തിരുവനന്തപുരം കലക്ടറുടെ അദാലത്ത്; റിങ്‌ റോഡുമായി ബന്ധപ്പെട്ട് പരാതി പ്രളയം

ആ​റ്റി​ങ്ങ​ൽ: ക​ല​ക്ട​റു​ടെ അ​ദാ​ല​ത്തി​ൽ വി​ഴി​ഞ്ഞം-​നാ​വാ​യി​ക്കു​ളം റി​ങ്‌ റോ​ഡു​മാ​യി ബ​ന്ധ​പ്പെ​ട്ട് പ​രാ​തി പ്ര​ള​യം. ആ​റ്റി​ങ്ങ​ലി​ൽ ന​ട​ത്തി​യ അ​ദാ​ല​ത്തി​ലാ​ണ് ജ​ന​ങ്ങ​ളു​ടെ ആ​ശ​ങ്ക വ്യ​ക്ത​മാ​ക്കു​ന്ന രീ​തി​യി​ൽ പ​രാ​തി​ക​ളു​ണ്ടാ​യ​ത്. ചി​റ​യി​ന്‍കീ​ഴ് താ​ലൂ​ക്കി​ല്‍ 320 പ​രാ​തി​ക​ളാ​ണ് ആ​കെ ല​ഭി​ച്ച​ത്. ഇ​തി​ൽ 52 അ​പേ​ക്ഷ​ക​ൾ വി​ഴി​ഞ്ഞം-​നാ​വാ​യി​ക്കു​ളം റി​ങ്​ റോ​ഡു​മാ​യി ബ​ന്ധ​പ്പെ​ട്ടാ​ണ്.

ല​ഭി​ച്ച 320 പ​രാ​തി​ക​ളി​ൽ 109 എ​ണ്ണം തീ​ര്‍പ്പാ​ക്കി. ബാ​ക്കി​യു​ള്ള​വ അ​ടി​യ​ന്ത​ര​മാ​യി തീ​ര്‍പ്പാ​ക്കാ​ന്‍ നി​ര്‍ദേ​ശം ന​ല്‍കി. 18 പേ​ര്‍ക്ക് റേ​ഷ​ന്‍ കാ​ര്‍ഡു​ക​ളും 10 പേ​ര്‍ക്ക് അ​വ​കാ​ശ സ​ര്‍ട്ടി​ഫി​ക്ക​റ്റു​ക​ളും നാ​ല് ത​രം​മാ​റ്റം ഉ​ത്ത​ര​വു​ക​ളും 18 എ​ല്‍.​ആ​ര്‍.​എം ഉ​ത്ത​ര​വു​ക​ളും ഉ​ള്‍പ്പെ​ടെ 50 രേ​ഖ​ക​ള്‍ പ​രി​പാ​ടി​യി​ല്‍ ക​ല​ക്ട​ര്‍ വി​ത​ര​ണം ചെ​യ്തു. വി​ഴി​ഞ്ഞം-​നാ​വാ​യി​ക്കു​ളം റി​ങ്‌ റോ​ഡു​മാ​യി ബ​ന്ധ​പ്പെ​ട്ട അ​പേ​ക്ഷ​ക​ളി​ൽ ഇ​വ​രു​ടെ ആ​ശ​ങ്ക​ക​ള്‍ പ​രി​ഹ​രി​ക്കു​മെ​ന്ന് ക​ല​ക്ട​ര്‍ പ​റ​ഞ്ഞു.

പ​ട്ട​യ​വു​മാ​യി ബ​ന്ധ​പ്പെ​ട്ട പ​രാ​തി​ക​ളും മ​റ്റ് പ​രാ​തി​ക​ളും താ​ലൂ​ക്ക്, സ​പ്ലൈ ഓ​ഫി​സ്, മു​നി​സി​പ്പാ​ലി​റ്റി, പ​ഞ്ചാ​യ​ത്ത് തു​ട​ങ്ങി​യ ബ​ന്ധ​പ്പെ​ട്ട വി​ഭാ​ഗ​ങ്ങ​ളി​ലേ​ക്ക് തു​ട​ര്‍ ന​ട​പ​ടി​ക​ള്‍ക്കാ​യി കൈ​മാ​റി. ആ​റ്റി​ങ്ങ​ല്‍ സ​ണ്‍ ഓ​ഡി​റ്റോ​റി​യ​ത്തി​ല്‍ ന​ട​ന്ന പ​രാ​തി പ​രി​ഹാ​ര അ​ദാ​ല​ത്തി​ല്‍ ക​ല​ക്ട​ർ ജേ​റോ​മി​ക് ജോ​ർ​ജ്, ചി​റ​യി​ന്‍കീ​ഴ് ബ്ലോ​ക്ക് പ്ര​സി​ഡ​ന്റ് ജ​യ​ശ്രീ പി.​സി, ത​ഹ​സി​ല്‍ദാ​ര്‍ വേ​ണു, വി​വി​ധ വ​കു​പ്പു​ത​ല ഉ​ദ്യോ​ഗ​സ്ഥ​ര്‍, പ​ഞ്ചാ​യ​ത്ത് സെ​ക്ര​ട്ട​റി​മാ​ര്‍ തു​ട​ങ്ങി​യ​വ​രും പ​ങ്കെ​ടു​ത്തു.