ഗ്യാസ് ഏജൻസി ഉടമയെ പറ്റിച്ച് പണം തട്ടിയ ഏ​ജ​ന്‍സി മാ​നേ​ജ​ർ പിടിയിൽ

വ​ലി​യ​തു​റ: ഗ്യാ​സ് ഏ​ജ​ന്‍സി ഉ​ട​മ​യെ പ​റ്റി​ച്ച് 23 ല​ക്ഷം രൂ​പ ത​ട്ടി​യെ​ടു​ത്ത ഏ​ജ​ന്‍സി മാ​നേ​ജ​രെ വ​ലി​യ​തു​റ പൊ​ലീ​സ് അ​റ​സ്റ്റ് ചെ​യ്തു. ഊ​രൂ​ട്ട​മ്പ​ലം അ​യ​ണി​മൂ​ട് സ്വ​ദേ​ശി​യും അ​ഭി​ഭാ​ഷ​ക​നു​മാ​യ എം.​എ​സ്. അ​നി​ല്‍ പ്ര​സാ​ദി​നെ​യാ​ണ് (59) അ​റ​സ്റ്റ്​ ചെ​യ്ത​ത്.

ഈ​ഞ്ച​യ്ക്ക​ലി​ലെ സ്വ​കാ​ര്യ പാ​ച​ക​വാ​ത​ക ക​മ്പ​നി​യി​ലെ മാ​നേ​ജ​രാ​യി​രു​ന്നു ഇ​യാ​ളെ​ന്ന് പൊ​ലീ​സ് പ​റ​ഞ്ഞു. പാ​ച​ക​വാ​ത​ക സി​ലി​ണ്ട​റു​ക​ള്‍ വി​ത​ര​ണം ചെ​യ്ത ശേ​ഷം ഉ​പ​ഭോ​ക്താ​ക്ക​ള്‍ ന​ല്‍കു​ന്ന പ​ണം ഏ​ജ​ന്‍സി​യി​ല്‍ ന​ല്‍കാ​തെ ത​ട്ടി​ക്കു​ക​യാ​യി​രു​ന്നു. അ​ടു​ത്തി​ടെ ഏ​ജ​ന്‍സി​യി​ല്‍ ന​ട​ത്തി​യി​രു​ന്ന ഓ​ഡി​റ്റി​ലാ​ണ് ഏ​ജ​ന്‍സി ഉ​ട​മ ത​ട്ടി​പ്പ് തി​രി​ച്ച​റി​ഞ്ഞ​ത്. വ​ലി​യ​തു​റ​യി​ലെ സ്ഥാ​പ​ന​ത്തി​ന് ഗ്യാ​സ് സി​ലി​ണ്ട​റു​ക​ള്‍ ന​ല്‍കി​യ ഇ​ന​ത്തി​ല്‍ ല​ഭി​ച്ച 75,000 രൂ​പ ഇ​യാ​ളു​ടെ അ​ക്കൗ​ണ്ടി​ലേ​ക്ക്​ മാ​റ്റി​യി​രു​ന്നു.

ഗ്യാ​സ് സി​ലി​ണ്ട​റു​ക​ള്‍ വി​ത​ര​ണ​ത്തി​ലും ല​ഭി​ക്കേ​ണ്ട പ​ണം വ​ര​വു​വെ​ക്കു​ന്ന​തി​നും ക്ര​മ​ക്കേ​ട് ന​ട​ത്തി​യ അ​ക്കൗ​ണ്ട​ന്റാ​ണ് ര​ണ്ടാം പ്ര​തി. അ​നി​ല്‍ പ്ര​സാ​ദ് അ​ക്കൗ​ണ്ട​ന്റു​മാ​യി ചേ​ര്‍ന്നാ​ണ് ത​ട്ടി​പ്പ് ന​ട​ത്തി​യ​ത്. പ്ര​തി​ക്കെ​തി​രെ ക​ന്‍റോ​ണ്‍മെ​ന്റ്, ത​മ്പാ​നൂ​ര്‍, ഫോ​ര്‍ട്ട് പൊ​ലീ​സ് സ്റ്റേ​ഷ​നു​ക​ളി​ല്‍ സ​മാ​ന കേ​സ് നി​ല​വി​ലു​ണ്ട്. കോ​ട​തി​യി​ല്‍ ഹാ​ജ​രാ​ക്കി​യ പ്ര​തി​യെ റി​മാ​ന്‍ഡ് ചെ​യ്തു.