ദേശീയപാത നിർമാണത്തിന്‍റെ മറവിൽ വയൽനികത്തൽ വ്യാപകം

ആ​റ്റി​ങ്ങ​ൽ: ദേ​ശീ​യ​പാ​ത നി​ർ​മാ​ണ​ത്തി​ന്‍റെ മ​റ​വി​ൽ വ​യ​ൽ​നി​ക​ത്ത​ൽ വ്യാ​പ​കം. ആ​റ്റി​ങ്ങ​ൽ കൊ​ല്ല​മ്പു​ഴ കോ​ട്ട​പ്പു​റം ഭാ​ഗ​ത്താ​ണ് ബൈ​പാ​സ് നി​ർ​മാ​ണ​ത്തി​ന്റെ മ​റ​വി​ൽ സ്വ​കാ​ര്യ​വ്യ​ക്തി പ​ട്ടാ​പ്പ​ക​ൽ വ​യ​ൽ മ​ണ്ണി​ട്ട് നി​ക​ത്തി​യ​ത്. ഇ​തി​നെ​തി​രെ നാ​ട്ടു​കാ​ർ സം​ഘ​ടി​ക്കു​ക​യും പ്ര​തി​ഷേ​ധി​ക്കു​ക​യും ചെ​യ്തു.

വി​വ​രം അ​റി​യി​ച്ച​തി​നെ തു​ട​ർ​ന്ന് വാ​ർ​ഡ് കൗ​ൺ​സി​ല​ർ സ്ഥ​ല​ത്തെ​ത്തി.​ വി​വ​രം അ​റി​യി​ച്ച​തി​നെ​ത്തു​ട​ർ​ന്ന്​ സ്ഥ​ല​ത്തെ​ത്തി​യ ആ​റ്റി​ങ്ങ​ൽ പൊ​ലീ​സ് പ്ര​വ​ർ​ത്ത​ന​ങ്ങ​ൾ ത​ട​ഞ്ഞു. ഇ​തി​നു​മു​മ്പും ഈ ​വ​സ്തു​ഉ​ട​മ വ​യ​ൽ നി​ക​ത്തി​യ​ത്​ നാ​ട്ടു​കാ​ർ ത​ട​ഞ്ഞി​രു​ന്നു.

തോ​ട്ട​വാ​രം മു​ത​ൽ ആ​രം​ഭി​ക്കു​ന്ന ഏ​ക്ക​ർ​ക​ണ​ക്കി​നു​ള്ള വ​യ​ൽ കൊ​ല്ല​മ്പു​ഴ​യി​ലാ​ണ് അ​വ​സാ​നി​ക്കു​ന്ന​ത്. ബൈ​പാ​സ് നി​ർ​മാ​ണ​ത്തോ​ടെ ഈ ​ഭാ​ഗ​ങ്ങ​ളി​ൽ വെ​ള്ള​ക്കെ​ട്ട് അ​തി​രൂ​ക്ഷ​മാ​ണ്. ഇ​തു​വ​ഴി​യു​ള്ള റോ​ഡി​ൽ ചെ​റി​യ മ​ഴ​പെ​യ്താ​ൽ പോ​ലും വെ​ള്ള​ക്കെ​ട്ട് രൂ​പ​പ്പെ​ടു​ന്ന അ​വ​സ്ഥ​യു​ണ്ട്.

കൂ​ടാ​തെ കോ​ട്ട​പ്പു​റം ഭാ​ഗ​ത്ത് 28 ഓ​ളം കു​ടും​ബ​ങ്ങ​ൾ അ​ധി​വ​സി​ക്കു​ന്നു​ണ്ട്. അ​വ​രു​ടെ ഏ​ക ആ​ശ്ര​യം കൂ​ടി​യാ​ണ് ഈ​റോ​ഡ്. ഇ​ക്ക​ഴി​ഞ്ഞ മ​ഴ​യ​ത്ത് മാ​സ​ങ്ങ​ളോ​ളം റോ​ഡി​ൽ വെ​ള്ളം ക​യ​റി​ക്കി​ട​ന്ന​തി​നാ​ൽ ഈ ​ഭാ​ഗ​ത്തു​ള്ള ജ​ന​ങ്ങ​ളു​ടെ യാ​ത്ര​യും ത​ട​സ്സ​പ്പെ​ട്ടി​രു​ന്നു.

ഈ ​സാ​ഹ​ച​ര്യ​ത്തി​ലാ​ണ് വെ​ള്ള​ക്കെ​ട്ട് ഏ​റെ​യു​ള്ള പ്ര​ദേ​ശ​ത്തെ വ​യ​ൽ സ്വ​കാ​ര്യ വ്യ​ക്തി മ​ണ്ണി​ട്ട് നി​ക​ത്തു​ന്ന​തി​നെ​തി​രെ നാ​ട്ടു​കാ​ർ സം​ഘ​ടി​ച്ച​ത്. ആ​റ്റി​ങ്ങ​ൽ ബൈ​പാ​സ് നി​ർ​മാ​ണ​ത്തി​ന്റെ മ​റ​വി​ൽ വ​യ​ൽ നി​ക​ത്ത​ൽ വ്യാ​പ​ക​മാ​ണെ​ന്നും ഇ​തി​നെ​തി​രെ അ​ധി​കാ​രി​ക​ൾ​ക്കും ഉ​ദ്യോ​ഗ​സ്ഥ​ർ​ക്കും അ​ന​ങ്ങാ​പ്പാ​റ​ന​യ​മാ​ണെ​ന്നും പ്ര​ദേ​ശ​വാ​സി​ക​ൾ പ​റ​യു​ന്നു.

വ​യ​ൽ നി​ക​ത്തി​യ മ​ണ്ണ് എ​ത്ര​യും പെ​ട്ടെ​ന്ന് നീ​ക്കം ചെ​യ്യാ​ത്ത​പ​ക്ഷം ശ​ക്ത​മാ​യ സ​മ​ര​പ​രി​പാ​ടി​ക​ളി​ലേ​ക്ക് നീ​ങ്ങു​മെ​ന്ന്​ പ്ര​ദേ​ശ​വാ​സി​ക​ൾ പ​റ​ഞ്ഞു. പൊ​ലീ​സും സ​ർ​ക്കാ​ർ വ​കു​പ്പ് ഉ​ദ്യോ​ഗ​സ്ഥ​രും പാ​ർ​ല​മെൻറ് തി​ര​ഞ്ഞെ​ടു​പ്പി​ന്റെ ന​ട​പ​ടി​ക്ര​മ​ങ്ങ​ളി​ലാ​യ​തി​ന്‍റെ മ​റ​വി​ലാ​ണ് വ​യ​ൽ നി​ക​ത്ത​ൽ വ്യാ​പ​ക​മാ​യ​ത്.