തി​രു​വ​ന​ന്ത​പു​രം വിമാനത്താവള എക്സ്പോർട്ടിങ് കാർഗോ സ്​ഥലംമാറ്റാൻ അദാനി ഗ്രൂപ്പിന്‍റെ കർശന നിർദേശം

ചാ​ക്ക: തി​രു​വ​ന​ന്ത​പു​രം രാ​ജ‍്യാ​ന്ത​ര വി​മാ​ന​ത്താ​വ​ള​ത്തി​ൽ പ്ര​വ​ർ​ത്തി​ക്കു​ന്ന എ​ക്സ്പോ​ർ​ട്ടി​ങ് കാ​ർ​ഗോ മാ​റ്റാ​ൻ അ​ദാ​നി ഗ്രൂ​പ്പി​ന്‍റെ നി​ർ​ദേ​ശം. സം​സ്ഥാ​ന സ​ര്‍ക്കാ​റി​ന്‍റെ ഉ​ട​മ​സ്ഥ​ത​യി​ലു​ള്ള കേ​ര​ള സ്റ്റേ​റ്റ് ഇ​ന്‍ഡ​സ്ട്രി​യ​ല്‍ എ​ന്‍റ​ര്‍പ്രൈ​സി​ന്‍റെ (കെ.​എ​സ്.​ഐ.​ഇ) നി​യ​ന്ത്ര​ണ​ത്തി​ല്‍ പ്ര​വ​ര്‍ത്തി​ക്കു​ന്ന എ​യ​ര്‍ കാ​ര്‍ഗോ കോം​പ്ല​ക്സി​ന്‍റെ പ്ര​വ​ര്‍ത്ത​ന​മാ​ണ് ഇ​വി​ടെ​നി​ന്ന്​ മാ​റ്റാ​ൻ അ​ദാ​നി ഗ്രൂ​പ്​ മു​ന്ന​റി​യി​പ്പ്​ ന​ൽ​കി​യ​ത്.

കോം​പ്ല​ക്​​സി​ൽ പ്ര​വേ​ശി​ക്കു​ന്ന​തി​ന് മു​മ്പ് കെ.​എ​സ്.​ഐ.​ഇ പ​ത്ത് രൂ​പ​യാ​ണ് പ്ര​വേ​ശ​ന ഫീ​സ് ഇ​ടാ​ക്കാ​യി​രു​ന്ന​ത്. എ​ന്നാ​ൽ, അ​ദാ​നി ഗ്രൂ​പ് വി​മാ​ന​ത്ത​വാ​ളം ഏ​റ്റെ​ടു​ത്ത​തോ​ടെ ഇ​വി​ടെ പാ​ർ​ക്കി​ങ് ഫീ ​പി​രി​ക്കാ​ൻ ക​രാ​ർ കൊ​ടു​ത്ത ക​മ്പ​നി 100 രൂ​പ ഈ​ടാ​ക്കാ​ൻ തു​ട​ങ്ങി. ഇ​തോ​ടെ ക​രാ​ർ ക​മ്പ​നി​യും കെ.​എ​സ്.​ഐ.​ഇ​യും ത​മ്മി​ൽ ശ​ക്ത​മാ​യ ത​ർ​ക്ക​മു​ണ്ടാ​യി. ഇ​ത്ര​യും തു​ക പ്ര​വേ​ശ​ന ഫീ​സ് ന​ൽ​കി​ല്ലെ​ന്ന്​ വ​ന്ന​തോ​ടെ​യാ​ണ്​ മൂ​ന്ന് മാ​സ​ത്തി​നു​ള്ളി​ൽ കാ​ർ​ഗോ മാ​റ്റ​ണ​മെ​ന്ന നി​ർ​ദേ​ശം വ​ന്ന​ത്. അ​തു​വ​രെ പ്ര​വേ​ശ​ന ഫീ​സ് ഈ​ടാ​ക്കി​ല്ല.

തി​രു​വ​ന​ന്ത​പു​രം വി​മാ​ന​ത്താ​വ​ള​ത്തി​ല്‍ വി​മാ​ന​ങ്ങ​ളു​ടെ എ​ണ്ണം കൂ​ടു​ന്ന​തി​ന് അ​നു​സ​രി​ച്ച് കാ​ര്‍ഗോ എ​ക്സ്പോ​ട്ടി​ങ്ങും കൂ​ടി വ​രു​മെ​ന്ന പ്ര​തീ​ക്ഷ​ക്കി​ടെ​യാ​ണ് ഈ ​നീ​ക്കം.

കാ​ർ​ഗോ മാ​റ്റേ​ണ്ടി​വ​ന്നാ​ൽ കെ.​എ​സ്.​ഐ.​ഇ​യു​ടെ കീ​ഴി​ൽ ശം​ഖും​മു​ഖ​​ത്തു​ള്ള കാ​ർ​ഗോ കോം​പ്ല​സി​ലേ​ക്ക് മാ​റ്റേ​ണ്ടി​വ​രും. അ​ങ്ങ​നെ വ​ന്നാ​ൽ ഇ​ര​ട്ടി ദു​രി​ത​മാ​യി മാ​റും.

ഇ​വി​ടെ വ​രു​ന്ന വാ​ഹ​ന​ങ്ങ​ളി​ൽ​നി​ന്ന്​ ലോ​ഡു​ക​ൾ ക​യ​റ്റി വി​മാ​ന​ത്താ​വ​ള​ത്തി​ലൂ​ടെ നാ​ല് കി​ലോ​മീ​റ്റ​റോ​ളം ദൂ​രം സ​ഞ്ച​രി​ച്ചാ​ൽ മാ​ത്ര​മേ വി​മാ​ന​ത്തി​ൽ ലോ​ഡ് ചെ​യ്യാ​ൻ പ​റ്റൂ. കാ​ര്‍ഗോ വ​ഴി അ​യ​ക്കു​ന്ന ല​ഗേ​ജു​ക​ൾ കൊ​ള്ള​യ​ടി​ക്ക​പ്പെ​ടു​ന്ന​താ​യി നേ​ര​ത്തേ​ത​ന്നെ ശം​ഖും​മു​ഖ​​ത്തു​ള്ള കാ​ർ​ഗോ കോം​പ്ല​സി​നെ​തി​രെ പ​രാ​തി​ക​ള്‍ വ്യാ​പ​ക​മാ​ണ്. വി​മാ​ന​ക്ക​മ്പ​നി​ക​ള്‍ക്ക് പ​രാ​തി​ക​ള്‍ ന​ല്‍കി​യാ​ല്‍ ത​ങ്ങ​ളു​ടെ ഉ​ത്ത​ര​വാ​ദി​ത്ത​മ​ല്ലെ​ന്നും കാ​ര്‍ഗോ കോം​പ്ല​ക്സി​ല്‍ അ​ന്വേ​ഷി​ക്ക​ണ​മെ​ന്നു​മു​ള്ള നി​ര്‍ദേ​ശ​ങ്ങ​ളാ​ണ് ല​ഭി​ക്കു​ന്ന​ത്.

ല​ഗേ​ജു​ക​ള്‍ എ​ടു​ത്താ​ല്‍ പി​ന്നീ​ട് പ​രാ​തി ന​ല്‍കാ​ന്‍പോ​ലും ആ​രെ​യും ശം​ഖും​മു​ഖ​ത്തെ കോം​പ്ല​ക്സി​ല്‍ ക​ട​ത്തി​വി​ടാ​റി​ല്ല. ചാ​ക്ക​യി​ൽ പ്ര​വ​ർ​ത്തി​ക്കു​ന്ന കെ​ട്ടി​ട​ത്തി​ന്‍റെ ശോ​ച്യാ​വ​സ്ഥ​ക്ക് പ​രി​ഹാ​രം കാ​ണു​ന്ന​തി​ന്‍റെ ഭാ​ഗ​മാ​യി കെ.​എ​സ്.​ഐ ആ​രം​ഭി​ച്ച കെ​ട്ടി​ട​ത്തി​ന്‍റെ പ​ണി ഇ​പ്പോ​ഴും പാ​തി​വ​ഴി​യി​ലാ​ണ്. എ​ക്സ്പോ​ട്ടി​ങ് കാ​ര്‍ഗോ വ​ഴി ദി​നം പ്ര​തി ട​ൺ ക​ണ​ക്കി​ന് പ​ച്ച​ക്ക​റി, മ​ത്സ്യം, ജ​ന​റ​ല്‍ കാ​ര്‍ഗോ എ​ന്നി​വ വി​വി​ധ എ​യ​ര്‍ലൈ​നു​ക​ള്‍ വ​ഴി വി​ദേ​ശ​ത്തേ​ക്ക് ക​യ​റി പോ​കു​ന്നു​ണ്ട്.