തി​രു​വ​ന​ന്ത​പു​രത്ത് പനി ബാധിച്ച് യുവതി മരിച്ച സംഭവം; അസ്വാഭാവിക മരണത്തിന് പൊലീസ് കേസെടുത്തു

മെ​ഡി​ക്ക​ല്‍ കോ​ള​ജ്: തി​രു​വ​ന​ന്ത​പു​രം മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ പ​നി ബാ​ധി​ച്ച് ചി​കി​ത്സ​യി​ല്‍ ക​ഴി​യ​വെ, ക​ഴി​ഞ്ഞ​ദി​വ​സം യു​വ​തി മ​രി​ക്കാ​നി​ട​യാ​യ സം​ഭ​വ​ത്തി​ല്‍ ബ​ന്ധു​ക്ക​ള്‍ ചി​കി​ത്സാ പി​ഴ​വ് ആ​രോ​പി​ച്ച് മെ​ഡി​ക്ക​ല്‍ കോ​ള​ജ് പൊ​ലീ​സി​ല്‍ പ​രാ​തി ന​ല്‍കി. ചി​കി​ത്സി​ച്ച ഡോ​ക്ട​ര്‍മാ​രു​ടെ​യും ന​ഴ്‌​സു​മാ​രു​ടെ​യും പി​ഴ​വ് ക​ണ്ടെ​ത്ത​ണ​മെ​ന്നാ​വ​ശ്യ​പ്പെ​ട്ടാ​ണ് പ​രാ​തി ന​ല്‍കി​യ​ത്.

പ​റ​ണ്ടോ​ട് അ​ഗ​തി ത​ട​ത്ത​രി​ക​ത്ത് പു​ത്ത​ന്‍വീ​ട്ടി​ല്‍ ഷി​ബു കു​മാ​റി​ന്റെ മ​ക​ള്‍ ശി​ല്‍പ (25) ആ​ണ് വെ​ള​ളി​യാ​ഴ്ച മ​രി​ച്ച​ത്. പ​രാ​തി ഫ​യ​ലി​ല്‍ സ്വീ​ക​രി​ച്ച പൊ​ലീ​സ് അ​സ്വാ​ഭാ​കി​ക മ​ര​ണ​ത്തി​ന് കേ​സെ​ടു​ത്തു. പ​നി മൂ​ര്‍ച്ഛി​ച്ച​തി​നെ​ത്തു​ട​ര്‍ന്ന് ഒ​ക്ടോ​ബ​ര്‍ 18 നാ​ണ് ശി​ല്‍പ​യെ വി​ദ​ഗ്ധ ചി​കി​ത്സ​ക്കാ​യി മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലെ​ത്തി​ച്ച​ത്.

പ​രി​ശോ​ധ​ന​യി​ല്‍ പ്ലേ​റ്റ്‌​ല​റ്റ് കൗ​ണ്ട് കു​റ​ഞ്ഞ​താ​യി ക​ണ്ടെ​ത്തു​ക​യു​ണ്ടാ​യി. ഇ​തി​നു​ശേ​ഷ​വും ഒ​രാ​ഴ്ച​യോ​ളം ആ​വ​ശ്യ​മാ​യ ചി​കി​ത്സ​ക​ള്‍ ന​ല്‍കാ​തെ വാ​ര്‍ഡി​ല്‍ മോ​ശം സാ​ഹ​ച​ര്യ​ത്തി​ല്‍ യു​വ​തി​യെ കി​ട​ത്തി​യി​രു​ന്ന​താ​യി പ​രാ​തി​യി​ല്‍ പ​റ​യു​ന്നു. അ​സു​ഖം മോ​ശ​മാ​യ​തി​നെ​ത്തു​ട​ര്‍ന്ന് ഒ​ക്ടോ​ബ​ര്‍ 27ന് ​കൗ​ണ്ട് കൂ​ടി​യ ശേ​ഷം വാ​ര്‍ഡി​ലേ​ക്ക്​ മാ​റ്റാ​മെ​ന്നു​പ​റ​ഞ്ഞ് ഐ.​സി.​യു​വി​ലേ​ക്ക്​ മാ​റ്റി.

അ​ടു​ത്ത ദി​വ​സം കൗ​ണ്ട് കൂ​ടാ​നു​ള്ള കു​ത്തി​വെ​പ്പ്​ ന​ല്‍കി​യ ശേ​ഷം ക​ടു​ത്ത പ​നി​യു​ണ്ടാ​യി​രു​ന്ന ശി​ല്‍പ​യെ വീ​ണ്ടും വാ​ര്‍ഡി​ലേ​ക്ക്​ മാ​റ്റി​യ​താ​യി ബ​ന്ധു​ക്ക​ള്‍ ആ​രോ​പി​ക്കു​ന്നു. 30ന് ​രാ​വി​ലെ ശു​ചി​മു​റി​യി​ല്‍ ത​ല​ചു​റ്റി​വീ​ണ ശി​ല്‍പ​യെ വീ​ണ്ടും ഐ.​സി.​യു​വി​ലേ​ക്ക്​ മാ​റ്റു​ക​യും വെ​ള്ളി​യാ​ഴ്ച മ​രി​ക്കു​ക​യു​മാ​യി​രു​ന്നു.