ജോ​ലി​യു​മി​ല്ല, കൂ​ലി​യു​മി​ല്ല; ക​ര​കയ​റാ​തെ ക​യ​ർ​തൊ​ഴി​ലാ​ളി​ക​ൾ

ആ​റ്റി​ങ്ങ​ൽ: ജി​ല്ല​യു​ടെ തീ​ര​മേ​ഖ​ല​യു​ടെ പ്രൗ​ഢി ആ​യി​രു​ന്നു ഒ​രു​കാ​ല​ത്ത് ക​യ​ർ മേ​ഖ​ല. ഇ​തി​ലെ സ്വ​കാ​ര്യ സം​രം​ഭ​ക​രാ​യി​രു​ന്നു അ​റി​യ​പ്പെ​ടു​ന്ന മു​ത​ലാ​ളി​മാ​ർ. സാ​ധാ​ര​ണ​ക്കാ​ര​ന്‍റെ വീ​ട്ടു​മു​റ്റ​ത്തും സം​രം​ഭ​ക​രു​ടെ പ​റ​മ്പു​ക​ളി​ലും സ​ഹ​ക​ര​ണ സം​ഘ​ങ്ങ​ളി​ലും ക​യ​ർ പി​രി​ക്കു​ന്ന കാ​ഴ്ച​ക​ൾ ആ​യി​രു​ന്നു എ​ങ്ങും. ഇ​തെ​ല്ലാം ഇ​ന്ന് ച​രി​ത്രം മാ​ത്രം. ജോ​ലി​യും ഇ​ല്ല കൂ​ലി​യും ഇ​ല്ല, ജോ​ലി ചെ​യ്താ​ൽ ഉ​ൽ​പ​ന്നം വി​റ്റു​പോ​കു​ന്നു​മി​ല്ല. ഇ​താ​ണ് നി​ല​വി​ലെ ജി​ല്ല​യി​ലെ ക​യ​ർ​മേ​ഖ​ല​യി​ലെ അ​വ​സ്ഥ.

വ​ർ​ക്ക​ല ഇ​ട​വ, മ​ണ​മ്പൂ​ർ, വെ​ട്ടൂ​ർ, അ​ഞ്ചു​തെ​ങ്ങ്, ചി​റ​യി​ൻ​കീ​ഴ്, ക​ട​യ്ക്കാ​വൂ​ർ, വ​ക്കം, അ​ഴൂ​ർ, ക​ഠി​നം​കു​ളം, മം​ഗ​ല​പു​രം, കോ​വ​ളം, പാ​ച്ച​ല്ലൂ​ർ, തി​രു​വ​ല്ലം, വി​ഴി​ഞ്ഞം മേ​ഖ​ല​ക​ളി​ലാ​യി 49 സ​ഹ​ക​ര​ണ സം​ഘ​ങ്ങ​ളാ​ണ് പ്ര​വ​ർ​ത്തി​ക്കു​ന്ന​ത്. ഇ​തി​ൽ പ​കു​തി​യും നാ​മ​മാ​ത്ര​മാ​യി പ്ര​വ​ർ​ത്തി​ക്കു​ന്ന​വ​യാ​ണ്. അ​ഴൂ​ർ പെ​രു​ങ്ങു​ഴി, ക​ട​യ്ക്കാ​വൂ​ർ തി​ന​വി​ള, വ​ർ​ക്ക​ല ചെ​റു​ന്നി​യൂ​ർ, കോ​വ​ളം എ​ന്നി​വി​ട​ങ്ങ​ളി​ൽ സ്വ​കാ​ര്യ​മേ​ഖ​ല​യി​ൽ ക​യ​ർ തൊ​ഴി​ൽ അ​വ​ശേ​ഷി​ക്കു​ന്നു​ണ്ട്.

ജി​ല്ല​യി​ൽ ഏ​റ്റ​വും കൂ​ടു​ത​ൽ ക​യ​ർ ഉ​ൽ​പാ​ദ​നം ന​ട​ക്കു​ന്ന​ത് ക​ഠി​നം​കു​ളം അ​ഞ്ചു​തെ​ങ്ങ് കാ​യ​ലി​ന്‍റെ തീ​ര​മേ​ഖ​ല​യി​ലാ​ണ്. അ​ഞ്ചു​തെ​ങ്ങ് ക​യ​ർ എ​ന്ന ഇ​നം ക​യ​ർ ഇ​വി​ടെ ഉ​ൾ​പ്പെ​ടെ ഉ​ൽ​പാ​ദി​പ്പി​ക്കു​ന്നു. അ​ഞ്ചു​തെ​ങ്ങ് ക​യ​റി​ന് 76 രൂ​പ വി​ല​യു​ള്ള​പ്പോ​ൾ ത​മി​ഴ്നാ​ട് ക​യ​ർ 35 രൂ​പ​ക്ക് ജി​ല്ല​യി​ലെ​ത്തി​ച്ചു​വി​ൽ​ക്കു​ന്നു. അ​തി​നാ​ൽ സ​ർ​ക്കാ​ർ സ​ബ്സി​ഡി കൊ​ടു​ത്തി​ട്ടും വി​പ​ണി പി​ടി​ക്കാ​ൻ ക​ഴി​യു​ന്നി​ല്ല. ത​മി​ഴ്നാ​ട്ടി​ൽ കൂ​ലി കു​റ​വും ഉ​ൽ​പാ​ദ​ന​ശേ​ഷി കൂ​ടു​ത​ലു​മാ​ണ്. ത​മി​ഴ്നാ​ട്ടി​ൽ ആ​ട്ടോ​മാ​ട്ടി​ക് സ്പി​ന്നി​ങ് മെ​ഷീ​നി​ൽ 85 കി​ലോ ക​യ​ർ പി​രി​ക്കു​ന്ന സ​മ​യ​ത്ത് കേ​ര​ള​ത്തി​ൽ 60 കി​ലോ ക​യ​ർ മാ​ത്ര​മാ​ണ് പി​രി​ക്കാ​ൻ ക​ഴി​യു​ന്ന​ത്. ഇ​ക്കാ​ര​ണ​ങ്ങ​ളാ​ൽ ത​മി​ഴ്നാ​ട് ക​യ​ർ വി​പ​ണി പി​ടി​ക്കു​ന്നു. ജി​ല്ല​യി​ൽ ഉ​ൽ​പാ​ദി​പ്പി​ക്കു​ന്ന ക​യ​റും അ​നു​ബ​ന്ധ ഉ​ൽ​പ​ന്ന​ങ്ങ​ളും ഗോ​ഡൗ​ണു​ക​ളി​ൽ കെ​ട്ടി​ക്കി​ട​ക്കു​ക​യാ​ണ്.

മി​നി​മം കൂ​ലി പോ​ലു​മി​ല്ലാ​തെ തൊഴി​ലാ​ളി​ക​ൾ

ആ​റ്റി​ങ്ങ​ൽ: ഏ​ഴ് വ​ർ​ഷം മു​മ്പ് പ്ര​ഖ്യാ​പി​ച്ച മി​നി​മം കൂ​ലി പോ​ലും ല​ഭി​ക്കാ​തെ പ്ര​തി​സ​ന്ധി​യി​ലാ​ണ് ക​യ​ർ​ത്തൊ​ഴി​ലാ​ളി​ക​ൾ. 350 രൂ​പ​യാ​ണ് മി​നി​മം കൂ​ലി​യാ​യി അ​വ​സാ​നം സ​ർ​ക്കാ​ർ പ്ര​ഖ്യാ​പി​ച്ച​ത്. ഇ​തി​ൽ 240 രൂ​പ സം​രം​ഭ​ക​ർ ന​ൽ​ക​ണം. 60 രൂ​പ വ​രു​മാ​ന സ്ഥി​ര​ത പ​ദ്ധ​തി​യി​ൽ ഉ​ൾ​പ്പെ​ടു​ത്തി സം​സ്ഥാ​ന സ​ർ​ക്കാ​ർ ന​ൽ​കും. ജി​ല്ല​യി​ൽ വ​രു​മാ​ന സ്ഥി​ര​ത പ​ദ്ധ​തി​യി​ൽ ആ​നു​കൂ​ല്യം പ​റ്റു​ന്ന​വ​ർ 4000 തൊ​ഴി​ലാ​ളി​ക​ളാ​ണ്. അ​ഥ​വാ ജി​ല്ല​യി​ൽ ക​യ​ർ മേ​ഖ​ല​യി​ൽ അ​വ​ശേ​ഷി​ക്കു​ന്ന​ത് വെ​റും 4000 സ​ജീ​വ തൊ​ഴി​ലാ​ളി​ക​ൾ മാ​ത്ര​മാ​ണെ​ന്ന് പ​റ​യാം.

ക​ണ​ക്കു​ക​ളി​ൽ കാ​ൽ​ല​ക്ഷ​ത്തോ​ളം​പേ​ർ ജി​ല്ല​യി​ൽ ക​യ​ർ​മേ​ഖ​ല​യി​ൽ ഉ​ണ്ടെ​ന്നാ​ണ്. മി​നി​മം കൂ​ലി ന​ൽ​കാ​ൻ സ​ഹ​ക​ര​ണ സ്ഥാ​പ​നം ഉ​ൾ​പ്പെ​ടെ​യു​ള്ള സം​രം​ഭ​ക​ർ​ക്ക് ക​ഴി​യു​ന്നി​ല്ല. ഇ​താ​ണ് ക​യ​ർ തൊ​ഴി​ലാ​ളി​ക​ളു​ടെ ദു​രി​താ​വ​സ്ഥ. ഉ​ൽ​പാ​ദി​പ്പി​ക്കു​ന്ന ഉ​ൽ​പ​ന്ന​ങ്ങ​ൾ വി​റ്റ​ഴി​ക്കാ​ൻ ക​ഴി​യാ​തെ സം​ഘ​ങ്ങ​ളി​ലും ക​യ​ർ​ഫെ​ഡ് പോ​ലു​ള്ള സ്ഥാ​പ​ന​ങ്ങ​ളി​ലും കെ​ട്ടി​ക്കി​ട​ക്കു​ക​യാ​ണ്.

ഇ​തി​നാ​ൽ​ത​ന്നെ ക​യ​ർ സം​ഘ​ങ്ങ​ൾ ഉ​ൽ​പാ​ദ​നം നി​ർ​ത്തി​വെ​ച്ച അ​വ​സ്ഥ​യു​മു​ണ്ട്. ഓ​ണം ഫെ​സ്റ്റി​വ​ൽ അ​ല​വ​ൻ​സ് ഉ​ൾ​പ്പെ​ടെ അ​നു​വ​ദി​ക്കു​ന്ന​ത് പ്ര​വ​ർ​ത്ത​ന​ത്തി​ന്‍റെ​യും ഉ​ൽ​പാ​ദ​ന​ത്തി​ന്‍റെ​യും അ​ടി​സ്ഥാ​ന​ത്തി​ലാ​ണ്. ഉ​ൽ​പാ​ദ​നം നി​ർ​ത്തി​വെ​ക്കു​ന്ന​ത് തൊ​ഴി​ലാ​ളി​ക​ൾ​ക്ക് കൂ​ലി ല​ഭി​ക്കാ​ത്ത​തി​നു​പു​റ​മെ മ​റ്റ്​ ആ​നു​കൂ​ല്യ​ങ്ങ​ൾ ന​ഷ്ട​പ്പെ​ടു​ന്ന​തി​നും കാ​ര​ണ​മാ​കും.

നി​ല​വി​ൽ അ​ട​ഞ്ഞു​കി​ട​ക്കു​ന്ന സ​ഹ​ക​ര​ണ സം​ഘ​ങ്ങ​ളി​ൽ 100 ക്വി​ൻ​റ​ലി​ന് താ​ഴെ ക​യ​ർ ഉ​ൽ​പാ​ദി​പ്പി​ച്ച സം​ഘ​ങ്ങ​ളി​ലെ തൊ​ഴി​ലാ​ളി​ക​ൾ​ക്കും ഓ​ണം ഫെ​സ്റ്റി​വ​ൽ അ​ല​വ​ൻ​സി​ന്​ സ​ർ​ക്കാ​ർ അ​നു​മ​തി ന​ൽ​കി​യി​ട്ടു​ണ്ട് എ​ന്ന​ത് മാ​ത്ര​മാ​ണ് ഇ​പ്പോ​ഴു​ള്ള ഏ​ക ആ​ശ്വാ​സം.

ക​യ​ർ തൊ​ഴി​ൽ മേ​ഖ​ല നി​ല​നി​ൽ​ക്ക​ണ​മെ​ങ്കി​ൽ പ​ണി​യെ​ടു​ക്കു​ന്ന​വ​ർ​ക്ക് ഏ​റ്റ​വും കു​റ​ഞ്ഞ​ത് 500 രൂ​പ എ​ങ്കി​ലും കൂ​ലി ല​ഭി​ക്ക​ണം. ഈ ​ആ​വ​ശ്യ​വു​മാ​യി ഭ​ര​ണ​ക​ക്ഷി ട്രേ​ഡ് യൂ​നി​യ​നാ​യ ട്രാ​വ​ൻ​കൂ​ർ ക​യ​ർ​തൊ​ഴി​ലാ​ളി യൂ​നി​യ​ൻ സി.​ഐ.​ടി.​യു ത​ന്നെ സ​ർ​ക്കാ​റി​നെ സ​മീ​പി​ച്ചി​ട്ടു​ണ്ട്. എ​ന്നാ​ൽ, നി​ല​വി​ലെ കൂ​ലി​പോ​ലും ന​ൽ​കാ​ൻ ക​ഴി​യാ​ത്ത സ​ഹ​ക​ര​ണ സ്ഥാ​പ​ന​ങ്ങ​ൾ ഉ​ൾ​പ്പെ​ടെ​യു​ള്ള സം​രം​ഭ​ക​ർ​ക്ക് വ​ർ​ധി​പ്പി​ച്ച കൂ​ലി ന​ൽ​കാ​ൻ ക​ഴി​യി​ല്ല.

വ​രു​മാ​ന​സ്ഥി​ര​ത പ​ദ്ധ​തി​യി​ലെ സ​ർ​ക്കാ​ർ വി​ഹി​തം വ​ർ​ധി​പ്പി​ച്ചു​കൊ​ണ്ടു​ള്ള ന​ട​പ​ടി ഉ​ണ്ടാ​യാ​ൽ മാ​ത്ര​മേ തൊ​ഴി​ലാ​ളി​ക​ൾ​ക്ക് ഗു​ണം ചെ​യ്യൂ. നി​ല​വി​ലെ സാ​മ്പ​ത്തി​കാ​വ​സ്ഥ​യി​ൽ സ​ർ​ക്കാ​ർ ഇ​തി​ന് ത​യാ​റാ​കു​മോ എ​ന്ന​ത് സം​ശ​യ​ക​ര​മാ​ണ്.