Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightTrivandrumchevron_rightAttingalchevron_rightകായല്‍ കൈയേറ്റം...

കായല്‍ കൈയേറ്റം വീണ്ടും വ്യാപകം

text_fields
bookmark_border
കായല്‍ കൈയേറ്റം വീണ്ടും വ്യാപകം
cancel
camera_alt

പുളുന്തുരുത്തിയിലെ കായൽ കൈയേറ്റം

ആ​റ്റി​ങ്ങ​ല്‍: കാ​യ​ല്‍ കൈ​യേ​റ്റ​വും നീ​ര്‍ച്ചാ​ലു​ക​ള്‍ നി​ക​ത്തു​ന്ന​തും ഗ്രാ​മീ​ണ​മേ​ഖ​ല​യി​ൽ വീ​ണ്ടും വ്യാ​പ​ക​മാ​കു​ന്നു. കോ​വി​ഡ് ​പ്ര​തി​രോ​ധ, അ​നു​ബ​ന്ധ പ്ര​വ​ർ​ത്ത​ന​ങ്ങ​ളി​ലേ​ക്ക്​ ഉ​ദ്യോ​ഗ​സ്ഥ​രു​ടെ​യ​ട​ക്കം ശ്ര​ദ്ധ തി​രി​ഞ്ഞ​തി​ന്റെ മ​റ​വി​ലാ​ണ് കൈ​യേ​റ്റ​ങ്ങ​ൾ. ക​ഠി​നം​കു​ളം, അ​ഞ്ചു​തെ​ങ്ങ്, അ​ക​ത്തു​മു​റി കാ​യ​ലി​ലും ഇ​വ​യു​ടെ കൈ​വ​ഴി​ക​ളി​ലു​മാ​യാ​ണ് കൈ​യേ​റ്റം. ഘ​ട്ടം​ഘ​ട്ട​മാ​യി മ​ണ്ണി​ട്ട് നി​ക​ത്തി​യും തു​ട​ര്‍ന്ന് പാ​റ കൊ​ണ്ട് മ​തി​ല്‍ കെ​ട്ടി​ത്തി​രി​ച്ചും സ്വ​കാ​ര്യ വ്യ​ക്തി​ക​ള്‍ കാ​യ​ല്‍ കൈ​യേ​റി ക​ര​ഭൂ​മി​യാ​ക്കു​ന്നു.

ജ​ല​ഗ​താ​ഗ​ത​ത്തെ മാ​ത്രം ആ​ശ്ര​യി​ച്ചി​രു​ന്ന കാ​ല​ത്ത് കാ​യ​ല്‍കൈ​വ​ഴി​ക​ള്‍ ജ​നം സം​ര​ക്ഷി​ച്ചി​രു​ന്നു. റോ​ഡ് ഗ​താ​ഗ​തം വ​ന്ന​തോ​ടെ ഇ​വ സം​ര​ക്ഷ​ണ​മി​ല്ലാ​തെ​യാ​യി. പി​ല്‍ക്കാ​ല​ത്ത് ഭൂ​മി വി​ല​യി​ലു​ണ്ടാ​യ വ​ർ​ധ​ന ച​തു​പ്പു​ക​ളും കാ​യ​ല്‍ കൈ​വ​ഴി​ക​ളും വ്യാ​പ​ക​മാ​യി നി​ക​ത്ത​പ്പെ​ടു​ന്ന​തി​ന് കാ​ര​ണ​മാ​യി. കാ​യ​ല്‍തീ​ര​ങ്ങ​ളി​ലെ കൈ​യേ​റ്റ​ത്തി​ന്റെ നാ​മ​മാ​ത്ര​മാ​യ ഭാ​ഗ​മാ​ണ് പ​ല​പ്പോ​ഴാ​യി തി​രി​ച്ച് പി​ടി​ക്കാ​ന്‍ ന​ട​പ​ടി​യു​ണ്ടാ​യ​ത്. ഇ​വ​പോ​ലും പി​ന്നീ​ട് സം​ര​ക്ഷി​ക്ക​പ്പെ​ട്ടി​ല്ല. ഇ​തി​ന് ശേ​ഷ​വും വ്യാ​പ​ക​മാ​യ രീ​തി​യി​ല്‍ കാ​യ​ല്‍ കൈ​യേ​റ്റം തീ​ര​ത്തു​ണ്ടാ​യി.

ഇ​വ​യി​ല്‍ കോ​ര്‍പ​റേ​റ്റ് സ്ഥാ​പ​ന​ങ്ങ​ള്‍ മു​ത​ല്‍ പ്രാ​ദേ​ശി​ക ഭൂ​മി ഇ​ട​പാ​ടു​കാ​ർ വ​രെ​യു​ണ്ട്. ചി​റ​യി​ന്‍കീ​ഴ്, വ​ക്കം, ക​ട​യ്ക്കാ​വൂ​ര്‍, അ​ഴൂ​ര്‍, മ​ണ​മ്പൂ​ര്‍ പ്ര​ദേ​ശ​ങ്ങ​ളി​ലും കാ​യ​ല്‍ കൈ​യേ​റ്റം വ്യാ​പ​ക​മാ​യി തു​ട​രു​ന്നു. കാ​യ​ല്‍ തീ​ര​ത്ത് ഘ​ട്ടം ഘ​ട്ട​മാ​യാ​ണ് മ​ണ്ണി​ട്ട് നി​ക​ത്തി ക​ര​ഭൂ​മി​യാ​ക്കു​ന്ന​ത്. ഒ​ടു​വി​ൽ കാ​യ​ലി​ൽ പാ​റ ഇ​റ​ക്കി അ​തി​ര്‍ത്തി കെ​ട്ടി തി​രി​ക്കും. അ​പ്പോ​ള്‍ മാ​ത്ര​മാ​കും കൈ​യേ​റ്റ വി​വ​രം മ​റ്റു​ള്ള​വ​ര്‍ ശ്ര​ദ്ധി​ക്കു​ക. വ​ക്കം വി​ല്ലേ​ജി​ല്‍ കാ​യ​ല്‍ നി​ക​ത്തി​യ​വ​ര്‍ വി​ല്ലേ​ജ് ഓ​ഫി​സി​ലെ ജീ​വ​ന​ക്കാ​രെ സ്വാ​ധീ​നി​ച്ച് നി​ല​വി​ലു​ണ്ടാ​യി​രു​ന്ന എ​ല്ലാ രേ​ഖ​ക​ളും ന​ശി​പ്പി​ക്കു​ക​യും കൈ​യേ​റ്റ​ഭൂ​മി ഉ​ള്‍പ്പെ​ടു​ത്തി പു​തി​യ രേ​ഖ​ക​ള്‍ സൃ​ഷ്ടി​ക്കു​ക​യും ചെ​യ്തി​രു​ന്നു.

നി​ര​വ​ധി അ​ന്വേ​ഷ​ണ​ങ്ങ​ള്‍ വി​വി​ധ​ത​ല​ങ്ങ​ളി​ല്‍ ന​ട​ന്നെ​ങ്കി​ലും ഇ​വ പാ​തി വ​ഴി​യി​ല്‍ മു​ട​ങ്ങി​യ നി​ല​യി​ലാ​ണ്. പൂ​ര്‍ത്തി​യാ​യ അ​ന്വേ​ഷ​ണ​ങ്ങ​ളി​ൽ വ്യാ​പ​ക​മാ​യ തി​രി​മ​റി ക​ണ്ടെ​ത്തു​ക​യും ന​ട​പ​ടി​ക​ള്‍ക്ക് നി​ർ​ദേ​ശി​ക്കു​ക​യും ചെ​യ്തി​രു​ന്നു. എ​ന്നാ​ല്‍, പൊ​തു​ജ​ന​ങ്ങ​ള്‍ക്കു​ണ്ടാ​യ ബു​ദ്ധി​മു​ട്ട് പ​രി​ഹ​രി​ക്കു​ന്ന​തി​ന് പ്രാ​മു​ഖ്യം ന​ല്‍കി​യ​തോ​ടെ തി​രി​മ​റി​ക്കാ​ര്‍ ര​ക്ഷ​പ്പെ​ട്ടു. വ​ക്ക​ത്ത് കൈ​യേ​റ്റം ന​ട​ത്തി​യ​വ​ര്‍ രേ​ഖ​ക​ള്‍ കൃ​ത്യ​മാ​ക്കി​യ​പ്പോ​ള്‍ സാ​ധാ​ര​ണ​ക്കാ​ര്‍ വി​ല്ലേ​ജ് ഓ​ഫി​സു​ക​ളി​ല്‍ ത​ങ്ങ​ളു​ടെ വ​സ്തു​വി​ന്റെ വി​വ​ര​ങ്ങ​ളി​ല്ലെ​ന്ന് അ​റി​ഞ്ഞ് പ​രാ​തി​ക​ളു​മാ​യി സ​ര്‍ക്കാ​ര്‍ ഓ​ഫി​സു​ക​ളി​ല്‍ ക​യ​റി​യി​റ​ങ്ങി​ക്കൊ​ണ്ടി​രി​ക്കു​ന്നു.

ഇ​പ്പോ​ൾ നി​ക​ത്തി​യെ​ടു​ക്കു​ന്ന സ്ഥ​ലം ഭാ​വി​യി​ല്‍ ഇ​വ ക്ര​മ​വ​ത്​​ക​രി​ച്ച്​ കി​ട്ടു​മെ​ന്ന പ്ര​തീ​ക്ഷ​യാ​ണ് കൈ​യേ​റ്റ​ക്കാ​രെ പ്രോ​ത്സാ​ഹി​പ്പി​ക്കു​ന്ന​ത്. കാ​യ​ല്‍ കൈ​യേ​റി​യ സം​ഭ​വ​ങ്ങ​ളി​ല്‍ സ്റ്റോ​പ് മെ​മ്മോ കൊ​ടു​ക്കു​ന്ന​തി​ന് അ​പ്പു​റം യാ​തൊ​ന്നും ഉ​ദ്യോ​ഗ​സ്ഥ​ര്‍ ചെ​യ്യാ​റി​ല്ല. ഇ​വ തി​രി​കെ കാ​യ​ല്‍ ഭൂ​മി​യാ​ക്കി മാ​റ്റാ​ന്‍ അ​ന​ധി​കൃ​ത നി​ർ​മാ​ണ​വും നി​ക്ഷേ​പി​ച്ച മ​ണ്ണും നീ​ക്കം ചെ​യ്യ​ണം. അ​ത് ചെ​യ്യാ​ത്ത​തി​നാ​ല്‍ പി​ല്‍ക്കാ​ല​ത്ത് ഇ​വ നി​യ​മ​പ​ര​മാ​യ ഭൂ​മി​യാ​യി മാ​റും.

വി.​എ​സ്. അ​ച്യു​താ​ന​ന്ദ​ന്‍ മു​ഖ്യ​മ​ന്ത്രി​യാ​യി​രി​ക്കെ ആ​രം​ഭി​ച്ച കൈ​യേ​റ്റ വി​രു​ദ്ധ ന​ട​പ​ടി​ക​ളു​ടെ ഭാ​ഗ​മാ​യി ചി​റ​യി​ന്‍കീ​ഴ് താ​ലൂ​ക്കി​ല്‍ 45 ഏ​ക്ക​റോ​ളം കൈ​യേ​റ്റം ക​ണ്ടെ​ത്തി​യി​രു​ന്നു. ഇ​തി​ല്‍ 44 ഏ​ക്ക​റും കാ​യ​ല്‍ കൈ​യേ​റ്റ​മാ​ണ്. വി​ശാ​ല​മാ​യ ക​ഠി​നം​കു​ളം - അ​ഞ്ചു​തെ​ങ്ങ് കാ​യ​ലു​ക​ളു​ടെ തീ​ര​ങ്ങ​ളി​ല്‍ വ​ലി​യ ച​തു​പ്പ് പ്ര​ദേ​ശ​ങ്ങ​ളു​ണ്ടാ​യി​രു​ന്നു. കാ​യ​ല്‍ കൈ​വ​ഴി​ക​ളും നി​ര​വ​ധി​യാ​യി​രു​ന്നു. ഇ​പ്പോ​ൾ അ​വ​യെ​ല്ലാം ഇ​ല്ലാ​താ​യി​ക്കൊ​ണ്ടി​രി​ക്കു​ന്ന സാ​ഹ​ച​ര്യ​മാ​ണ്.

Show Full Article
TAGS:Backwater encroachment 
News Summary - Backwater encroachment is widespread again
Next Story