ബി.ജെ.പിക്കെതിരെ ഇതര കക്ഷികൾ ഒന്നിച്ചു; മുദാക്കൽ പ്രസിഡൻറ് സ്ഥാനം സി.പി.ഐക്ക്

ആ​റ്റി​ങ്ങ​ൽ: മു​ദാ​ക്ക​ൽ ഗ്രാ​മ​പ​ഞ്ചാ​യ​ത്തി​ൽ കോ​ൺ​ഗ്ര​സ് പി​ന്തു​ണ​യി​ൽ സി.​പി.​ഐ​യു​ടെ പ​ള്ളി​യ​റ ശ​ശി പ്ര​സി​ഡ​ൻ​റാ​യി തെ​ര​ഞ്ഞെ​ടു​ക്ക​പ്പെ​ട്ടു. ബി.​ജെ.​പി പി​ന്തു​ണ​യോ​ടെ മ​ത്സ​രി​ച്ച സ്വ​ത​ന്ത്ര​യും നി​ല​വി​ലെ വൈ​സ് പ്ര​സി​ഡ​ൻ​റു​മാ​യ ശ്രീ​ജ​ക്ക് എ​ട്ട് വോ​ട്ടും പ​ള്ളി​യ​റ ശ​ശി​ക്ക് 12 വോ​ട്ടും ല​ഭി​ച്ചു. തെ​ര​ഞ്ഞെ​ടു​പ്പി​ൽ പ​ള്ളി​യ​റ ശ​ശി​യു​ടെ പേ​ര് സി.​പി.​ഐ അം​ഗം സു​ജി​ത നി​ർ​ദേ​ശി​ക്കു​ക​യും സി.​പി.​എ​മ്മി​ലെ മ​നോ​ജ് പി​ന്താ​ങ്ങു​ക​യും ചെ​യ്തു. ശ്രീ​ജ​യു​ടെ പേ​ര് ബി.​ജെ.​പി അം​ഗം ഷൈ​നി നി​ർ​ദേ​ശി​ക്കു​ക​യും ലീ​ലാ​മ്മ പി​ന്തു​ണ​ക്കു​ക​യും ചെ​യ്തു. കോ​ൺ​ഗ്ര​സ് കൂ​ടി പി​ന്തു​ണ​ച്ച​തോ​ടെ​യാ​ണ് പ​ള്ളി​യ​റ ശ​ശി വി​ജ​യ​മു​റ​പ്പി​ച്ച​ത്. പൊ​തു മ​രാ​മ​ത്ത് റോ​ഡ് വി​ഭാ​ഗം അ​സി. എ​ക്സി. എ​ൻ​ജി​നീ​യ​ർ എം.​എ​സ്. അ​ര​വി​ന്ദ് വ​ര​ണാ​ധി​കാ​രി​യാ​യി​രു​ന്നു.

ബി.​ജെ.​പി​യും കോ​ൺ​ഗ്ര​സും കൊ​ണ്ടു​വ​ന്ന അ​വി​ശ്വാ​സ​ത്തി​ലാ​ണ് എ​ൽ.​ഡി.​എ​ഫി​ലെ സി.​പി.​എ​മ്മി​ന് പ്ര​സി​ഡ​ൻ​റ് സ്ഥാ​നം ന​ഷ്ട​പ്പെ​ട്ട​ത്. ആ ​സ്ഥാ​ന​ത്തേ​ക്ക് ബി.​ജെ.​പി വ​ന്നാ​ൽ പാ​ർ​ല​മെൻറ് തെ​ര​ഞ്ഞെ​ടു​പ്പി​ൽ ന്യൂ​ന​പ​ക്ഷ​ങ്ങ​ൾ​ക്കി​ട​യി​ൽ കോ​ൺ​ഗ്ര​സ് വി​രു​ദ്ധ വി​കാ​രം സൃ​ഷ്ടി​ക്ക​പ്പെ​ടു​മെ​ന്ന നി​ഗ​മ​ന​ത്തി​ന്‍റെ അ​ടി​സ്ഥാ​ന​ത്തി​ലാ​ണ് കോ​ൺ​ഗ്ര​സ് പ്ര​വ​ർ​ത്ത​ക​ർ സി.​പി.​ഐ പ്ര​സി​ഡ​ൻ​റ് സ്ഥാ​നാ​ർ​ഥി​ക്ക് വോ​ട്ട് ചെ​യ്യാ​ൻ തീ​രു​മാ​നി​ച്ച​ത്. നി​ല​വി​ൽ പ​ഞ്ചാ​യ​ത്ത് ക​മ്മി​റ്റി​യി​ൽ ബി.​ജെ.​പി ഏ​ഴ്, കോ​ൺ​ഗ്ര​സ് അ​ഞ്ച്, സി.​പി.​എം നാ​ല്, സി.​പി.​ഐ ര​ണ്ട്, സ്വ​ത​ന്ത്ര​ൻ ര​ണ്ട് എ​ന്നി​ങ്ങ​നെ​യാ​ണ് ക​ക്ഷി​നി​ല. ഇ​തി​ൽ സ്വ​ത​ന്ത്ര​രു​ടെ കൂ​ടി പി​ന്തു​ണ​യി​ലാ​ണ് നേ​ര​ത്തേ എ​ൽ.​ഡി.​എ​ഫ് ഭ​ര​ണ​ത്തി​ൽ തു​ട​ർ​ന്ന​ത്. പ്ര​സി​ഡ​ൻ​റ് പ​ദ​വി സി.​പി.​എം-​സി.​പി.​ഐ ക​ക്ഷി​ക​ൾ പ​ങ്കി​ടാ​ൻ തീ​രു​മാ​നി​ച്ചി​രു​ന്നു. എ​ന്നാ​ൽ, ര​ണ്ട​ര വ​ർ​ഷം ക​ഴി​ഞ്ഞി​ട്ടും സി.​പി.​ഐ​ക്ക് പ്ര​സി​ഡ​ൻ​റ് സ്ഥാ​നം വി​ട്ടു​ന​ൽ​കാ​ൻ സി.​പി.​എം ത​യാ​റാ​യി​ല്ല. ഇ​തോ​ടെ, സി.​പി.​ഐ ഇ​ട​യു​ക​യും മു​ന്ന​ണി വി​ടു​ക​യും അ​വ​ർ വ​ഹി​ച്ചി​രു​ന്ന സ്റ്റാ​ൻ​ഡി​ങ് ക​മ്മി​റ്റി ചെ​യ​ർ​മാ​ൻ സ്ഥാ​നം രാ​ജി​വെ​ക്കു​ക​യും ചെ​യ്തു. ഈ ​അ​വ​സ​ര​ത്തി​ലാ​ണ്​ ഭ​ര​ണ​പ​ക്ഷ പ്ര​തി​സ​ന്ധി മു​ത​ലെ​ടു​ത്ത് ബി.​ജെ.​പി​യും കോ​ൺ​ഗ്ര​സും അ​വി​ശ്വാ​സ നോ​ട്ടീ​സ് ന​ൽ​കി​യ​ത്. ഇ​തോ​ടെ, സി.​പി.​എം പ്ര​സി​ഡ​ൻ​റ് പു​റ​ത്താ​യി. നി​ല​വി​ൽ ഒ​രു സ്വ​ത​ന്ത്ര ബി.​ജെ.​പി​ക്ക് അ​നു​കൂ​ല​മാ​ണ്. വൈ​സ് പ്ര​സി​ഡ​ൻ​റ് സ്ഥാ​ന​ത്ത് തു​ട​രു​ന്ന ഇ​വ​ർ​ക്കെ​തി​രെ എ​ൽ.​ഡി.​എ​ഫ് അ​വി​ശ്വാ​സം കൊ​ണ്ടു​വ​ന്നേ​ക്കും.