മുറിക്കുള്ളിൽ ലോക്കായ കുരുന്നിന് ഫയർഫോഴ്സ് രക്ഷകരായി

ആറ്റിങ്ങൽ: രണ്ടര വയസ്സുകാരൻ കതകടച്ചു, ആറ്റിങ്ങൾ ഫയർഫോഴ്സ് രക്ഷകരായി. വെള്ളിയാഴ്ച പുലർച്ച ഒരുമണിയോടെയാണ് സംഭവം. അവനവഞ്ചേരി കിളിത്തട്ടുമുക്ക് സ്വദേശി ഹേമന്ദി​െൻറ മകനായ രണ്ടരവയസ്സുകാരനാണ് മുറിക്കുള്ളിൽ അകപ്പെട്ടത്.

പരിഭ്രാന്തരായ വീട്ടുകാർ അറിയിച്ചതനുസരിച്ച് ആറ്റിങ്ങൽ അഗ്​നിരക്ഷാ നിലയത്തിലെ എ.എസ്.ടി.ഒ സജിത്ത് ലാലി​െൻറ നേതൃത്വത്തിൽ എത്തിയ സേനാംഗങ്ങളായ മനു വി.നായർ, വിദ്യാരാജ്, ജി.കെ. രാജഗോപാൽ, നിതിൻ, ഷൈൻ ജോൺ എന്നിവർ ചേർന്നാണ് കതക് തുറന്ന് കുട്ടിയെ രക്ഷപ്പെടുത്തിയത്.