വീട്​ വാടകക്ക്​ പരസ്യം നൽകി ലക്ഷങ്ങൾ തട്ടിയയാൾ അറസ്റ്റിൽ

തി​രു​വ​ന​ന്ത​പു​രം: വീ​ട് പാ​ട്ട​ത്തി​ന് ന​ൽ​കാ​മെ​ന്ന് പ​ര​സ്യം ന​ൽ​കി ല​ക്ഷ​ങ്ങ​ള്‍ ത​ട്ടി​യ​യാ​ള്‍ പി​ടി​യി​ൽ. ശാ​സ്ത​മം​ഗ​ലം പൈ​പ്പി​ൻ​മൂ​ട് സ്വ​ദേ​ശി ശ്രീ​കു​മാ​ര​ൻ ത​മ്പി​യെ​യാ​ണ് പേ​രൂ​ർ​ക്ക​ട പൊ​ലീ​സ് അ​റ​സ്റ്റ് ചെ​യ്ത​ത്. ഒ​രു വീ​ട് കാ​ണി​ച്ച് ഒ​രു വ‍ർ​ഷ​ത്തി​ല​ധി​ക​മാ​യാ​യി ത​ട്ടി​പ്പ് ന​ട​ത്തു​ക​യാ​യി​രു​ന്നു. പൈ​പ്പി​ൻ​മൂ​ടി​ൽ ശ്രീ​കു​മാ​ര​ൻ ത​മ്പി താ​മ​സി​ക്കു​ന്ന വീ​ട് പാ​ട്ട​ത്തി​ന് ന​ൽ​കാ​നു​ണ്ടെ​ന്ന് പ​ത്ര​ത്തി​ൽ പ​ര​സ്യം ന​ൽ​കി​യാ​ണ്​ ത​ട്ടി​പ്പ്. പ​ര​സ്യം ക​ണ്ട് വി​ളി​ക്കു​ന്ന​വ​രി​ൽ​നി​ന്ന്​ അ​ഡ്വാ​ൻ​സ് തു​ക വാ​ങ്ങി മ​റ്റൊ​രു ദി​വ​സം താ​ക്കോ​ൽ കൈ​മാ​റാ​മെ​ന്ന് ക​രാ​ർ​വെ​ക്കും.

പ​റ​യു​ന്ന ദി​വ​സം താ​ക്കോ​ൽ കൈ​മാ​റാ​തെ ശ്രീ​കു​മാ​ര​ൻ ത​മ്പി പ​ല കാ​ര​ണ​ങ്ങ​ള്‍ പ​റ​ഞ്ഞ് ഒ​ഴി​ഞ്ഞു​മാ​റും. പ​ണം ന​ൽ​കു​ന്ന​വ​ർ പൊ​ലീ​സി​നെ സ​മീ​പി​ച്ചാ​ൽ പി​ന്നാ​ലെ വി​ളി​ച്ച് പ​കു​തി പ​ണം ന​ൽ​കി താ​ൽ​ക്കാ​ലി​ക ഒ​ത്തു​തീ​ർ​പ്പു​മു​ണ്ടാ​ക്കും.

പ​ണം ന​ഷ്ട​മാ​യ നാ​ലു​പേ​ർ പേ​രൂ​ർ​ക്ക​ട പൊ​ലീ​സി​നെ സ​മീ​പി​ച്ച​തോ​ടെ​യാ​ണ്​ കേ​സെ​ടു​ത്ത​ത്. 35 ല​ക്ഷം രൂ​പ​യു​ടെ ത​ട്ടി​പ്പി​ലാ​ണ് ഇ​പ്പോ​ള്‍ കേ​സ്. ഒ​ളി​വി​ൽ​പോ​യ ശ്രീ​കു​മാ​ര​ൻ ത​മ്പി​യെ ഞാ​യ​റാ​ഴ്ച രാ​വി​ലെ​യാ​ണ് അ​റ​സ്റ്റ് ചെ​യ്ത​ത്. ഇ​യാ​ൾ അ​റ​സ്റ്റി​ലാ​യ വി​വ​ര​മ​റി​ഞ്ഞ് പ​ണം ന​ൽ​കി​യ മ​റ്റു ചി​ല​രും സ്റ്റേ​ഷ​നി​ലെ​ത്തി. ഇ​വ​ർ​ക്കെ​ല്ലാം അ​ധി​കം വൈ​കാ​തെ പ​ണം ന​ൽ​കാ​മെ​ന്ന് വാ​ഗ്​​ദാ​നം ന​ൽ​കി ശ്രീ​കു​മാ​ര​ന്‍റെ ബ​ന്ധു​ക്ക​ള്‍ മ​ട​ക്കി അ​യ​ക്കു​ക​യാ​യി​രു​ന്നു.