അയ്യാ വൈകുണ്ഠസ്വാമി നവോത്ഥാനത്തിന് നൽകിയ സംഭാവന പ്രസക്തം -മുഖ്യമന്ത്രി

തിരുവനന്തപുരം: ചരിത്രത്തെ വക്രീകരിച്ച് വ്യാജ ചരിത്രനിർമിതിക്ക് ശ്രമം നടക്കുന്ന വർത്തമാനകാലത്ത് അയ്യാ വൈകുണ്ഠസ്വാമി കേരള നവോത്ഥാനത്തിന് നൽകിയ സംഭാവന പ്രസക്തമാണെന്ന് മുഖ്യമന്ത്രി പിണറായി വിജയൻ. അയ്യാ വൈകുണ്ഠസ്വാമി സ്മാരകത്തിന്‍റെ ശിലാസ്ഥാപനം നിർവഹിക്കുകയായിരുന്നു അദ്ദേഹം.

മന്ത്രി സജി ചെറിയാൻ അധ്യക്ഷത വഹിച്ചു. മന്ത്രിമാരായ കെ.എൻ. ബാലഗോപാൽ, വി. ശിവൻകുട്ടി എന്നിവർ മുഖ്യാതിഥികളായി. എം.എൽ.എമാരായ വി. ജോയ്, ഡി.കെ. മുരളി, കെ. ആൻസലൻ, ഡി.കെ. മുരളി, വി.കെ. പ്രശാന്ത്, ജി. സ്റ്റീഫൻ, കെ. ആൻസലൻ, അയ്യാ വൈകുണ്ഠസ്വാമി മഠാധിപതി ബാലപ്രജാപതി അടിഗളാർ, പി. രാമഭദ്രൻ, ജില്ല പഞ്ചായത്ത് പ്രസിഡന്‍റ് വി. പ്രിയദർശിനി തുടങ്ങിയവർ സംസാരിച്ചു.

സംസ്ഥാന സർക്കാർ സാംസ്കാരിക വകുപ്പിന്‍റെ ആഭിമുഖ്യത്തിൽ കിഫ്ബി ധനസഹായത്തോടെ 3.16 കോടി ചെലവിലാണ് സ്മാരകം നിർമിക്കുന്നത്.