അഞ്ചുതെങ്ങ് കായലിൽ ഗതാഗതത്തിന് തടസ്സമായി മീരാൻകടവ് പഴയപാലം

ആ​റ്റി​ങ്ങ​ൽ: അ​ഞ്ചു​തെ​ങ്ങ് കാ​യ​ലി​ൽ ജ​ല​ഗ​താ​ഗ​ത​ത്തി​ന് ത​ട​സ്സ​മാ​യി മീ​രാ​ൻ​ക​ട​വ് പ​ഴ​യ​പാ​ലം. പൊ​ക്കം കു​റ​ഞ്ഞ പ​ഴ​യ​പാ​ലം പൊ​ളി​ച്ചു​നീ​ക്കാ​ൻ വ​ർ​ഷ​ങ്ങ​ൾ ക​ഴി​ഞ്ഞി​ട്ടും ന​ട​പ​ടി​യി​ല്ല. കാ​യ​ലി​ന് കു​റു​കെ അ​ഞ്ചു​തെ​ങ്ങ് ക​ട​യ്ക്കാ​വൂ​ർ ഗ്രാ​മ​പ​ഞ്ചാ​യ​ത്തു​ക​ളെ ബ​ന്ധി​പ്പി​ക്കു​ന്ന പാ​ല​ത്തി​ലൂ​ടെ ഗ​താ​ഗ​തം നി​രോ​ധി​ക്ക​പ്പെ​ട്ട് വ​ർ​ഷ​ങ്ങ​ൾ ക​ഴി​ഞ്ഞി​ട്ടും അ​ധി​കൃ​ത​ർ പൊ​ളി​ച്ചു​നീ​ക്കാ​ൻ ന​ട​പ​ടി സ്വീ​ക​രി​ച്ചി​ട്ടി​ല്ല.

കാ​ല​പ്പ​ഴ​ക്ക​വും ബ​ല​ക്ഷ​യ​വും ക​ണ​ക്കി​ലെ​ടു​ത്ത് വ​ർ​ഷ​ങ്ങ​ൾ​ക്ക് മു​മ്പു​ത​ന്നെ പാ​ലം ഗ​താ​ഗ​ത​യോ​ഗ്യ​മ​ല്ലെ​ന്ന് ക​ണ്ടെ​ത്തി​യ​തി​നെ​തു​ട​ർ​ന്ന് പു​തി​യ പാ​ലം നി​ർ​മി​ച്ചി​രു​ന്നു.

ജി​ല്ല​യി​ലെ പ്ര​ധാ​ന കാ​യ​ലു​ക​ളാ​യ അ​ഞ്ചു​തെ​ങ്ങ് ക​ഠി​നം​കു​ളം മു​രു​ക്കും​പു​ഴ കാ​യ​ലു​ക​ളെ ബ​ന്ധി​പ്പി​ച്ച്​ വി​നോ​ദ​സ​ഞ്ചാ​ര വ​കു​പ്പ് ആ​വി​ഷ്ക​രി​ച്ച ട്രാ​വ​ൻ​കൂ​ർ ഹെ​റി​റ്റേ​ജ് സ​ർ​ക്യൂ​ട്ട് പ​ദ്ധ​തി​യെ പാ​ലം പൊ​ളി​ച്ചു​നീ​ക്കാ​ത്ത​ത് കാ​ര്യ​മാ​യി ബാ​ധി​ച്ചി​രി​ക്കു​ക​യാ​ണ്. പൊ​ക്കം കു​റ​ഞ്ഞ​തും അ​ടു​ത്ത​ടു​ത്ത് തൂ​ണു​ക​ൾ ഉ​ള്ള​തു​മാ​യ പാ​ലം ബോ​ട്ടു​ക​ൾ ക​ട​ന്നു​പോ​കു​ന്ന​തി​ന് ത​ട​സ്സ​മാ​ണ്.

ഹെ​റി​റ്റേ​ജ് സ​ർ​ക്യൂ​ട്ട് പ​ദ്ധ​തി​യു​ടെ ഭാ​ഗ​മാ​യി അ​ഞ്ചു​തെ​ങ്ങ് കാ​യി​ക്ക​ര ക​ട​വ് ബോ​ട്ടു​ജെ​ട്ടി, മു​രു​ക്കും​പു​ഴ ബോ​ട്ട് ടെ​ർ​മി​ന​ൽ, പൗ​ണ്ട് ക​ട​വ് ബോ​ട്ടു​ജെ​ട്ടി, പ​ണ​യി​ൽ​ക​ട​വ് ബോ​ട്ടു​ജെ​ട്ടി, പു​ത്ത​ൻ ക​ട​വ് ബോ​ട്ടു​ജെ​ട്ടി, പു​ളി​മൂ​ട്ടി​ൽ ക​ട​വ് ബോ​ട്ടു​ജെ​ട്ടി എ​ന്നി​വ​യു​ടെ നി​ർ​മാ​ണ പ്ര​വൃ​ത്തി​ക​ൾ ഏ​റ​ക്കു​റെ പൂ​ർ​ത്തി​യാ​യി​ക്ക​ഴി​ഞ്ഞെ​ങ്കി​ലും മീ​രാ​ൻ ക​ട​വ് പ​ഴ​യ പാ​ലം പൊ​ളി​ച്ചു​നീ​ക്കാ​തെ കാ​ര്യ​മി​ല്ല.

പാ​ലം പൊ​ളി​ച്ചു​മാ​റ്റ​ണ​മെ​ന്ന ആ​വ​ശ്യ​വു​മാ​യി നി​ര​വ​ധി ത​വ​ണ വ​കു​പ്പ് മ​ന്ത്രി ഉ​ൾ​പ്പെ​ടെ​യു​ള്ള​വ​ർ​ക്ക് നാ​ട്ടു​കാ​ർ നി​വേ​ദ​ന​ങ്ങ​ളും ന​ൽ​കി​യി​ട്ടു​ണ്ട്. നി​ലം​പൊ​ത്താ​റാ​യ നി​ല​യി​ലു​ള്ള പാ​ലം അ​ഞ്ചു​തെ​ങ്ങ് കാ​യ​ലി​ൽ മാ​ലി​ന്യ നി​ക്ഷേ​പ​ത്തി​ന്റെ​യും സാ​മൂ​ഹി​ക വി​രു​ദ്ധ പ്ര​വ​ർ​ത്ത​ന​ങ്ങ​ളു​ടെ​യും കേ​ന്ദ്ര​മാ​യി മാ​റി.