സദാചാര പൊലീസ് ചമഞ്ഞ് അതിക്രമം; ഒരാൾ പിടിയിൽ

ആറ്റിങ്ങൽ: സദാചാര പൊലീസ് ചമഞ്ഞ് എ.എസ്.ഐയെയും ഭാര്യയെയും ആക്രമിച്ച കേസിൽ ആറ്റിങ്ങൽ മാമം ചരുവിളവീട്ടിൽ നിസാറുദ്ദീനെ (42) ആറ്റിങ്ങൽ പൊലീസ് അറസ്​റ്റ്​ ചെയ്തു. കഴിഞ്ഞദിവസം മാമത്തു ​െവച്ചായിരുന്നു സംഭവം.

ആർ.സി.സിയിൽ ചികിത്സയിൽ കഴിയുന്ന മാതാവിനെ കാണാൻ പോയി തിരിച്ചു വരുകയായിരുന്ന കൊട്ടിയം പൊലീസ്​ സ്​റ്റേഷനിലെ എ.എസ്.ഐ രാജേഷിനെയും ഭാര്യ മിനിയെയും ഇയാൾ സദാചാരം പറഞ്ഞ് ആക്രമിക്കുകയായിരുന്നു. നിസാറുദ്ദീനൊപ്പം ഒരാൾകൂടി ഉണ്ടായിരുന്നുവെന്നും അയാൾ ഒളിവിലാണെന്നും പൊലീസ് പറഞ്ഞു.