താലൂക്കാശുപത്രിയിൽ മരം കടപുഴകി രണ്ടു കാറുകൾ തകർന്നു

ആ​റ്റി​ങ്ങ​ൽ: ചി​റ​യി​ന്‍കീ​ഴ് താ​ലൂ​ക്കാ​ശു​പ​ത്രി​യി​ലെ ആ​ഞ്ഞി​ലി മ​രം ക​ട​പു​ഴു​കി വീ​ണ് ര​ണ്ട് കാ​റു​ക​ള്‍ ത​ക​ര്‍ന്നു. കാ​റി​നു​ള്ളി​ല്‍ ഉ​ണ്ടാ​യി​രു​ന്ന​യാ​ള്‍ ര​ക്ഷ​പ്പെ​ട്ട​ത് ത​ല​നാ​രി​ഴ​ക്ക്. തി​ങ്ക​ളാ​ഴ്ച രാ​വി​ലെ​യാ​ണ് സം​ഭ​വം. ആ​ശു​പ​ത്രി​യി​ലെ മോ​ര്‍ച്ച​റി​ക്ക്​ സ​മീ​പം നി​ന്ന പ​ഴ​ക്ക​മു​ള്ള ആ​ഞ്ഞി​ലി മ​രം ക​ട​പു​ഴു​കി വീ​ഴു​ക​യാ​യി​രു​ന്നു.

മോ​ര്‍ച്ച​റി​ക്ക്​ സ​മീ​പം പാ​ര്‍ക്ക്​ ചെ​യ്തി​രു​ന്ന ആ​ശു​പ​ത്രി​യി​ലെ പീ​ഡി​യാ​ട്രി​ഷ്യ​ന്‍ ഡോ. ​ഗ്ലാ​ഡി​സി​ന്റെ ഹോ​ണ്ട കാ​റും അ​ഞ്ചു​തെ​ങ്ങ് സ്വ​ദേ​ശി​യാ​യ ജ​സ്റ്റി​ന്റെ മാ​രു​തി വാ​ഗ​ൺ ആ​ർ കാ​റു​മാ​ണ് ത​ക​ര്‍ന്ന​ത്. അ​ഞ്ചു​തെ​ങ്ങ് സ്വ​ദേ​ശി​യു​ടെ പോ​സ്റ്റ്‌​മോ​ർ​ട്ട​വു​യി ബ​ന്ധ​പ്പെ​ട്ട് എ​ത്തി​യ മു​ന്‍ ബ്ലോ​ക്ക് പ​ഞ്ചാ​യ​ത്ത് വൈ​സ് പ്ര​സി​ഡ​ൻ​റും സി.​ഐ.​ടി.​യു നേ​താ​വു​മാ​യ അ​ഞ്ചു​തെ​ങ്ങ് സു​രേ​ന്ദ്ര​ന്‍ ജ​സ്റ്റി​ന്റെ കാ​റി​നു​ള്ളി​ല്‍ ഇ​രു​ക്കു​മ്പോ​ഴാ​ണ് മ​രം ക​ട​പു​ഴു​കി വീ​ണ​ത്. മ​ര​ത്തി​ന്റെ ശി​ഖ​ര​ങ്ങ​ള്‍ മ​റ്റ് മ​ര​ങ്ങ​ളി​ല്‍ ത​ട്ടി​യ ശ​ബ​ദം ​കേ​ട്ട് സു​രേ​ന്ദ്ര​ന്‍ കാ​റ് തു​റ​ന്ന് പു​റ​ത്തേ​ക്കോ​ടി. നി​ര​വ​ധി മ​ര​ങ്ങ​ളി​ൽ ത​ട്ടി പ​തു​ക്കെ​യാ​ണ് ആ​ഞ്ഞി​ലി നി​ല​ത്ത് പ​തി​ച്ച​ത്. ചെ​റു ചി​ല്ല​ക​ൾ ത​ട്ടി നി​ല​ത്തു​വീ​ണ അ​ഞ്ചു​തെ​ങ്ങ് സു​രേ​ന്ദ്ര​ന്​ ചി​കി​ത്സ ന​ൽ​കി. ആ​റ്റി​ങ്ങ​ല്‍ ഫ​യ​ര്‍ഫോ​ഴ്‌​സ് എ​ത്തി മ​രം മു​റി​ച്ചു​നീ​ക്കി കാ​റു​ക​ള്‍ പു​റ​ത്തെ​ടു​ത്തു. ര​ണ്ടു കാ​റു​ക​ളും പൂ​ർ​ണ​മാ​യും ത​ക​ർ​ന്നു.

ചി​റ​യി​ന്‍കീ​ഴ് താ​ലൂ​ക്കാ​ശു​പ​ത്രി​യി​ല്‍ നി​യ​മ​കു​രു​ക്കി​ൽ​പെ​ട്ട അ​പ​ക​ടാ​വ​സ്ഥ​യി​ലു​ള്ള നി​ര​വ​ധി വൃ​ക്ഷ​ങ്ങ​ളാ​ണ് നി​ല്‍ക്കു​ന്ന​ത്. രോ​ഗി​ക​ള്‍ക്കും കൂ​ട്ടി​രി​പ്പു​കാ​ര്‍ക്കും ജീ​വ​ന് ഭീ​ഷ​ണി​യാ​യി നി​ല്‍ക്കു​ന്ന മ​ര​ങ്ങ​ളും ശാ​ഖ​ക​ളും മു​റി​ച്ച് നീ​ക്കാ​ന്‍ അ​ധി​കൃ​ത​ര്‍ ത​യാ​റാ​കാ​ത്ത​താ​ണ് ഇ​ത്ത​രം ദു​ര​ന്ത​ങ്ങ​ള്‍ക്ക് കാ​ര​ണ​മാ​കു​ന്ന​ത് നാ​ട്ടു​കാ​ര്‍ ആ​രോ​പി​ക്കു​ന്നു. മോ​ർ​ച്ച​റി​ക്ക് സ​മീ​പ​ത്ത് ആ​ൾ​ത്തി​ര​ക്കി​ല്ലാ​ത്ത​ത് അ​പ​ക​ടാ​വ​സ്ഥ ഒ​ഴി​വാ​ക്കി.