ആറ്റിങ്ങൽ ഉപജില്ല സ്കൂൾ കലോത്സവം ഗവ. മോഡൽ ബോയ്സിൽ

ആറ്റിങ്ങൽ: ഉപജില്ല കേരള സ്കൂൾ കലോത്സവം 14, 15, 16, 17 തീയതികളിലായി ആറ്റിങ്ങൽ ഗവ. മോഡൽ ബോയ്സ് ഹയർ സെക്കൻഡറി സ്കൂളിൽ നടക്കും. ഏഴ് വേദികളിലായി നടക്കുന്ന കലോത്സവത്തിന്റെ പന്തൽ കാൽനാട്ട് കർമം ആറ്റിങ്ങൽ മുനിസിപ്പൽ ചെയർപേഴ്സൻ അഡ്വ. എസ്. കുമാരി നിർവഹിച്ചു.

എ.ഇ.ഒ വിജയകുമാരൻ നമ്പൂതിരി, ജനറൽ കൺവീനർ അജിത എസ്, ഹെഡ്മാസ്റ്റർ എസ്. അനിൽകുമാർ, പി.റ്റി.എ പ്രസിഡന്റ് വിജുകുമാർ, അധ്യാപക സംഘടന നേതാക്കളായ എൻ. സാബു, ദിനേഷ് കുമാർ കെ, എം. ബാബു, സി.എസ്. വിനോദ്, ടി.യു. സഞ്ജീവ്, വിവിധ സബ് കമ്മിറ്റി കൺവീനർമാർ എന്നിവർ പങ്കെടുത്തു.