തിരുവനന്തപുരം മെഡിക്കൽ കോളജിൽ പുറത്തുനിന്ന്​ മരുന്ന്​ വാങ്ങാൻ ആവശ്യപ്പെടുന്നത്​ വിലക്കി

തിരുവനന്തപുരം: മെഡിക്കൽ​ കോളജിൽ സൗജന്യ ചികിത്സ പ്രതീക്ഷിച്ചെത്തുന്നവരോട്​​ ചികിത്സ ഉപകരണങ്ങളും മര​ുന്നും പുറത്തുനിന്ന്​ വാങ്ങാൻ ആവശ്യപ്പെടുന്നത്​ വിലക്കി.

ചികിത്സയിലുള്ള രോഗികൾക്ക്​ മരുന്നോ ചികിത്സ ഉപകരണങ്ങ​ളോ പുറത്തുനിന്ന്​ എത്തിച്ചുനൽകാൻ ബന്ധുക്കളോട്​ ആവശ്യപ്പെടരുതെന്നും ഇതിന്​ വിരുദ്ധമായ ഇടപെടലുണ്ടായാൽ കർശന നടപടിയുണ്ടാകുമെന്നും തിരുവനന്തപുരം മെഡിക്കൽ കോളജ്​ സൂപ്രണ്ട്​ മുന്നറിയിപ്പ്​ നൽകി. ദിനംപ്രതി ആവശ്യമുള്ള സാധനങ്ങൾ മുൻകൂട്ടി കണക്കാക്കി സ്​റ്റോർ സൂപ്രണ്ടിനെ അറിയിച്ച്​ സംഭരിച്ച്​ ​സൂക്ഷിക്കണ​മെന്നും ഉത്തരവിൽ പറയുന്നു.

പ്രതിദിനം 2000 രൂപയിലേറെ വിലയുള്ള മരുന്നുകൾ പുറത്തുനിന്ന്​ വാങ്ങി നൽകാൻ ആവശ്യപ്പെടുന്നത്​​ കോവിഡാന്തര ചികിത്സയിലുള്ളവർക്കടക്കം വലിയ ബുദ്ധിമുട്ട്​ സൃഷ്​ടിച്ചിരുന്നു. സ്​റ്റോക്കി​െല്ലന്ന്​ പറഞ്ഞാണ്​ അവശ്യ മരുന്നുകൾപോലും പുറത്തുനിന്നെത്തിക്കാൻ ആവശ്യ​െപ്പട്ടിരുന്നത്​.

സൗജന്യ ചികിത്സയാണെന്ന പ്രതീക്ഷയിലാണ്​ കോവിഡാനന്തര ചികിത്സക്ക്​ സാമ്പത്തികശേഷി കുറഞ്ഞവരടക്കം സർക്കാർ മെഡിക്കൽ കോളജുകളെ ആശ്രയിക്കു​േമ്പാഴായിരുന്നു ഇൗ സ്ഥിതി. കോവിഡ് ചികിത്സയിലുള്ള രോഗിക്കുവേണ്ടി ഉപകരണങ്ങളും മരുന്നും എത്തിക്കണമെന്നാവശ്യപ്പെടുന്ന ഫോൺ സംഭാഷണം പുറത്തായിരുന്നു.

സർക്കാർ സൗജന്യ ചികിത്സ ഉറപ്പുനൽകവെ ആശുപത്രി ജീവനക്കാർതന്നെ പുറത്തുനിന്ന് വിലകൊടുത്ത് ചികിത്സാ വസ്തുക്കൾ വാങ്ങാൻ പറഞ്ഞതാണ്​ വിവാദമായത്​. തുടർന്നാണ് ജീവനക്കാർക്ക് മുന്നറിയിപ്പുമായി ആശുപത്രി സൂപ്രണ്ട് സർക്കുലർ ഇറക്കിയത്.അതേസമയം, അവശ്യമരുന്നുകളും കോവിഡ് പ്രതിരോധ, ചികിത്സാ ഉപകരണങ്ങളും ഇപ്പോഴും ആവശ്യത്തിന് സ്​റ്റോക്കില്ല.

ഈ സാഹചര്യത്തിൽ പുറത്തുനിന്ന് ആവശ്യപ്പെടുകയല്ലാതെ തങ്ങൾ എന്തുചെയ്യുമെന്നാണ് ആരോഗ്യപ്രവർത്തകരുടെ ചോദ്യം. ജീവനക്കാരെ കുറ്റപ്പെടുത്തുന്നതരത്തിലുള്ള സർക്കുലറിൽ അമർഷവുമുയരുന്നുണ്ട്. ആശുപത്രിയിൽ ഗ്ലൗസിനും ക്ഷാമം നേരിടുന്നുണ്ട്​. സുരക്ഷാ ഉൽപന്നങ്ങൾ എത്തിക്കാനുള്ള നടപടി തുടരുകയാണെന്ന് കേരള മെഡിക്കൽ സർവിസസ് കോർപറേഷൻ അറിയിച്ചു.