13കാരിക്കുനേരെ ൈലംഗികാതിക്രമം; പ്രതിക്ക് 20 വർഷം തടവ്

ആ​റ്റി​ങ്ങ​ൽ: 13 വ​യ​സ്സു​കാ​രി​യോ​ട് ലൈം​ഗി​കാ​തി​ക്ര​മം ന​ട​ത്തി​യ കേ​സി​ൽ 22കാ​ര​നാ​യ പ്ര​തി​ക്ക് 20 വ​ർ​ഷം ക​ഠി​ന​ത​ട​വും ഒ​ന്ന​ര​ല​ക്ഷം രൂ​പ പി​ഴ​യും ശി​ക്ഷ. പെ​രു​ങ്കു​ഴി സ്വ​ദേ​ശി അ​ഖി​ലി​നെ​യാ​ണ് കു​റ്റ​ക്കാ​ര​നാ​യി ക​ണ്ടെ​ത്തി ആ​റ്റി​ങ്ങ​ൽ ഫാ​സ്റ്റ് ട്രാ​ക്ക് സ്പെ​ഷ​ൽ കോ​ട​തി (പോ​ക്സോ) സ്പെ​ഷ​ൽ ജ​ഡ്ജ് റോ​ഷ​ൻ തോ​മ​സ് വി​ധി പ്ര​സ്താ​വി​ച്ച​ത്. 2015 മാ​ർ​ച്ചി​ലാ​ണ് കേ​സി​നാ​സ്പ​ദ​മാ​യ സം​ഭ​വം.

പെ​ൺ​കു​ട്ടി​യോ​ട് അ​ടു​പ്പം കാ​ണി​ച്ച് വീ​ട്ടി​ലേ​ക്ക് വി​ളി​ച്ചു​വ​രു​ത്തി ലൈം​ഗി​കാ​തി​ക്ര​മ​ത്തി​ന് വി​ധേ​യ​യാ​ക്കി​യെ​ന്നാ​ണ് കേ​സ്. അ​തി​ജീ​വി​ത ന​ൽ​കി​യ മൊ​ഴി​യു​ടെ അ​ടി​സ്ഥാ​ന​ത്തി​ൽ ചി​റ​യി​ൻ​കീ​ഴ് പൊ​ലീ​സാ​ണ് കേ​സ് ര​ജി​സ്റ്റ​ർ ചെ​യ്ത​ത്. പി​ഴ തു​ക​യി​ൽ 65000 രൂ​പ വീ​തം അ​തി​ജീ​വി​ത​ക്ക്​ ന​ഷ്ട​പ​രി​ഹാ​ര​മെ​ന്ന നി​ല​യി​ൽ ന​ൽ​ക​ണം. ന​ഷ്ട​പ​രി​ഹാ​രം കെ​ട്ടി​വെ​ക്കാ​ത്ത സാ​ഹ​ച​ര്യ​ത്തി​ൽ മൂ​ന്നു മാ​സം വീ​തം പ്ര​തി അ​ധി​ക ക​ഠി​ന ത​ട​വ് അ​നു​ഷ്ഠി​ക്ക​ണം.

പ്ര​തി​ക്കെ​തി​രെ ഇ​ന്ത്യ​ൻ ശി​ക്ഷാ​നി​യ​മം അ​നു​സ​രി​ച്ച് ബ​ലാ​ത്സം​ഗം എ​ന്ന കു​റ്റം കോ​ട​തി ക​ണ്ടെ​ത്തി​യെ​ങ്കി​ലും പ്ര​ത്യേ​ക ശി​ക്ഷ വി​ധി​ച്ചി​ട്ടി​ല്ല. ത​ട​വു​ശി​ക്ഷ ഒ​രേ കാ​ല​യ​ള​വി​ൽ അ​നു​ഭ​വി​ച്ച് തീ​ർ​ത്താ​ൽ മ​തി​യെ​ന്നും ത​ട​വി​ൽ ക​ഴി​ഞ്ഞ വി​ചാ​ര​ണ കാ​ലം ശി​ക്ഷാ ഇ​ള​വി​ന് അ​ർ​ഹ​ത​യു​ണ്ടെ​ന്നും കോ​ട​തി ഉ​ത്ത​ര​വി​ലു​ണ്ട്.

ചി​റ​യി​ൻ​കീ​ഴ് സ​ബ് ഇ​ൻ​സ്പെ​ക്ട​റാ​യി​രു​ന്ന വി. ​ശ്രീ​ജേ​ഷാ​ണ് എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്ത​ത്. ആ​റ്റി​ങ്ങ​ൽ ഡി.​വൈ.​എ​സ്.​പി​യാ​യി​രു​ന്ന പി. ​അ​നി​ൽ​കു​മാ​റാ​ണ് കു​റ്റ​പ​ത്രം സ​മ​ർ​പ്പി​ച്ച​ത്. പ്രോ​സി​ക്യൂ​ഷ​നു​വേ​ണ്ടി സ്പെ​ഷ​ൽ പ​ബ്ലി​ക് പ്രോ​സി​ക്യൂ​ട്ട​ർ എം. ​മു​ഹ്​​സി​ൻ ഹാ​ജ​രാ​യി.