഷി​പ്പ് ഇ​ന്നു​മു​ള്ള​ത്. അ​ഗ്ര​ഹാ​ര സ​മാ​ന​മാ​യ നി​ര്‍മാ​ണ രീ​തി​യാ​ണ് തെ​രു​വി​ന്. തെ​രു​വി​ന് മ​ധ്യ​ത്തി​ലാ​ണ് ക​ല്‍ച്ച​ക്കു​ക​ള്‍. ക​രി​ങ്ക​ല്ലി​ല്‍ തീ​ര്‍ത്ത ച​ക്കു​ക​ള്‍ ത​മി​ഴ്‌​നാ​ട്ടി​ലെ മൈ​ലാ​ടി​യി​ല്‍ നി​ന്നു​ള്ള​താ​ണ്. ആ​ദ്യ​കാ​ല​ങ്ങ​ളി​ല്‍ നൂ​റു​ക​ണ​ക്കി​നു​പേ​ര്‍ എ​ണ്ണ​യാ​ട്ട് വ്യ​വ​സാ​യ​ത്തി​ലൂ​ടെ ജീ​വി​ച്ചി​രു​ന്നു.

പ​ത്മ​നാ​ഭ​സ്വാ​മി ക്ഷേ​ത്ര​ത്തി​ലും രാ​ജ​കൊ​ട്ടാ​ര​ത്തി​ലും ചാ​ല ക​മ്പോ​ള​ത്തി​ലും എ​ണ്ണ​യെ​ത്തി​ച്ചി​രു​ന്ന​ത് ഇ​വി​ടെ​നി​ന്നാ​യി​രു​ന്നു. ഇ​വി​ടെ മു​പ്പ​തി​ല​ധി​കം ച​ക്കു​ക​ള്‍ ഉ​ണ്ടാ​യി​രു​ന്നു​വെ​ന്നും വാ​ണി​ക​ര്‍ തെ​രു​വി​ലെ പ​ഴ​യ ആ​ള്‍ക്കാ​ര്‍ അ​നു​സ്മ​രി​ക്കു​ന്നു. ഒ​രു ച​ക്കി​ല്‍ ര​ണ്ടു​പേ​രാ​ണ് പ​ണി​യെ​ടു​ക്കു​ക. ഒ​പ്പം ര​ണ്ടു കാ​ള​ക​ളും. തേ​ങ്ങ, എ​ള്ള്, പു​ന്ന​യ്ക്ക തു​ട​ങ്ങി​യ​വ​യാ​യി​രു​ന്നു പ്ര​ധാ​ന​മാ​യും സം​സ്‌​ക​രി​ച്ചി​രു​ന്ന​ത്. പ്ര​ദേ​ശ​ത്ത് ഇ​ന്ന് ഈ ​തൊ​ഴി​ൽ ചെ​യ്യു​ന്ന​വ​ർ വി​ര​ലി​ലെ​ണ്ണാ​വു​ന്ന​വ​ര്‍ മാ​ത്രം. 1975ല്‍ ​യ​ന്ത്ര ച​ക്കു​ക​ള്‍ വ​ന്ന​തോ​ടെ ക​ല്‍ച്ച​ക്കു​ക​ള്‍ വ​ഴി​മാ​റി. ഉ​പ​ജീ​വ​ന​മാ​യി ഈ ​തൊ​ഴി​ൽ ചെ​യ്തി​രു​ന്ന​വ​ർ ഇ​ന്ന്​ പ​ട്ടി​ണി​യി​ലും പ​രി​വ​ട്ട​ത്തി​ലു​മാ​ണ്. മ​റ്റ്​ തൊ​ഴി​ലു​ക​ൾ ഒ​ന്നും ചെ​യ്യാ​ൻ പ​റ്റാ​ത്ത വി​ധം അ​വ​ശ​ത​യി​ലു​മാ​ണ്​ പ​ല​രും. ച​ക്കു​ക​ൾ പു​രാ​വ​സ്തു​ക്ക​ൾ പോ​ലെ അ​ങ്ങി​ങ്ങ്​ കാ​ണാം. പ​ര​മ്പ​രാ​ഗ​ത​മാ​യി ഈ ​തൊ​ഴി​ൽ ചെ​യ്തു​വ​ന്ന​വ​ർ​ക്ക്​ സ​ർ​ക്കാ​റി​ന്‍റേ​താ​യി ഒ​രു സ​ഹാ​യ​വു​മി​ല്ല.

തേ​ങ്ങ​യും എ​ണ്ണ​യും ഇ​ത​ര​സം​സ്ഥാ​ന​ത്തു​നി​ന്ന്​ വ​ന്ന​തോ​ടെ​യാ​ണ് ഈ ​മേ​ഖ​ല കൂ​ടു​ത​ല്‍ പ്ര​തി​സ​ന്ധി​യി​ലാ​യ​തെ​ന്ന്​ തൊ​ഴി​ലാ​ളി​ക​ൾ പ​റ​യു​ന്നു.

കേ​ര​ള​ത്തി​ൽ തേ​ങ്ങ​യു​ടെ വി​ല​യി​ടി​വും ഇ​റ​ക്കു​മ​തി​യും, യ​ന്ത്ര​വ​ത്​​ക​ര​ണ​വും അ​തി​ന്​ ആ​ക്കം കൂ​ട്ടി. ബാ​ല​രാ​മ​പു​രം വാ​ണി​ഗ​ര്‍ തെ​രു​വി​ലെ കു​ടും​ബ​ങ്ങ​ൾ ത​ന്നെ പ​ര​മ്പ​രാ​ഗ​ത​മാ​യി ഈ ​തൊ​ഴി​ലെ​ടു​ത്തി​രു​ന്നു. പ​ല കു​ടും​ബ​ങ്ങ​ളും തൊ​ഴി​ൽ ന​ശി​ച്ച​തോ​ടെ ബാ​ല​രാ​മ​പു​രം വി​ട്ടു​പോ​യി​ട്ടു​മു​ണ്ട്.