പക്ഷിപ്പനി: മുൻകരുതൽ നടപടികളുമായി ആരോഗ്യവകുപ്പും പഞ്ചായത്തും

ആ​റ്റി​ങ്ങ​ൽ: പ​ക്ഷി​പ്പ​നി സ്ഥി​രീ​ക​രി​ച്ച​ത്​ അ​ഴൂ​രി​ൽ താ​റാ​വ് ഫാ​മി​ല്‍. പെ​രു​ങ്ങു​ഴി ക​ട​വി​ന് സ​മീ​പ​ത്ത് മ​ര​യ്ക്കാ​ര്‍ വി​ളാ​ക​ത്ത് അ​മ​ലേ​ഷി​ന്റെ താ​റാ​വ് ഫാ​മി​ലാ​ണ് ആ​രോ​ഗ്യ​വ​കു​പ്പ് പ​ക്ഷി​പ്പ​നി സ്ഥി​രീ​ക​രി​ച്ച​ത്. ഒ​രാ​ഴ്ച മു​മ്പ് ഫാ​മി​ലെ താ​റാ​വു​ക​ള്‍ കൂ​ട്ട​ത്തോ​ടെ ച​ത്തി​രു​ന്നു. ഇ​തി​നെ തു​ട​ര്‍ന്ന്​ ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ​ക്ഷി​പ്പ​നി പ​ട​ര്‍ന്ന വി​വ​രം മ​ന​സ്സി​ലാ​യ​ത്.

അ​മ​ലേ​ഷ് വ​ര്‍ഷ​ങ്ങ​ളാ​യി ന​ട​ത്തു​ന്ന താ​റാ​വ് ഫാ​മി​ല്‍ എ​ണ്ണൂ​റോ​ളം താ​റാ​വു​ക​ളും 300 കോ​ഴി​ക​ളു​മാ​ണ് ഉ​ണ്ടാ​യി​രു​ന്ന​ത്. ക​ഴി​ഞ്ഞ​യാ​ഴ്ച താ​റാ​വു​ക​ള്‍ കൂ​ട്ട​ത്തോ​ടെ ച​ത്തു. ഇ​തി​നെ തു​ട​ര്‍ന്ന്​ മൃ​ഗ​സം​ര​ക്ഷ​ണ വ​കു​പ്പ് അ​ധി​കൃ​ത​ര്‍ സാ​മ്പി​ളു​ക​ള്‍ ശേ​ഖ​രി​ച്ച് പാ​ലോ​ട് വെ​റ്റ​റി​ന​റി ലാ​ബി​ല്‍ അ​യ​ച്ചു.

ഇ​വി​ടെ ന​ട​ത്തി​യ പ​രി​ശോ​ധ​ന​യി​ല്‍ പ​ക്ഷി​പ്പ​നി സ്ഥി​രീ​ക​രി​ച്ചി​രു​ന്നു. തു​ട​ര്‍ന്ന് സാ​മ്പ്​​ള്‍ ദേ​ശീ​യ വെ​റ്റ​റി​ന​റി ലാ​ബി​ലേ​ക്ക​യ​ച്ചു. ക​ഴി​ഞ്ഞ ദി​വ​സ​മാ​ണ്​ പ​രി​ശോ​ധ​ന ഫ​ലം ല​ഭി​ച്ച​ത്. ഇ​തി​നെ​തു​ട​ര്‍ന്നാ​ണ് മൃ​ഗ​സം​ര​ക്ഷ​ണ വ​കു​പ്പും ആ​രോ​ഗ്യ​വ​കു​പ്പും ജ​ന​ങ്ങ​ള്‍ക്ക് ജാ​ഗ്ര​താ​നി​ർ​ദേ​ശം ന​ല്‍കി​യ​ത്.

പ​ക്ഷി​ക​ളി​ല്‍ നി​ന്ന് വ​ള​രെ വേ​ഗം മ​നു​ഷ്യ​രി​ലേ​ക്ക്​ പ​ട​ര്‍ന്നു​പി​ടി​ക്കു​ന്ന രോ​ഗ​മാ​യ​തി​നാ​ല്‍ ആ​രോ​ഗ്യ​വ​കു​പ്പ് ജാ​ഗ്ര​താ​നി​ർ​ദേ​ശം ന​ല്‍കി. ശ​നി​യാ​ഴ്​​ച ക​ല​ക്ട​റു​ടെ നേ​തൃ​ത്വ​ത്തി​ല്‍ ന​ട​ന്ന അ​വ​ലോ​ക​ന യോ​ഗ​ത്തി​ന് പി​ന്നാ​ലെ ഞാ​യ​റാ​ഴ്ച പ​ഞ്ചാ​യ​ത്തി​ല്‍ വി​വി​ധ വ​കു​പ്പു​ക​ളു​ടെ സം​യു​ക്ത യോ​ഗം ന​ട​ക്കു​മെ​ന്ന് അ​ഴൂ​ര്‍ പ​ഞ്ചാ​യ​ത്ത് പ്ര​സി​ഡ​ന്റ് ആ​ര്‍. അ​നി​ല്‍കു​മാ​ര്‍ പ​റ​ഞ്ഞു.

സ​മീ​പ മേ​ഖ​ല​ക​ളി​ലും ആ​ശ​ങ്ക വ​ർ​ധി​ച്ചി​ട്ടു​ണ്ട്. പ​ല പൗ​ൾ​ട്രി ഫാ​മു​ക​ളി​ലും കോ​ഴി​ക​ൾ വ​ലി​യ തോ​തി​ൽ ച​ത്ത​താ​യി റി​പ്പോ​ർ​ട്ടു​ണ്ട്. കാ​ലാ​വ​സ്ഥ​മാ​റ്റം കൊ​ണ്ടു​ള്ള​താ​ണെ​ന്നാ​ണ് ഇ​വ​ർ ക​രു​തി​യി​രു​ന്ന​ത്. പ​ക്ഷി​പ്പ​നി സ്ഥി​രീ​ക​രി​ച്ച​തോ​ടെ ആ​ശ​ങ്ക വ​ർ​ധി​ച്ചി​ട്ടു​ണ്ട്. പു​തി​യ​താ​യി കോ​ഴി​യെ എ​ടു​ക്കു​ന്ന​തും പ​ല പൗ​ൾ​ട്രി ഫാ​മു​ക​ളും നി​ർ​ത്തി​വെ​ച്ചു.

ശ്രദ്ധിക്കേണ്ടതും പാലിക്കേണ്ടതും

തിരുവനന്തപുരം: പക്ഷിപ്പനി സംബന്ധിച്ച്​ പൊതുജനം ശ്രദ്ധിക്കേണ്ടതും പാലിക്കേണ്ടതുമായ കാര്യങ്ങളെ കുറിച്ച്​ കലക്​ടറുടെ അറിയിപ്പ്​ പുറത്തിറക്കി.

• ചത്ത പക്ഷികളെയും രോഗം ബാധിച്ചവയെയോ ദേശാടനക്കിളികളെയോ ഇവയുടെയൊക്കെ കാഷ്​ഠമോ ഒക്കെ കൈകാര്യം ചെയ്യേണ്ട സാഹചര്യം വന്നാൽ അതിനുമുമ്പും ശേഷവും ചൂടുവെള്ളവും സോപ്പും ഉപയോഗിച്ച് കൈകൾ ഇടക്കിടെ കഴുകി വൃത്തിയാക്കണം.
  
• രോഗത്തിന്റെ പ്രഭവകേന്ദ്രത്തിൽനിന്ന്​ ഒരു കിലോമീറ്റർ ചുറ്റളവിൽ ഉള്ള രോഗം ബാധിച്ചതോ ചത്തതോ ആയ പക്ഷികളെ കൈകാര്യം ചെയ്യുമ്പോൾ കൈയുറയും മാസ്കും നിർബന്ധമായും ധരിക്കണം.
• കോഴികളുടെ മാംസം (പച്ചമാംസം) കൈകാര്യം ചെയ്യുന്നതിന് മുമ്പും പിൻപും സോപ്പും വെള്ളവും ഉപയോഗിച്ച് കൈകൾ വൃത്തിയാക്കണം.
• നന്നായി പാകം ചെയ്ത മാംസവും മുട്ടയും മാത്രമേ ഉപയോഗിക്കാവൂ.
• സാധാരണമാംവിധം പക്ഷികളുടെ മരണം ശ്രദ്ധയിൽപ്പെട്ടാൽ അടുത്തുള്ള മൃഗസംരക്ഷണ വകുപ്പ് സ്ഥാപനത്തിൽ അറിയിക്കുക.
• പക്ഷികളെ കൈകാര്യം ചെയ്തശേഷം എന്തെങ്കിലും ശാരീരിക അസ്വസ്ഥത അനുഭവപ്പെട്ടാൽ അടുത്തുള്ള മെഡിക്കൽ ഡോക്ടറെ ബന്ധപ്പെടുക.
• വ്യക്തിശുചിത്വം പാലിക്കുക.
• ശുചീകരണത്തിനായി രണ്ടു ശതമാനം സോഡിയം ഹൈഡ്രോക്സൈഡ് ലായനി, പൊട്ടാസ്യം പെർമാംഗനേറ്റ് ലായനി, കുമ്മായം എന്നിവ ഉപയോഗിക്കാം.